JEREMIA 31:11 - Bukuit Ne Tilil

¹¹ Amu ki ityaach `Kamuktaindet ne Toroor Jakobo, ak kiweech eng' eutap ineendet ne kiim kosiir ineendet.

BUKUIT NE TILIIL Sireet ne Dutero Kanon

¹¹ Amu ki ityaach `Kamuktaindet ne Toroor Jakobo, ak kiweech eng' eutap ineendet ne kiim kosiir ineendet.

BUKUIT NE TILIL

¹¹ Amu kisor Jehovah Jakobo, ak kotiach eng’ eutab inendet ne kim kosiir inendet.

JEREMIA 31:11 ပူးပေါင်းရင်းမြစ်များ

TIENWOGIKAL 142:6

Epchi iit riirekyuk, amu kinyerata miising'; sarwo eng' usiikyuk, amu kiimeen kosiiro.

KOMONG'U 15:16

Kanam icheek kamuiset ak kaiyweisyet; eng' etunatetap eung'ung', ko siisyo ko uu koita; agoi kolanda piiguk, ee Kamuktaindet ne Toroor, agoi kolanda piik che ki ial.

ISAIAH 44:23

Ee okweek kipsengwet, Otyense, amu ki yai Kamuktaindet ne Toroor nooto; owaach okweek, komoswek che po oriit che po ng'wony; otyense, okweek tuloonook, ee timiin, ak keetit age tugul ne mi yooto: amu kagotyach Kamuktaindet ne Toroor Jakobo, ak kotoroorgei eng' Israel.

ISAIAH 48:20

Omande eng' Babilon, omwei eng' Kaldea; obarte eng' cheetap tyendo, omwaite niito, omwa kogasak agoi ole pooch ng'wony: omwa ole, Kigotyach Kamuktaindet ne Toroor Jakobo otwogindennyi.

ISAIAH 49:24

Tos kirebe ne kiim tuguuk che kiluul, anan kityaachi luulenik che ki kiluul eng' imanda?

ISAIAH 49:25

Ago mwaei Kamuktaindet ne Toroor kole, kirebe che kiimeen luulenikwak, ak kityaachi tugul che ki kiluulei, che po che imuisei: amu kibortosi ak ineendet ne poryenen, ak asaru lagoguk.

ISAIAH 51:11

Ak koweegegei che po Kamuktaindet ne Toroor che ki kityaach, ak kobwa Zion kotyenonu; ak tebee metowekwak poiboiyetap koigeny: nyooru kaagaasetapkei ak poiboiyet, ak komwei arageneet ak tigenet.

JEREMIA 15:21

Asaruun eng' eutap kiptengeginik, ak atyachin eng' eutap che imuisei.

JEREMIA 50:33

Mwaei Kamuktaindet ne Toroor ne po lugoosyek kole: Kiusei piigap Israel kobooto lagogap Judah: ak kogiich piik tugul che kiluulei icheek; eesyoi kochunda icheek koba.

JEREMIA 50:34

Kiim katyagindennywa; kainennyi ko Kamuktaindet ne Toroor ne po lugoosyek: ng'alaaldochin ineendet icheek komyee, si kobiit kogoochi kamuung'et ng'wony, ak koim piik che menyei Babilon.

RIREKAB JEREMIA 3:58

Ki itononji ng'aleegap muguleldanyu, ee Kiptaiyat; ki ityaach saboondanyu.

HOSEA 13:14

Atyachi icheek komong' eng' kimnateet ne po kererit; asaru icheek eng' meet. Ee meet, mi ano korotweguk? Ee kererit, mi ano ng'emisyeng'ung'? Ma awale kabwaatutikyuk.

SEKARIA 9:16

Eng' peetuunooto, kosaru `Kamuktaindet ne Toroor Kamuktaindennywa icheek, ko uu akweetap keechiiregap piikyik; amu tuun kergeitu ak koik che po chepkulet, iluu icheek miising' eng' emennyi.

MATAYO 12:29

Anan, tos imuuchi kwo chii kootap chiito ne kiim ak korebe tuguukyik ngot ko marat korook chiichooto kiim yeityo kochoor koonnyi?

MATAYO 20:28

agot ko uu nooto ko ki ma nyo Weeriitap chii keboisyechi, ago si kobois, ak kogoito saboondanyi koek kiit ne kityage che chaang'.”

MATAYO 22:29

Ki wolji Jeso koleenji, “Oleele, amu mongen siruutik anan kimnateetap Kamuktaindet.

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.