JEREMIA 18:10 - Bukuit Ne Tilil

¹⁰ ngot koyai yaityet eng' tainnyu, ama kas iit kutinnyu, awale anyun kabwaatutikyuk eng' myeeindo ne ki kamwa ale atorete icheek.

BUKUIT NE TILIIL Sireet ne Dutero Kanon

¹⁰ ngot koyai yaityet eng' tainnyu, ama kas iit kutinnyu, awale anyun kabwaatutikyuk eng' myeeindo ne ki kamwa ale atorete icheek.

BUKUIT NE TILIL

¹⁰ ngot koyai yaitiet eng’ tainnyu, ama kas it kutinnyu, awale anyun kabwatutikyuk eng’ mieindo ne kigamwa ale atorete ichek.

JEREMIA 18:10 ပူးပေါင်းရင်းမြစ်များ

TIENWOGIKAL 125:5

Ago icheek che mastoi kosubi ortinwekwak che kunuuren, koonei `Kamuktaindet ne Toroor icheek kobooto yaigap tengekto. Ingotebee `kaalyeet Israel!

EZEKIEL 18:24

Ago ye week ne po iman kometo imandanyi, ak koyai tengekto, ak koyai ko uu tuguuk tugul che kiwechei che yaei chiito ne ya, ko tos sap? Ma kibwaati agot agenge eng' poisyonikyik che po iman che ki koyai: meei amu kachililutyennyi ne ki koyai, ak amu tengektanyi ne ki koyai.

EZEKIEL 33:12

Ee, inyee weeriitap chii, mwachi lagogap piiguk, ileenji, ma saru chiito ne po iman imanda eng' peetuutap pistoennyi; ago ma namei kiptengekyot tengekto eng' peetuut ne kaweek kometo tengektanyi: amaimuuchi kosap ineendet ne po iman eng' imandanyi eng' peetuut ne yaei tengekto.

EZEKIEL 33:18

Ye week ne po iman kometo imandanyi, ak koyai tengekto, komeei eng' tengegoto.

EZEKIEL 45:20

Ak iyai ko uu nooto eng' peetuutap tisap ne po arawet agobo age tugul ne lelei, ak agobo ineendet ne abusat: oyae anyun ko uu nooto kagaigaet agobo koot.

SEPANIA 1:6

ak icheek che ki week kometo Kamuktaindet ne Toroor; kobooto icheek che ma cheeng' Kamuktaindet ne Toroor, anan koteepse ineendet.

KAITOSYEK 14:22

koma mi agot agenge eng' pichu tugul che ki kogeer toroorindanyu ak kaboorunoikyuk che ki ayai eng' Misiri ak eng' surkwen. Ko uu ye ki kotyema konyil taman, ama epchi iit kutinnyu,

KAITOSYEK 14:23

koma keerei iman emonooto ki ayosyechi kwanisyekwak. Ama keerei age tugul eng' icheek che kisasa.

KAITOSYEK 14:34

Ko uu koitetap peetuusyek che ki otar eng' segeetap emet, chooto peetuusyek artam, ko peetuut age tugul ko kenyiit, oiboti anyun tengekwogikwok kenyiisyek artam si kobiit onai ye aistoenok kayomisutyennyu.’

1 SAMUEL 13:13

Koleenji `Samuel Saulo, “Keyai eng' perberyo ama iriip ng'atuutyetap Kamuktaindet ne Toroor Kamuktaindeng'ung' ne king'atin, amu kata igimiti Kamuktaindet ne Toroor laitornateng'ung' eng' Israel koigeny.

1 SAMUEL 15:11

“Ki ma ta myee aeet Saulo koek laitoryat. Amu kagoweektagei let mata kosuba, ama yai ng'atuutikyuk.” Ki nereech anyun Samuel ak koriirchi Kamuktaindet ne Toroor kemout komugul.

1 SAMUEL 15:35

Ak ki mata konyo kogeny Samuel kogeer Saulo agoi peetuutap meennyi. Nga no ko ki riirchi `Samuel Saulo; amu ki riir let Kamuktaindet ne Toroor kole kiga koyai Saulo koek laitoryat koboi Israel.

1 SAMUEL 2:30

Nooto anyun mwaei Kamuktaindet ne Toroor Kamuktaindetap Israel kole, ‘Ki amwa iman ale, wendoti eng' tainnyu koong'ung' ak kootap kwandang'ung' koigeny.’ Ago kamwa Kamuktaindet ne Toroor nguno kole, ‘Ingolooit eng' anee!’ Icheek che konyita, agonyiti, ago icheeget che ma iita kole aa kiy, kesasei.