JEREMIA 31:14 - Bukuit Ne Tilil

¹⁴ Ak abae akwaindo saboonwegap tisiik kobiyong'so, ak kobiyo piikyuk myeeindonyu, mwaei Kamuktaindet ne Toroor.

BUKUIT NE TILIIL Sireet ne Dutero Kanon

¹⁴ Ak abae akwaindo saboonwegap tisiik kobiyong'so, ak kobiyo piikyuk myeeindonyu, mwaei Kamuktaindet ne Toroor.

BUKUIT NE TILIL

¹⁴ Ak abae akwaindo sobonwekab tisiik kobiyong’so, ak kobiyo bikyuk mieindanyu, mwaei Jehovah.

JEREMIA 31:14 ပူးပေါင်းရင်းမြစ်များ

2 ATEPTAP PEETUUSYEK 6:41

“Ara anyun, ng'eet, ee Kamuktaindet ne po Toroornatet, nyoo oli imuung'ee, inyee ak moingetap kimnateng'ung'. Ingolaach tisiiguk yetunet, ee Kamuktaindet ne po Toroornatet, ak ingoboiboitu piiguk che tiliileen eng' myeeindo.

NEEMIA 10:39

Ibu anyun piigap Israel ak lagogap Lawi kagoochinet ne kinamjin parak ne po peek, ne po divaik ak mwanik, kobwa kooriik che po oriit, ole mi tuguuk che po ole-tiliil ak tebee tisiik che poisyei, riibiigap kurgotik ak tyeniik. Ma kibagaaktoi kootap Kamuktaindennyo.

TIENWOGIKAL 107:9

Amu igoochin kobiyo saboondo ne tinyei emosto, ak inyiityin myeeindo saboondo ne amei rubeet.

TIENWOGIKAL 132:16

Alaakyini tisiikyik ak icheek yetunet; ak kogaskei eng' kutit ne oo eng' poiboiyet chechiik che tiliileen.

TIENWOGIKAL 132:9

Ingolaach tisiiguk imanda; ak ingogaskei eng' kutit ne oo eng' poiboiyet cheguuk che tiliileen.

TIENWOGIKAL 17:15

Ago ageere anee togeng'ung' eng' imanda; abiyonyi itoondong'ung' ye ang'eete.

TIENWOGIKAL 36:8

Piyong'dos eng' akwaiyetap koong'ung'; ak igoochini koee che po aineetap poiboindang'ung'.

TIENWOGIKAL 63:2

Ara uu nooto koageerin eng' ole-tiliil, si ageer kimnateng'ung' ak toroornateng'ung'.

TIENWOGIKAL 63:5

Piyonyi saboondanyu eng' igoorto ak akwaiyet; ak ilasun kutinnyu eng' poiboiyet,

TIENWOGIKAL 63:6

ye abwaatin ami itogunnyu, ak abwaatin eng' saisyegap kemoi;

TIENWOGIKAL 65:4

Paibai miising' chiito ne ileweni, ak imuti koriikyin, Si kobiit komeny seremusyeguk: Ak kebiye myeeindap koong'ung', Ole tiliil eng' hekalung'ung'.

TIENWOGIKAL 85:13

Wendi imanda kondoe ineendet; ak kochopchin ooreet kakwautikyik.

TIENWOGIKAL 90:14

Ee, paech kebiye eng' rireeneng'ung' karon; Si kobiit keboiboitu ak kigaskei eng' peetuusyekyok tugul.

TYENDO NE SIIREI TUGUL 5:1

Kaanyo mbareennyu, chepkamennyu, murerennyu. Kaayum tuguukyuk che uu igomoik ak tuguuk che ng'uu ne anyiny. Kaamde masamekyuk kumyanyun, kaaee divaikyuk ak alu chekyuk. Oamisye, ee choronok, oeeise, ee oeeise miising' ee chamanikyuk.

ISAIAH 25:6

Eng' tulwooni ko tuun yachin Kamuktaindet ne Toroor ne po lugoosyek pororyosyek tugul, igoorto ne po tuguuk che akwaen ak divaik che ki kotebi keny, ne po tuguuk che akwaen che nyiitootiin mwanik, ne po divaik che korooron.

ISAIAH 61:6

Ago kiguurenok tisiigap Kamuktaindet ne Toroor: kuurenok piik kiboitinigap Kamuktaindennyo: oame mogornatosyegap pororyosyek, ak olasunegei toroornatennywa.

JEREMIA 31:25

Amu kaabai kobiyo saboondo ne ng'etat, ak kaanyiit saboondo age tugul ne arageni.

JEREMIA 33:9

Ak koek nganasani eng' anee kainet ne kiboiboitune, koek kalasunet ak toroornatet, eng' taitap pororyosyek tugul che po ng'wony, che kasei myeeindo tugul ne ayachini icheek, ak koiyweis ak kobotanso amu myeinooto tugul ak kaalyeet tugul ne agoochini nganasani.

JEREMIA 50:19

Ak aweech Israel kogeny konyo ole agetye, ak koyagisye Karmel ak Bashan, ak kobiyo saboondanyi eng' tuloonoogap Ephraim ak eng' Gilead.

EZEKIEL 34:14

Ayage icheek ole mi susweek che myach, ak kotebee piunywa tuloonoogap komoswek che torooreen che po Israel: ruitos eng' olooto eng' piut ne myee, ak koagete ole pitat eng' tuloonoogap Israel.

HAGGAI 2:19

Tos ta komi peek choge? Ee, ma iiyo keetiigap sabibuk, anan mogoonik, anan keetiigap logoek alak, anan mseituni. Aberuurok anyun kobooch peetuuni.

MATAYO 5:6

Poiboen che amei rubo ak melelda agobo imanda, amu tuun piyang'dos.

EPESOEK 1:3

Iberuurot Kamuktaindet Kwandap Kiptaiyandennyo Jeso Kristo, ineendet ne ki koberuurech eng' konunotyot age tugul ne po Kabuuset eng' kipsengwet eng' Kristo:

EPESOEK 3:19

ak onai chamyetap Kristo ne siirei naet, si kobiit kinyiitak nyiyet tugul ne po Kamuktaindet.

NG'ATUTIK 33:23

Ye rup komwa ni agobo Naphtali kole, “Ee Naphtali ne ki ibiye chameet, ak ne nyiitaat kaberuretap Kamuktaindet ne Toroor: Ingobunjin cherongo ak murot tai.”

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

NG'ANG'UTYET 5:10

Ki iyai icheek koek pororyet ak tisiik eng' Kamuktaindet nenyo, ak tuun laitorani icheek eng' ng'wony.”