JEREMIA 5:31 - Bukuit Ne Tilil

³¹ Maoteni maotik lembeita, ak pou tisiik ko uu mageetap maotinwekwak, ak chamei piikyuk koteep ko uu nooto. Ago oyae nee anyun eng' kagesunetap tuguuchuuto?

BUKUIT NE TILIIL Sireet ne Dutero Kanon

³¹ Maoteni maotik lembeita, ak pou tisiik ko uu mageetap maotinwekwak, ak chamei piikyuk koteep ko uu nooto. Ago oyae nee anyun eng' kagesunetap tuguuchuuto?

BUKUIT NE TILIL

³¹ Maoteni maotik lembeita, ak bou tisiik ko u magetab maotik; ak chamei bikyuk koteeb ko u noto: oyae nee anyun eng’ kagesunetab tuguchuto?

JEREMIA 5:31 ပူးပေါင်းရင်းမြစ်များ

1 LAITORINIK 22:6

Koyum anyun laitoryatap Israel maotik, olo po piik pogol ang'wan, ak koteebe koleenji icheek, “Awe kebarge ak Ramot-Gilead, anan atebi?” Ki leenji, “Togoste! Amu indoi Kiptaiyat eutap laitoryat.”

KALEWANAIK 17:4

Epchin iit `chii ne ya kutusweegap kiptengeginik; epchin iit kiplembechwet ng'elyepta ne ng'aalsei.

ISAIAH 10:3

Oyae nee anyun eng' peetuut ne ityinok pireeng'wong', ak eng' ng'emisyet ne punu ole loo? Omwechini ng'oo kotoretook? Ak ondoi ano toroornateng'wong'?

ISAIAH 20:6

Eng' peetuunooto ko tuun mwaei che menyei emoni po ngeguut, kole, “Ogeero, kamang'unennyo niito, ne ki kimwechi agobo toreteet si kobiit kesarwech eng' laitoryatap Assyria! Ak acheek anyun, kechilildoi ano?”

ISAIAH 33:14

Ki aragenso kiptengeginik che mi Zion; ki konam potanet che ma iywei Kamuktaindet. Mwaei icheek kole ng'oo eng' acheek ne imuuchi komeng'iis ak maat ne igeesu? Ng'oo eng' acheek ne imuuchi komeng'iis ak maat ne lalei koigeny?

ISAIAH 43:27

Ki yai tengekto kwandang'ung' ne po tai, ak ki ingelelja ng'alaaliguk.

ISAIAH 47:7

Ak ki imwa ile, Aegu chebyoset agoi; kot ko mata inde tuguuchuuto muguleldang'ung', amata ibwaat kagesunennywa.

JEREMIA 12:4

Iteei emet kot kotyanit, ak korestos sogegap emet komugul agoi au? Amu sogornatetap piik che menyei olooto, ko ki koges kei anyun ak ki kobek tyong'ik ak toriitik. Amu ki le icheek, “Ma keerei ineendet kagesunennyo.”

JEREMIA 14:14

Ago ki leenjo anyun Kamuktaindet ne Toroor, maoteni maotik lembechek eng' kainennyu. Ma ayookte icheek, ama ang'at icheek anan ang'alaalji. Maotenwok ng'ang'utyet ne po lembech, kobooto ng'oorset ak kiit ne po puch ak kaberberisyetap mugulelwekwak.

JEREMIA 26:7

Ak kigasei tisiik ak maotik ak piik tugul komwaei Jeremiah ng'aleechuuto eng' kootap Kamuktaindet ne Toroor.

RIREKAB JEREMIA 1:9

Ki mi simdanyi ngoroikyik; ma ibwaat kagesunennyi ne po let. Katururgei anyun eng' kwong'eet; ma tinyei kagaigaindet: Ee Kamuktaindet ne Toroor, keero nyalildanyu; amu kogotoroorgei puunyoot.

RIREKAB JEREMIA 2:14

Ki kogeer maotiguk ng'ang'utik agobo inyee che po tangoita ak perberyo; ak tomo kong'aany kotook tengektong'ung', si koweechin kogeny eng' ole ki kiluuljin, ago ki kogeer agobo inyee lautik che po puch ak ng'aleek che po kamaaset.

RIREKAB JEREMIA 4:13

Ki piit ko uu niito amu tengekwogigap maotikyik, ak yaitwogigap tisiikyik, che kitumda korotiigap piik che po iman eng' kwenunnyi.

RIREKAB JEREMIA 4:18

Ki cheeng' kakwautikyok, kot ko ki mata kimuuchi keebe eng' ortinwekyok. Kagesunennyo ko ki riik, peetuusyekyok ko ki kiiti amu ki kagoit let nenyo.

EZEKIEL 13:10

Ee, amu ki koberber piikyuk, koleenji, kaalyeet; ama mi kaalyeet; ak ye teech chiito inaatut, ogeero, male tartaarik che ma myachen:

EZEKIEL 13:6

Ki kogeer icheek tangoita ak ng'oorset ne po lembech, che mwaei kole, kale Kamuktaindet ne Toroor; ama iyookte Kamuktaindet ne Toroor: ak kogoochi piik komong' kole ki kimiti ng'olyoot.

EZEKIEL 22:14

Tos imuuchi komuita muguleldang'ung', anan kogimegitu euneguk, eng' peetuusyek che agerin kong'? Kamwae anee Kamuktaindet ne Toroor ng'olyoondoniito, ak ayae.

HOSEA 4:9

Ak kiit ne uu eng' piik, ko uu nooto eng' tisiindet; ak abire icheek amu ortinwekwak, ak ayaakyi poisyonikwak.

HOSEA 6:10

Ki ageer kiit ne samis eng' kootap Israel: mi kugoinatet, Ephraim: ki king'wanit Israel.

HOSEA 9:5

Tos oyae nee eng' peetuutap tuiyet ne ki king'at, ak eng' peetuutap igoortap Kamuktaindet ne Toroor?

MIKAH 2:11

Ngot komwa lembech chiito ne wendoti eng' usoonet ak lembechek, kole amaotenun agobo divaik ak maiyek; koegu ineendet maotyotap pichu.

MIKAH 2:6

Mwaei icheek kole amomaoten. Ma maotenjin icheek chuuto: ma petos chotisyosyek.

MIKAH 3:11

Irwoochi kandoik amu tuguuk che kigoigoisye ak ineetisyei tisiik amu melekto, ak kong'orsei maotikyik amu silingisyek: nganda uu nooto kotiegei Kamuktaindet ne Toroor ak koleen, Tos ma mi Kamuktaindet ne Toroor kwenunnyo? Ma mi yaityet ne nyoonjinech.

SEPANIA 3:4

Piik che tangusen ak koberberisyei maotikyik: ki komurwon tisiikyik ole-tiliil, Ki kong'em ng'atuutik.

NG'ATUTIK 32:20

Ak ki le, “Aung'e togeennyu, Ageere ole teptoi kagesunennywa; Amu icheek ko ibinda ne imaasat miising'. Lagok che ma tinyei kayaneet.

NG'ATUTIK 32:29

Nda ka utaatiin, ta konaei niito, Ak kobwaat kagesunennywa!