JEREMIA 4:7 - Bukuit Ne Tilil

⁷ Kamong' ng'etundo eng' sondinnyi, ne ng'emindetap pororyosyek, kagomong' eng' oldanyi, si kobiit koyai emeng'ung' koguber, ak koek nganasoguk karaatya, ama komenyei chii.

BUKUIT NE TILIIL Sireet ne Dutero Kanon

⁷ Kamong' ng'etundo eng' sondinnyi, ne ng'emindetap pororyosyek, kagomong' eng' oldanyi, si kobiit koyai emeng'ung' koguber, ak koek nganasoguk karaatya, ama komenyei chii.

BUKUIT NE TILIL

⁷ Kamong’ ng’etundo eng’ sondinnyi, ne ng’emindetab bororiosiek, mi oret, kagomong’ eng’ oldanyi; si kobiit koyai emeng’ung’ koguber, ak koek nganasoguk karatia, ama komenyei chi.

JEREMIA 4:7 ပူးပေါင်းရင်းမြစ်များ

2 LAITORINIK 24:1

Ki togos Nebukadnezar laitoryatap Babilon eng' peetuusyekyik, ak ki ek Jehoiakim otwogindennyi kenyiisyek somok, ago kingo pata kongelelji ineendet.

2 LAITORINIK 25:1

Ak eng' kenyiitap sogool ne po laitornatennyi, eng' arawetap taman, eng' peetuutap taman, konyo Nebukadnezar laitoryatap Babilon kobooto lugeennyi tugul kobookyi Jerusalem. Ki teech `icheek irimoik koyiem nganaseet.

ISAIAH 1:7

Kigoguber emeng'wong', ki kebeel nganasookwok; ibookyin toek emeng'wong' ogeere, kogoguber, ko uu ne kogong'em toek.

ISAIAH 5:9

Mwaei Kamuktaindet ne Toroor ne po lugoosyek, agase eng' itiikyuk kole: “Iman, kuberi kooriik che chaang', agot kooriik che eecheen che korooron, koma menyei chii.

ISAIAH 6:11

Ki ateebee anyun, ale, “Ee Kiptaiyat, tyanitu?” Ak ki wol kole, “Agoi tuun koguber nganasook kot koma komi piik kooriik, ak koek emet kipkubere miising'

JEREMIA 2:15

Kigoborisenji `ng'etuunyik ineendet, ak komororso miising'. Kigong'em emennyi koek karaatya, ki kebeel nganasookyik, ak ma komenyei chii.

JEREMIA 22:6

Amu mwaei ko uu ni Kamuktaindet ne Toroor agobo kootap laitoryat ne po Judah kole, ii Gilead eng' anee, ak ko ii metitap Lebanon; ago ayain iman iegu surkwen, ak nganasook che ma ki menyei.

JEREMIA 22:7

Ak achop ng'emiik agobo inyee, chii tugul ak kariikyik: ak koluul icheek taragoniguk che korooron ak kowiirchi ma.

JEREMIA 25:38

Ki kometo ole ung'egei, ko uu ng'etundo: amu ki koek emennywa ne kikwong'ee amu koroomnatetap rotwetap chok ne usiisyei, ak amu nereegekyik che koroomen.

JEREMIA 25:9

ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.

JEREMIA 26:9

Amu nee si imaoten eng' kainetap Kamuktaindet ne Toroor, ile, Igeitu koi Shiloh, ak koek karaatya nganasani, amaa komenyei chii? Ak ki iyumjigei piik tugul Jeremiah eng' kootap Kamuktaindet ne Toroor.

JEREMIA 27:8

Ak tuun abire pororyet ak pounateet ne maotei Nebukadnezar niito laitoryatap Babilon, ak ne eesyoi konde kaatinnywa chogitap laitoryatap Babilon, abire pororyonooto rotwetap chok, ak rubeet, ak koroito, agoi ageesu icheek eng' eunnyi, mwaei Kamuktaindet ne Toroor.

JEREMIA 33:10

Mwaei Kamuktaindet ne Toroor kole: Ta kegasei kogeny eng' olito, ole omwae, ole, Karaatya, ama mi chii anan tyony, chooto ko nganasoogap Judah, ak ortinwegap Jerusalem, che ki koguber, ama mi chii, ama mi chii ne menyei, ama mi tyony,

JEREMIA 34:22

Ogeero, ang'ate, mwaei Kamuktaindet ne Toroor, ak aweekyi icheek nganasani; ak kobargei ak nganasani, ak koluul, ak kobeel: ak ayai nganasoogap Judah koek surkwen, ole ma komenyei chii.

