JEREMIA 14:20 - Bukuit Ne Tilil

²⁰ Ee Kamuktaindet ne Toroor, king'aanye tengektonyo, ak yaityetap kwanisyekyok, amu kigeyaun tengekto.

BUKUIT NE TILIIL Sireet ne Dutero Kanon

²⁰ Ee Kamuktaindet ne Toroor, king'aanye tengektonyo, ak yaityetap kwanisyekyok, amu kigeyaun tengekto.

BUKUIT NE TILIL

²⁰ Ee Jehovah, king’anye tengektanyo, ak yaitietab kwanisiekyok: amu kigeyaun tengekto.

JEREMIA 14:20 ပူးပေါင်းရင်းမြစ်များ

2 SAMUEL 12:13

Koleenji `Daudi Nathan, “Koayachi Kamuktaindet ne Toroor tengekto.” Kowolji `Nathan Daudi koleenji, “Kagoisto Kamuktaindet ne Toroor agine tengektong'ung'; memee.

2 SAMUEL 24:10

Ki aragen miising' Daudi eng' muguleldanyi ye kingo kagoiit piik. Ki leenji anyun `Daudi Kamuktaindet ne Toroor, “Ki ayai tengekto ne oo eng' kioto koayai, ago asoomin ale iste anyun tengektap otwogindeng'ung', ee Kamuktaindet ne Toroor, amu ki ayai eng' perberyo ne oo.”

NEEMIA 9:2

Ki itabaanegei `iyoteetap Israel toek tugul yeityo kotononso kong'aany tengekwogikwak ak tengekwogigap kwanisyekwak.

Kitabuutap JOB 33:27

Tyeni eng' taitap piik ak kole ki ayai tengekto, ak amaas kiit ne ki po iman, ama kelwo kiy.

TIENWOGIKAL 32:5

Ki amwaun chalwoktanyu, ak ma aung'enen tengektonyu; ki ale, “Ang'aang'jini Kamuktaindet ne Toroor pistaosyekyuk;” ak ki inyoiywa kaat chalwoktap tengektonyu.

JEREMIA 14:7

Nga paoryanjinech tengekwogikyok, iboisye ee Kamuktaindet ne Toroor, amu kaineng'ung'. Amu chaang' kachuchugosyekyok pogei, ak kigeyaun acheek tengek.

JEREMIA 3:13

Ng'aany tengektong'ung' kityo; ile ki ingelelji Kamuktaindet ne Toroor Kamuktaindeng'ung' ak ki iseerchi toek ortinweguk eng' kelutap keetit age tugul ne tuon ak ma ogasa iit kutinnyu, mwaei Kamuktaindet ne Toroor.

JEREMIA 3:25

Ongeruiye eng' kalilanennyo ak ingotuchech teweernatennyo. Amu kigeyachi tengekto Kamuktaindet ne Toroor Kamuktaindennyo, acheek ak kwanisyekyok kobooch ming'inatennyo agoi peetuuni; ak ma ki kas iit kutitap Kamuktaindet ne Toroor Kamuktaindennyo.

JEREMIA 8:14

Amu nee si ketebi ak kesistosi? Oyumgei ak ongebe nganasook che riibootin, ak kesisye eng' olooto. Amu kagoonech Kamuktaindet ne Toroor, Kamuktaindennyo kesisye, ak kogoonech peegap kipsegetetyet kee, amu kigeyachi Kamuktaindet ne Toroor tengekto.

RIREKAB JEREMIA 1:20

Keero, ee Kamuktaindet ne Toroor, amu ami pichiindo, anyalili moennyu kawalak muguleldanyu; amu kaangelel miising'. Rebisyei rotwetap chok eng' ole po saang', eng' ko oriit komi ne uu meet.

RIREKAB JEREMIA 3:42

Ki kibistoe ak ki kingelelse; ak tomo inyoiywech kaat.

RIREKAB JEREMIA 5:7

Ki yai tengek kwanisyekyok ak ma komi; ang'ni anyun kigegesen tengekwogikwak.

DANIEL 9:15

Ara anyun, ee Kiptaiyat Kamuktaindennyo, ne ki imutu piiguk eng' euut ne kiim komong' eng' emetap Misiri, ak ki isikyigei teegisto agoi rani; kigeyai tengekto, kigeyai kiit ne ya kot.

AMOS 7:2

Ak ye kingo kagoam susweek kogees eng' emet, ale anyun, “Ee Kiptaiyat Kamuktaindet ne Toroor, asaain ale, nyochi kaat. Tonondoi ano Jakobo? Ming'in inee miising'!”