ISAIAH 66:15 - Bukuit Ne Tilil

¹⁵ Amu ogeero, nyoonei Kamuktaindet ne Toroor eng' maat, ak koigei kariisyekyik che po lugeet kipchurchuryet; koyaakta nereegekyik eng' koroomnateet, ak koyaakta kerennyi po kong' eng' liplibenetap maat.

BUKUIT NE TILIIL Sireet ne Dutero Kanon

¹⁵ Amu ogeero, nyoonei Kamuktaindet ne Toroor eng' maat, ak koigei kariisyekyik che po lugeet kipchurchuryet; koyaakta nereegekyik eng' koroomnateet, ak koyaakta kerennyi po kong' eng' liplibenetap maat.

BUKUIT NE TILIL

¹⁵ Amu ogeero, nyonei Jehovah eng’ mat, ak koigei karisiekyik che bo luget kipchurjuriet; koyaakta neregekyik eng’ koromnatet, ak koyaakta kerennyi bo kong’ eng’ liblibenetab mat.

ISAIAH 66:15 ပူးပေါင်းရင်းမြစ်များ

TIENWOGIKAL 11:6

Robonjin `inee kiptengeginik ng'etetyotap maat ak tuguuk che laldos; egu `usoonet ne peelsei kebebertap kigombennywa.

TIENWOGIKAL 18:9

Ki im kipsengwet ak icheek, ak kochoorgei ineendet; kimi mesundeito ne oo kururetap keelyekyik.

TIENWOGIKAL 21:9

Iwong'u icheek eng' maat ne ng'eteteni eng' peetuutap nereegeguk. Lugui `Kamuktaindet ne Toroor icheek eng' nyitatennyi, ak kobeel maat icheek kogees.

TIENWOGIKAL 50:3

Nyoonei Kamuktaindennyo, ama siisei: mi tainnyi maat ne peelei kowong'u, ak komuut ineendet usoonet ne oo.

TIENWOGIKAL 68:17

Karisyegap Kamuktaindet ko eliphuusyek tiptem, agot eliphuusyek ak eliphuusyek: Mi Kiptaiyat kwenunnywa, eng' Sinai, eng' Ole-Tiliil.

TIENWOGIKAL 97:3

Indoi maat eng' ineendet, Ak peelei puunikyik eng' komoswek tugul.

ISAIAH 10:17

Ak koek maat lapkeiyetap Israel, ak koek nenyi Ne Tiliil liplibenetap maat, ak kobeel kowong' katookyik che rutei piich ak che toorei piich peetuunak.

ISAIAH 26:11

Kasutok eung'ung' Kamuktaindet ne Toroor, ama keerei icheek. Ago keerei kagiileng'ung' pogei agobo piik ak kolilaanso. Ee, laldos puuniguk.

ISAIAH 30:30

Ak koyai Kamuktaindet ne Toroor kutinnyi ne po toroornatet kogasak, ak koboor kochoru eunnyi, eng' nyitatetap nereeknatennyi ak liplibenetap maat ne peelsei, kobooto cheet ak usoonet ne oo ak koigap ropta.

ISAIAH 30:33

Amu kigechop Topet kobooch keny; ee, kigechopchi laitoryat; ki koyai kolooit kwo ng'wony ak kotebeesit: karurugutyennyi ko maat ak kweenik che chaang'; inaami kabuusetap Kamuktaindet ne Toroor, ne kergei ak koik che laldos, che isururu.

ISAIAH 31:9

Ak komwei rwandennyi amu kamuiset, ak kotoptobenso pounikyik amu songolyet ne kageer,” mwaei Kamuktaindet ne Toroor ne mi maannyi Zion, ak komi maannyi ne oo Jerusalem.

ISAIAH 5:25

Ki nereekyi kot anyun `Kamuktaindet ne Toroor piikyik, ak ki iyogoito eunnyi kogirinda icheek, ak kobir, kibotanso tuloonook che mengeechen, ak ki ek muuswekwak pusagaryek eng' kwenutap ortinwek. Nganda uu nooto, koma istogei nereegekyik, ago ta kochuulat eunnyi kora.

ISAIAH 5:28

Ng'atiben kipchabonikwak, ak ko riigotin kwangokwak tugul; kirogendoi keelyegap paraisisyekwak koik che uueen, ak uu tirookwak kipchurchuryet.

