JEREMIA 31:34 - Bukuit Ne Tilil

³⁴ Ama koneeti kogeny chii age tugul chiitap kokwennyi, ama koneeti chii age tugul ng'eetap kamet, koleenjin, Nai Kamuktaindet ne Toroor: amu tuun naa icheek tugul, kobooch ne ming'in eng' icheek agoi ne oo, mwaei Kamuktaindet ne Toroor: amu anyochini kaat amu yaityennywa, ama abwaati tengektonywa kogeny.

BUKUIT NE TILIIL Sireet ne Dutero Kanon

³⁴ Ama koneeti kogeny chii age tugul chiitap kokwennyi, ama koneeti chii age tugul ng'eetap kamet, koleenjin, Nai Kamuktaindet ne Toroor: amu tuun naa icheek tugul, kobooch ne ming'in eng' icheek agoi ne oo, mwaei Kamuktaindet ne Toroor: amu anyochini kaat amu yaityennywa, ama abwaati tengektonywa kogeny.

BUKUIT NE TILIL

³⁴ Ama koneti kogeny chi age tugul chitab kokwennyi, ama koneti chi age tugul ng’etab kamet, kolenjin, Nai Jehovah: amu tun naa ichek tugul, koboch ne ming’in eng’ ichek agoi ne o, mwaei Jehovah: amu anyochini kaat amun yaitienywa, ama abwati tengektanywa kogeny.

JEREMIA 31:34 ပူးပေါင်းရင်းမြစ်များ

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

TIENWOGIKAL 25:7

Amebwaat tengekwogik anan pistoennyu che po ming'inatennyu; ibwaata ko uu chamyeng'ung' ne tala, amu myeeindong'ung', ee Kamuktaindet ne Toroor.

ISAIAH 11:9

Ma itoi kiy chii anan kong'emis eng' tulweennyu tugul ne tiliil; amu nyiei ng'wony naetap Kamuktaindet ne Toroor ko uu ye nyiei peek nyanjet.

ISAIAH 29:24

Nyooru kaguiyet ak icheek icheeget che ichiliili eng' mugulel, ak koneetkei kaneetisyet icheek che ing'unyng'ung'dos.

ISAIAH 30:26

Kogeny, kogergeitu lapkeiyetap arawet ak ne po asiista, ak kotesak lapkeiyetap asiista konyil tisap, koigei lapkeiyetap peetuusyek tisap, eng' peetuut ne inyai Kamuktaindet ne Toroor moogap piikyik, ak kosoop pirutigap kaguotenennywa.

ISAIAH 33:24

Ak ma tuun mwaei ne meng'iisyei kole, “Amyani”; kinyochin kaat tengekwogigap piik che menyei olooto.

ISAIAH 33:6

Tuun piitu kimnateet eng' peetuusyeguk, ak ooindap yetunet, utaatyet, ak naet; kaiyweisyet ne kiywei Kamuktaindet ne Toroor ko konorwennyi.

ISAIAH 38:17

Keero, ki anyooru ng'wanindo ne oo agobo kalyennyu; ago ki isaru saboondanyu komang'une keriingetap ng'emisyet, amu ki iwiirte tengekwogikyuk koba let.

ISAIAH 43:25

Anee, ee aneendet ne aistoi pistaosyeguk, amu kainennyu; amabwaati tengekwogiguk.

ISAIAH 44:22

Ki aiste pistaosyeguk, ko uu pooldet ne oo, ak ki aiste tengekwogiguk, ko uu pooldet: weekyage; amu ki atyachin.

ISAIAH 52:6

Nae anyun piikyuk kainennyu: naei anyun eng' peetuunooto kole anee ne ang'alaali; ogeero, anee.

ISAIAH 54:13

Ak ineeti Kamuktaindet ne Toroor lagoguk tugul; ak koeet kaalyeetap lagoguk.

JEREMIA 24:7

Ak agoochi icheek muguleldo ne naena, kole, aa Kamuktaindet ne Toroor: ak koek piikyuk, ak aegu Kamuktaindennywa: amu weekyinagei eng' mugulelwekwak tugul.

JEREMIA 32:40

ak kiyomisigei ak icheek kayomiset ne po koigeny, ale matuktochini patai icheek ago ayachini ne myee; ak ande kaiyweisyennyu mugulelwekwak, si ma istoenagei.

JEREMIA 33:8

Ak aun icheek eng' tengektonywa tugul, che ki koyaiywo; ak anyochi kaat amu tengekwogikwak tugul, che ki koyaiywo, ak che ki kongeleljinena.

JEREMIA 50:20

Ki cheeng'ei tengektap Israel eng' peetuusyechooto ak eng' kenyisyechooto, mwaei Kamuktaindet ne Toroor, ama kinyooru; ak ki cheeng'ei tengekwogigap Judah, ama kinyooru: amu anyochini kaat icheek che abagaaktoi kong'et.

