JEREMIA 14:7 - Bukuit Ne Tilil

⁷ Nga paoryanjinech tengekwogikyok, iboisye ee Kamuktaindet ne Toroor, amu kaineng'ung'. Amu chaang' kachuchugosyekyok pogei, ak kigeyaun acheek tengek.

BUKUIT NE TILIIL Sireet ne Dutero Kanon

⁷ Nga paoryanjinech tengekwogikyok, iboisye ee Kamuktaindet ne Toroor, amu kaineng'ung'. Amu chaang' kachuchugosyekyok pogei, ak kigeyaun acheek tengek.

BUKUIT NE TILIL

⁷ Agot ngo baorianjinech tengekwogikyok, ee Jehovah, boisie amu kaineng’ung’: amu chang’ kachuchugosiekyok bo ge; kigeyaun tengekto.

JEREMIA 14:7 ပူးပေါင်းရင်းမြစ်များ

EZRAH 9:15

Ee Kamuktaindet ne Toroor, Kamuktaindetap Israel, ii po iman, amu ki piik che kigeng'etu, che kichililso, ko uu rani. Ki mi taing'ung' eng' ng'oogistonyo, amu ma mi ne imuuchi kotonon eng' taing'ung' amu niito.”

TIENWOGIKAL 115:1

Amegoonech, ee Kamuktaindet ne Toroor, amegoonech telunateet, ago igoochi kaineng'ung', amu rireeneng'ung' ak imandang'ung'.

TIENWOGIKAL 25:11

Amu kaineng'ung', ee Kamuktaindet ne Toroor, inyoiywa kaat tengektonyu, amu oo.

TIENWOGIKAL 79:9

Toretech, ee Kamuktaindetap yetunennyo, amu toroornatetap kaineng'ung'; Sarwech, ak iunde tengekwogikyok, amu kaineng'ung'.

ISAIAH 48:11

Ayae amu kainennyu, amu kainennyu; amu kimurwonindoi ano kainennyu? Amagoochini age toroornatennyu.

ISAIAH 59:12

Amu ki kotesagis pistaosyekyok eng' taing'ung', ak paoryanjinech tengekwogikyok: amu mi kobootech pistaosyekyok, ak kingen tengekwogikyok:

JEREMIA 10:19

Pwo eng' anee, amu ng'wanindanyu! Ng'waan kaguotenennyu. Ago ki amwa ale, “Aragenennyu iman niito, ak kanyool amuita.”

JEREMIA 2:19

Pirin yaityeng'ung', ak kogerin kong' mastaeng'ung'. Nai ak iguiye ile kiit ne ya ak ko ng'waan, eng' imete Kamuktaindet ne Toroor Kamuktaindeng'ung', ametinye kaiyweisyet ne iywea, mwaei Kiptaiyat, Kamuktaindet ne Toroor ne po lugoosyek.

JEREMIA 3:25

Ongeruiye eng' kalilanennyo ak ingotuchech teweernatennyo. Amu kigeyachi tengekto Kamuktaindet ne Toroor Kamuktaindennyo, acheek ak kwanisyekyok kobooch ming'inatennyo agoi peetuuni; ak ma ki kas iit kutitap Kamuktaindet ne Toroor Kamuktaindennyo.

JEREMIA 3:6

Kimwaiwo anyun Kamuktaindet ne Toroor eng' peetuusyegap Josiah laitoryat koleenjo: “Tos ki igeer nooto ki yai Israel, ole kigogetyigei let, ole kitogosta tulweet age tugul ne kooi ak kwo kelutap keetit age tugul ne tuon, ak koyai kugoinatet eng' olooto?”

JEREMIA 5:25

Ki kowal tengekwogikwok tuguuchuuto, ak ki koetenak tengekwogikwok myeeindo.

JEREMIA 5:6

Ara anyun parei icheek `ng'etundo ne mang'une timiin, parei icheek suiyot ne po surkwen. Sapchin `cheplanget nganasookwak, kitonatoni age tugul ne mong'u eng' olooto, amu chaang' pistaosyekwak, ak ki kotesak kachuchugennywa pogei.

JEREMIA 8:14

Amu nee si ketebi ak kesistosi? Oyumgei ak ongebe nganasook che riibootin, ak kesisye eng' olooto. Amu kagoonech Kamuktaindet ne Toroor, Kamuktaindennyo kesisye, ak kogoonech peegap kipsegetetyet kee, amu kigeyachi Kamuktaindet ne Toroor tengekto.

JEREMIA 8:5

Amu nee anyun si kochuchuigei pichu po Jerusalem eng' kachuchuget ne po agoi? Namei miising' ng'aalseet, eesyoi koweek.

EZEKIEL 20:14

Ago ki aboisye anyun kainennyu, si ma kimurwon eng' taitap pororyosyek, che kigeeronu icheek amutu komong'.

EZEKIEL 20:22

Ago ki aiste eunnyu, ki aboisye amu kainennyu, si ma kimurwon eng' taitap pororyosyek, che kigeeronu icheek amutu komong'.

EZEKIEL 20:9

Ago ki aboisye amu kainennyu, si ma kimurwon kogeerei pororyosyek, che ki mi icheek kwenunnywa, pororyosyek che kigeerei aboorchinigei icheek, amutu komong' eng' emetap Misiri.

HOSEA 5:5

Ak paoryani menoteetap Israel eng' tainnyi; ibutos anyun Israel ak Ephraim eng' tengektonywa; ibuti Judah agine kobooto icheek.

HOSEA 7:10

Ak paoryani menoteetap Israel eng' tainnyi: agot ngo uu nooto koma weekyigei Kamuktaindet ne Toroor Kamuktaindennywa, anan kocheeng' ineendet eng' chuuto tugul.

AMOS 7:2

Ak ye kingo kagoam susweek kogees eng' emet, ale anyun, “Ee Kiptaiyat Kamuktaindet ne Toroor, asaain ale, nyochi kaat. Tonondoi ano Jakobo? Ming'in inee miising'!”

MIKAH 7:9

Amuitoi eng' nereegegap Kamuktaindet ne Toroor, amu ki ayachi tengekto; agoi kong'alaal agobo ng'olyoondennyu, ak koyaiywo kirwooget: tuun imutwaa among' ole mi lapkeiyet, ak ageer imandanyi.

EPESOEK 1:12

si kobiit keegu kalasunetap toroornatennyi, acheek che kiga kisip kimang'u Kristo.

EPESOEK 1:6

agoi kalasunetap toroornatetap myeeindonyi, ne ki koonech eng' aiyebindo eng' Chamaneet:

NG'ATUTIK 32:27

Nda ki ma aiywei tagisyetap puunyoot, Si ma ibwaat puunikwak perberyo, ak komwa kole, ‘Kagotororit eunnyo, ak ma yai Kamuktaindet ne Toroor chooto tugul.’ ”

JOSHUA 7:9

Tuun kasei Kanaanik ak tugul che menyei emet agobo kiito, koyiemech ak kotil kainennyo kobet eng' ng'wony. Tos iite nee kaineng'ung' ne oo?”