JEREMIA 16:17 - Bukuit Ne Tilil

¹⁷ Amu ageere emotinwekwak tugul: ma ung'ootiin eng' tainnyu, ama ung'aat tengektonywa si ma keer.

BUKUIT NE TILIIL Sireet ne Dutero Kanon

¹⁷ Amu ageere emotinwekwak tugul: ma ung'ootiin eng' tainnyu, ama ung'aat tengektonywa si ma keer.

BUKUIT NE TILIL

¹⁷ Amu ageere emotinwekwak tugul: ma ung’otin eng’ tainnyu, ama ung’at tengektanywa si mageer.

JEREMIA 16:17 ပူးပေါင်းရင်းမြစ်များ

2 ATEPTAP PEETUUSYEK 16:9

Amu pendoti konyegap Kamuktaindet ne Toroor eng' ng'wony komugul, koboortogei kole kiim agobo icheeget che ititaatiin mugulelwekwak eng' tainnyi. Koiyai kioto eng' perberyo; amu kobooch nguno ko kenyooru lugoosyek agoi.”

Kitabuutap JOB 10:14

Ngot ayai tengek, igeera, amenyoiywa kaat agobo tengektonyu.

Kitabuutap JOB 31:4

Tos ma keerei ortinwekyuk, ak koiti kakwautikyuk tugul?

TIENWOGIKAL 109:15

Ingotebee taitap Kamuktaindet ne Toroor kotugul, si kobiit koisto kabwaatennywa eng' ng'wony.

TIENWOGIKAL 139:3

Isyachi ooreennyu ak ole arue, ak ingen ortinwekyuk tugul.

TIENWOGIKAL 33:15

Ineendet ne yaei mugulelwekwak tugul, ak koruchin poisyonikwak tugul.

TIENWOGIKAL 51:9

Ung'e togeng'ung' ng'oogiswekyuk, ak itindiny tengekwogikyuk tugul.

TIENWOGIKAL 90:8

Ki inde tengekwogikyok taing'ung', Ak ki inde tengekwogikyok che ung'ootiin lapkeiyetap togeng'ung'.

KALEWANAIK 15:3

Miitei konyegap Kamuktaindet ne Toroor komosta age tugul, kogeerei che yaacheen ak che myachen.

KALEWANAIK 5:21

Amu ortinwegap chii ko keerei Kamuktaindet ne Toroor ak koriibei mitainik tugul che po chiichooto.

ISAIAH 29:15

Pwo eng' icheek che cheeng'ei miising' koung'e Kamuktaindet ne Toroor kirwoogennywa, ak mi poisyonikwak mesundeito, ak mwaei koleen, “Ng'oo ne keerech? Ng'oo ne ingenech?”

ISAIAH 66:18

Amu angen poisyonikwak ak kabwaatutikwak: nyoonei peetuut, ye ayumi pororyosyek tugul ak kutusweek tugul; ak kobwa ak kogeer toroornatennyu.

JEREMIA 2:22

Amu agot ngiunegei munyat, ak iboisyee sabunit ne oo, ko taagu kora yaityeng'ung' eng' tainnyu, mwaei Kiptaiyat Kamuktaindet ne Toroor.

JEREMIA 23:24

Tos imuuchi chii kounygei eng' komoswek che ung'ootiin, kot koma keer ineendet? Mwaei Kamuktaindet ne Toroor. Tos ma anyii kipsengwet ak ng'wony? Mwaei Kamuktaindet ne Toroor.

JEREMIA 29:23

amu ki koyai perberyo eng' Israel, ak koyai ibeetapkei ak osotigap piigap kokwennywa, ak ki komwa ng'aleek che po lembech eng' kainennyu, che ki ma ang'at icheek; ak ko aneendet ne angen, ak ko aa paoryat, mwaei Kamuktaindet ne Toroor.

JEREMIA 32:19

ineendet ne oo eng' kirwooget, ak ko po kamuktaet eng' poisyet; ne keerei konyekyik ortinwek tugul che po weeriigap piik; si kogoochi age tugul ko uu ortinwekyik ak ko uu logoegap poisyonikyik;

JEREMIA 7:11

Tos kaek kooi kemwaitoe kainennyu kebeneetap rebiik eng' taing'wong'? Onai ole anee, aneendet ne kaageer, mwaei Kamuktaindet ne Toroor.

EZEKIEL 8:12

Ki leenjo anyun ineendet, Ee weeriitap chii, tos kaigeer kiit ne yaei poisyegap kootap Israel, eng' ole imen, komi chii age tugul kooriikyik che po oriit che po kanamonik? Amu leen icheek, Mageerech Kamuktaindet ne Toroor; ki kometo Kamuktaindet ne Toroor emoni.

EZEKIEL 9:9

Koleenjo anyun, Oo kot tengektap kootap Israel ak ne po Judah, kanyi emoni korotiik, ak kanyi nganasani kamaaset ne po kirwoogutik: amu mwaei kole ki kometo Kamuktaindet ne Toroor emoni, ama keerei Kamuktaindet ne Toroor.

SEPANIA 1:12

Ak asyaach Jerusalem eng' peetuusyechooto akweng'ate; ak abir piik che ki kotepto kimnateennywa ko uu divaik che mi ak misigiikyik, che mwaei eng' mugulelwekwak kole ma yaei Kamuktaindet ne Toroor ne myee, ama yaei yaityet.

SEKARIA 4:10

Amu ng'oo ne ki kosas peetuutap tuguuk che mengeechen? Amu tuun poiboitu icheek, ak kogeer kiit ne kilititisye eng' eutap Zerubabel. Komwaiwa malaikaiyat kole, “Tuguuchu tisap ko konyegap Kamuktaindet ne Toroor; pendoti chooto eng' ng'wony komugul.”

1 KORINTOEK 4:5

Nooto anyun amat orwookyi kiy kotom koit peetuut, agoi konyo Kiptaiyat. Inee ne tuun ng'aanyei tuguuk che ung'ootiin che po mesundeito ak kobarta kabwaatutik che po mugulelwek; si konyoor chii age tugul anyun kalasunennyi eng' Kamuktaindet.

HEBRANIK 4:13

Ama mi kiy age tugul ne ki kiyai ne ma taagu eng' tainnyi: ago ng'ang'otin ak yaatatin tuguuk tugul eng' taitap koonyek che po ineendet ne tuun kitetyini atebosyekyok.