JEREMIA 14:9 - Bukuit Ne Tilil

⁹ Amu nee si iige chii ne kakwong', kalya iige chii ne kiim, ne ma imuuch kosaruunis? Ago inyee, ee Kamuktaindet ne Toroor, imi kwenunnyo ak kimwaitaenech kaineng'ung'; amemetech.

BUKUIT NE TILIIL Sireet ne Dutero Kanon

⁹ Amu nee si iige chii ne kakwong', kalya iige chii ne kiim, ne ma imuuch kosaruunis? Ago inyee, ee Kamuktaindet ne Toroor, imi kwenunnyo ak kimwaitaenech kaineng'ung'; amemetech.

BUKUIT NE TILIL

⁹ Amu nee si iige chi ne kakwong’, iige chito ne kim, ne maimuch kosorunis? Ago inye, ee Jehovah, imi kwenunnyo, ak kimwaitaenech kaineng’ung’; amemetech.

JEREMIA 14:9 ပူးပေါင်းရင်းမြစ်များ

2 ATEPTAP PEETUUSYEK 7:14

ngot koming'ingei piikyuk che kemwaitoe kainennyu, kosa, kocheeng'a ak kolakta ortinwekwak che po yaityet, agas anyun eng' kipsengwet; ak anyochi kaat eng' tengektonywa ak asoop emennywa.

TIENWOGIKAL 10:1

Ee Kamuktaindet ne Toroor, amu nee si itonone ole loo? Kalya si iunykei eng' peetuusyegap nyalilda?

TIENWOGIKAL 27:9

Ameung'ena togeng'ung'. Ameiste kiboityondeng'ung' eng' nereegek; inyee ne ki iegu toretindennyu. Ameona, amemeta, ee Kamuktaindetap yetunennyu.

TIENWOGIKAL 46:5

Mi Kamuktaindet kwenutap nganaseet, ama ki istoi; toreti Kamuktaindet yooto ye kaeech.

ISAIAH 12:6

Owaach miising' ak otyense, inyee ne imenye Zion, amu oo Ineendet ne Tiliil ne po Israel eng' kwenung'ung'.”

ISAIAH 43:7

age tugul ne kimwaitoe kainennyu, ineendet ne ki atau ayai agobo toroornatennyu; ki amimii; ee, ki ayai.

ISAIAH 51:9

Ng'eet, ng'eet, ilaach kimnateet, ee, eutap Kamuktaindet ne Toroor; ng'eet, ko uu peetuusyek che po keny, ibinwegap peetuusyek che po keny. Tos ma inyee ne kiitonaton Rahab, ne kiitoor maswetit?

ISAIAH 59:1

Ogeero, ma nwach eutap Kamuktaindet ne Toroor, kot koma imuuch kosar; ama nyigiis itinnyi, kot koma imuuch kogas:

ISAIAH 63:19

Kageige piik che kitom ibou; ko uu icheeget che ma kimwaitae kaineng'ung'.

JEREMIA 15:16

Kingo piit ng'aleeguk, aam, ak ki ek ng'aleeguk eng' anee poiboiyet ak kagasetapkei ne po muguleldanyu. Amu kimwaitoena kaineng'ung', ee Kamuktaindet ne po Toroornatet ne po lugoosyek.

JEREMIA 51:5

Amu ma kimetoi Israel, anan Judah, ma metoi icheek Kamuktaindennywa, Kamuktaindet ne Toroor ne po lugoosyek; nganda nyiitaat emennywa ng'oogisto ne ki yachi Ineendet ne Tiliil ne po Israel.

JEREMIA 8:19

Ogas kutitap riiregap piikyuk eng' emet ne loo miising', tos ma mi Kamuktaindet ne Toroor Zion? Tos ma mi Laitoryatap nganasanooto olooto? Amu nee anyun si kotacha kot anereech eng' kanamonikwak che kiwaei, ak tuguuk che teer che po puch?

RIREKAB JEREMIA 5:20

Amu nee anyun si iutyenech agoi? Amu nee si imeteech ne tee noo?

EZEKIEL 48:35

Egu tegat eliphuusyek taman ak sisiit komoswek tugul: ak keguure kainetap nganasanooto kobooch peetuunooto, Mi Kamuktaindet ne Toroor olooto.

HABAKUK 1:2

Ee Kamuktaindet ne Toroor, aguursei kot kotyanit, amegase? Anan ariirchinin aleen “Koroomnateet” ago mesaru.

SEKARIA 2:5

Amu mwaei Kamuktaindet ne Toroor kole, Aegu irimeet ne po maat eng' komoswek tugul, ak aegu toroornatet eng' kwenunnyi.”

SEKARIA 8:3

Mwaei Kamuktaindet ne Toroor kole: Kaaweekyigei Zion, ak ameny kwenutap Jerusalem: ak keguure Jerusalem ‘Nganaseet ne po iman’; ak keguure tulweetap Kamuktaindet ne Toroor ne po lugoosyek, ‘Tulweet ne tiliil.’

KAITOSYEK 11:23

Ki leenji `Kamuktaindet ne Toroor Musa, “Tos nwach eutap Kamuktaindet ne Toroor? Igeere nguno ingosuldoi anan ngo mesuldoi ng'olyoondennyu agobo inyee.”

POISYONIGAP CHE KIYOKTOI 15:17

si kocheeng' piik che ng'etunotiin Kiptaiyat, ak Pororyosyek tugul che kiguurtoe kainennyu.

2 KORINTOEK 6:16

Ak ting'egei nee Hekaluut ne po Kamuktaindet ak kanamonik? Amu ki Hekaluut ne po Kamuktaindet ne sabei; ago ko uu ye ki mwa Kamuktaindet kole, Amenye icheek, ak awendotee icheek; Ak aegu Kamuktaindet nenywa, Ak koek icheek piikyuk.

NG'ATUTIK 23:14

Amu wendote `Kamuktaindet ne Toroor Kamuktaindeng'ung' kwenutap nganaseng'ung' kosaruun ak koon puuniguk eng' taing'ung'. Amu niito, ko ingotiliilit anyun nganaseng'ung' si ma keerchin kiy ne ma tiliil eng' inyee ak koweek kometen.

NG'ATUTIK 28:10

Ye keer pororyosyek tugul che po ng'wony kole kiguurtoenen kainetap Kamuktaindet ne Toroor, koiywein.

HEBRANIK 13:5

Oegu che ityagatin eng' chametap silingisyek; ingoyamak tuguuk che otinye; amu ki komwa ineendet kole, “Ma koi abagaakteen, ma koi ameteen.”

NG'ANG'UTYET 21:3

Ak ki agas kutit ne oo komang'une ng'echereetap laitornatet kole, “Ogeero, mi emaitap Kamuktaindet ak piik, ak kotebyei kobooto icheek, ak koek icheek piikyik, ak kotebyei Kamuktaindet ineendet ak icheek, ak koek Kamuktaindet nenywa;

1 SAMUEL 12:22

Kosupkei ak kainennyi ne oo, koma pagaaktoi `Kamuktaindet ne Toroor piikyik amu ki cham ineendet koyaak oegu piikyik.