ISAIAH 51:20

Kagotanuiso weeriiguk, ruitos eng' tabanwegap ortinwek tugul, ko uu kenyeleet ne mi mesteet; nyiitootiin icheek nereegek che koroomen che po Kamuktaindet ne Toroor, kereetap kong' ne po Kamuktaindeng'ung'.

JEREMIA 25:37

Ak kosiisyo piusyek che po kaalyeet amu nereegek che koroomen che po Kamuktaindet ne Toroor.

JEREMIA 4:13

Ogeero, togosu ineendet ko uu poolik, ak uu kipchurchuryet kariisyekyik che po lugeet. Chepchep paraisisyekyik kosiir kipsichinik. Pwo eng' acheek, amu kageng'emech!

JEREMIA 4:3

Amu mwachin `Kamuktaindet ne Toroor piigap Judah ak che po Jerusalem kole: “Obalu mbareeng'wong', amogol ole mi katook.

JEREMIA 46:15

Amu nee si kibukto cheguuk che kiimeen? Ma tononso, amu ki oon Kamuktaindet ne Toroor.

EZEKIEL 38:17

Mwaei Kiptaiyat Kamuktaindet ne Toroor kole: Tos inyee ne ki amwaite keny eng' otwogikyuk maotigap Israel, che ki maoteni eng' peetuusyechooto eng' kenyiisyek che chaang' kole tuun amutun inyoo obargei ak icheek?

EZEKIEL 5:15

Egu ko uu nooto anyun teweernateet ak sasisyet, kaneetisyet ak kwong'eet, eng' pororyosyek che mi komosweguk tugul, ye ayae kirwoogutik eng' inyee eng' nereegek, ak eng' nereegek che ng'woneen, ak eng' kereetap kong' ne ng'waan: kaamwa anee Kamuktaindet ne Toroor ng'olyoondoniito:

DANIEL 11:40

Eng' peetuusyek che po let kobookyin ineendet `laitoryatap murot tai. Ago ibookyin ineendet `laitoryat ne po murot kaataam ko uu kipchurchuryet, kobooto kariisyegap lugeet, ak piik che ketei paraisisyek, ak melisyek che chaang'. Ak kwo kochwalda koyom emotinwek ak kobun olooto.

DANIEL 7:10

Ki piit aineet ne uu maat ne ki mang'une tainnyi. Ki poisyechin ineendet eliphuusyek konyil eliphuut, ak ki tonondos eng' tainnyi eliphuusyek tamanu konyil eliphuusyek taman. Ki kichop kirwooget, ak ki king'aany bukuisyek.

HOSEA 8:7

Amu koolei usoonet, ak kesei kipchurchuryet: ma tinyei peek che tonondos; ma iitos itigap peek; ngot koiiyo, koamei kipsagarek kotarei.

AMOS 7:4

Ki iboorwo Kiptaiyat Kamuktaindet ne Toroor ko uu ni: kiguur Kiptaiyat Kamuktaindet ne Toroor maat kobeelisye; ak ki peel rireet ne oo ak konam kobeel emet.

NAHUM 1:6

Ng'oo ne imuuchi kotonon eng' taitap nereegekyik? Ak ng'oo ne imuuchi komuita eng' koroomnatetap nereegekyik? Kirong'u nereegekyik che ng'woneen ko uu maat, ak tonatoni `ineendet rwandosyek.

HABAKUK 3:8

Tos ki nereekyi Kamuktaindet ne Toroor ainoosyek? Tos ki nyo nereeknateng'ung' agobo ainoosyek, anan agobo nyanjet, kot ilaany paraisisyeguk, ak ilaany karisyeguk che po lugeet che po yetunet?

SEKARIA 6:1

Ki ang'eet met kogeny, ak ogeero! Ki ageer kariisyek ang'wan che po lugeet kobwanei kobunu kwenutap tuloonook aeng'; ak ki po sugunwet tuloonoochooto.

MATAYO 22:7

Ki nereech anyun laitoryat. Ki iyookto lugosyekyik kobar rumichooto ak kobeel nganasennywa.

NG'ATUTIK 28:20

“Iyogun Kamuktaindet ne Toroor chubisyet, nyalilda ak kereetap kong' eng' tugul che iyae euneguk agoi kong'emin ak agoi ilus ichakte, amu yaityetap poisyoniguk ne kigoonin ibagaakta.

2 PETERO 3:7

ago kipsengwet ak ng'wonyut che po nguno, ko ki kigonorchi maat eng' ng'olyoondonooto, kogonor agoi peetuutap kirwooget ak ng'emisyetap piik che ma iywei Kamuktaindet.