JEREMIA 9:23

Mwaei Kamuktaindet ne Toroor kole, amat koloskei chiito ne utaat eng' ng'omnatennyi, anan koloskei chiito ne kiim amu kimnateennyi, amat koloskei mogoryot eng' mogornatosyekyik.

HOSEA 2:20

Achobe atunin eng' imanda; ak inai Kamuktaindet ne Toroor.

MIKAH 7:18

Ng'oo Kamuktaindet ne uu inyee, ne nyochin kaat piik amu tengekto, ak kosiirtoe pistoetap piik che ki ng'et che po porotennyi? Mateptoi nereegekyik agoi, amu paibaitune rireenet.

MIKAH 7:19

Tuun weeksei kogeny ak korirenech; tuun istoiwech tengekwogikyok: tuun iwiirchini tugul rirosyegap nyanjet.

HABAKUK 2:14

Amu nyiei ng'wony naetap toroornatetap Kamuktaindet ne Toroor, ko uu ye nyiei peek nyanjet.

MATAYO 11:27

Ki kogoono tuguuk tugul Abba: ama mi ne ingen Weeriit, kobatee Kwanda; ama mi ne ingen Kwanda kobatee Weeriit, ak chii age tugul ne chamei Weeriit kong'aang'jin.

LUKA 1:77

si igoochi piikyik naet ne po yetunet eng' nyoetap kaat ne po tengekwogikwak,

JOHANA 17:3

Ak ni saboondap koigeny, ale konain Kamuktaindet ne inyeendet inyegei ne po iman, ak Jeso Kristo, ne ki iyoogu.

JOHANA 17:6

Ki aboorchi kaineng'ung' piik che ki igoono eng' ng'wony. Ki cheguuk, ak ki igoono; ak ki koriip ng'olyoondeng'ung'.

JOHANA 6:45

Ki kisir eng' maotik, ak kineeti tugul eng' Kamuktaindet. Age tugul ne kagogas eng' Kwanda, ak kagonetkei, konyonjino.

POISYONIGAP CHE KIYOKTOI 10:43

Paoryani maotik tugul agobo ineendet kole nyooru nyoetap kaat amu tengekwogikyik eng' kainennyi age tugul ne iyani ineendet.”

2 KORINTOEK 2:10

Ago ineendet ne onyochini kaat kiy age tugul, anyochini kaat agane. Ne ki anyochi kaat agane, ngo ki anyochi kaat eng' kiy age tugul, ko ki anyochi kaat agobo okweek eng' taitap Kristo,

2 KORINTOEK 4:6

Amu Kamuktaindet ne ki mwa kole, “Tuun iluu lapkeiyet eng' mesundeito,” ineendet ne ki iluuchi mugulelwekyok, si kogoon lapkeiyet ne po naetap toroornatetap Kamuktaindet eng' togeetap Jeso Kristo.

EPESOEK 1:7

ne ki tinyei eng' ineendet katyagennyo eng' korotiikyik, nyoetap kaat ne po chalwogikyok, ko uu mogornatosyegap myeeindonyi,

1 THESSALONIKEK 4:9

Ago ma nyolu kesirwak agobo chamyetap tupchosyek; amu oneetotin okweeget eng' Kamuktaindet si ochamye;

HEBRANIK 5:12

Amu eng' ye kita nyolu oegu kaneetik, konyaaljinok kogeny koneetak chii kaneetisyosyek che po tai che po ng'aleegap Kamuktaindet; ak ki oegu che machei cheego, ama amitwogik che uueen.

HEBRANIK 8:11

Amu koneeti chii tugul chiitap kokwennyi, anan koneet chii age tugul ne tupcho, koleenji, ‘Ni Kiptaiyat,’ amu tuun naa tugul kobooch ne ming'in eng' icheek kot koit ne oo.

HEBRANIK 8:12

Amu tuun ariiree icheek amu tengekwogikwak, Ama tuun abwaati tengekwogikwak agoi.”

1 JOHANA 2:20

Ak ki kiilak eng' Ineendet ne Tiliil, ak ongen okweek tugul.

1 JOHANA 2:27

Ak okweek anyun, komenyok kaiilet ne ki onyooru eng' ineendet, ak manyol koneetak chii; ago ko uu ye ineetook kaiilennyi agobo tuguuk tugul, ak ko po iman, ma lembech, ak ko uu ye ki konetak, omeny ineendet.

1 JOHANA 5:20

Ak kingen keele kigonyo Weeriitap Kamuktaindet, ak ki kogoonech kaguiyet, si kobiit kenai ineendet ne po iman, ak kemi eng' ineendet ne po iman, eng' Weeriinnyi Jeso Kristo. Niito ko Kamuktaindet ne po iman, ak saboondap koigeny.

1 SAMUEL 2:12

Weeriigap Eli ko kingelelik; ki ma kotinyei kaiyweisyo agobo Kamuktaindet ne Toroor.