JEREMIA 4:29

Mweei nganaseet komugul amu waagaatap piik che ketei paraisisyek ak piigap kwangok, chutei sondisyek ak kolaany rwandosyek. Ki metoi nganaseet age tugul, ama menyei chii olooto.

JEREMIA 44:2

Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Ki ogeer yaityet tugul ne ki apchi Jerusalem, ak nganasook tugul che po Judah; ak ogeero, karatwek rani nganasochooto, ama mi chii ne menyei olooto;

JEREMIA 46:18

Mwaei Laitoryat ne kainennyi ko Kamuktaindet ne Toroor ne po lugoosyek, kole, Ko uu ye asabe, nyoonei iman ineendet ko uu Tabor eng' tuloonook, ak ko uu Karmel eng' ole neegitee nyanjet.

JEREMIA 49:19

Ogeero, togosu ineendet ko uu ng'etundo kobunu Jordan ko kanyi peek miising' kobargei ak meng'ooteet ne kiim: ago achee, aoone komwei ineendet; ak age tugul ne kileweni, agoochini koboi ineendet: amu ng'oo ne kegerge? Ak ng'oo ne ng'atwa peetuut? Ak ng'oo mestowot ne tononi eng' tainnyu?

JEREMIA 5:6

Ara anyun parei icheek `ng'etundo ne mang'une timiin, parei icheek suiyot ne po surkwen. Sapchin `cheplanget nganasookwak, kitonatoni age tugul ne mong'u eng' olooto, amu chaang' pistaosyekwak, ak ki kotesak kachuchugennywa pogei.

JEREMIA 50:17

Uu Israel keechiirek che ki koiyesta; ki koon ng'etuunyik ineendet: kisip koam ineendet laitoryatap Assyria; ak eng' let koiri kawekyik Nebukadresar, niito laitoryatap Babilon.

JEREMIA 50:44

Ogeero, togosu ineendet ko uu ng'etundo kobunu Jordan ko kanyi peek miising' kobargei ak meng'ooteet ne kiim: ago achee aoone komwei ineendet: ak age tugul ne kileweni, agoochini koboi ineendet: amu ng'oo ne kegerge, ak ko ng'oo ne ng'atwa peetuut? Ak ko ng'oo mestowot ne tononi eng' tainnyu?

JEREMIA 8:16

Kigasei eng' Dan waagaatap seruunegap paraisisyekyik. Potani emet komugul amu cheetap kateetap chechiik che kiimeen, amu kagobwa ak kagoam emet kobooto tuguuk tugul che kami, nganaseet kobooto che menyei oriit.

JEREMIA 9:11

Mwaei Kamuktaindet anyun kole, Ayaei Jerusalem koek karurugutigap karain, olooto menyei lelwek; ak ayai nganasoogap Judah koek karaatya, ole ma menyei chii.

EZEKIEL 12:20

Ak king'emei nganasook che ki menyei, ak koguber emet; si onai ole aa Kamuktaindet ne Toroor.

EZEKIEL 21:31

Ak aroong'jin nereegekyuk; aguutyinin maatap nereegekyuk: ak andein eunegap piik che uu tyong'ik, che ng'oomen eng' ng'emisyet.

EZEKIEL 32:2

Ee, weeriitap chii, riir agobo Pharaoh laitoryatap Misiri, ak ileenji, Kiga kirogenen ng'etundo ne neran ne po pororyosyek: ago iuu maswetit eng' nyanjosyek; imong'u kobooto ainoosyeguk, ak iwase peek eng' keelyeguk, ak isamisi ainoosyekwak.

DANIEL 5:19

Ki potanso ak koiyweis eng' tainnyi piik tugul, pororyosyek tugul, ak che po kutusweek tugul, amu ooindo ne ki igoochi ineendet. Kibarei ne ki machei kobar, kibagaaktoi kosap ne kimakyin kosap, ki ieeti ne kimachei koeet, ak ki iming'ini ne kimachei koming'in.

DANIEL 7:4

Ki uu ne po tai ng'etundo ak ki tinyei kebebaik che uu che po kipsiichit. Ki ageer agoi kesul kebebaikyik, ak ki kiganap eng' ng'wony, ak keng'at kotonone keelyek aeng' ko uu chiito, ak ki kigoochi naet ne uu ne po chiito.

ATEPTAP LAWIK 26:31

Ayae nganasookwok koek karotwek, ak ayai oldinwekwok che tiliileen koek kipkuberet, ma achame kong'ucha anyinyindap nyamdutikwok.

ATEPTAP LAWIK 26:33

Ak aiyestochok pororyosyek alak, ak ang'usu rotwetap chok kosubok. Koguber anyun emeng'wong', ak koek karotwek nganasookwok.