ISAIAH 65:2 - Bukuit Ne Tilil

² Ki aitoochi eunekyuk peet komugul piik che ingeleldos, che pendote ooreet ne ma karaaran, che pendote kabwaatutikwak;

BUKUIT NE TILIIL Sireet ne Dutero Kanon

² Ki aitoochi eunekyuk peet komugul piik che ingeleldos, che pendote ooreet ne ma karaaran, che pendote kabwaatutikwak;

BUKUIT NE TILIL

² Kiaiitochi eunekyuk bet komugul bik che ingeleldos, che bendote oret ne ma kararan, che bendote kabwatutikwak;

ISAIAH 65:2 ပူးပေါင်းရင်းမြစ်များ

TAUNET 6:5

Ki keer Kamuktaindet ne Toroor kole, oo miising' tengektap kimugulmet eng' ng'wony, ak kabwaatutik tugul che po muguleldanyi ko tengekto kityo peetuut age tugul.

TIENWOGIKAL 36:4

Ruchin tengekto eng' itogunnyi; indogei ooreet ne ma myee; ama wechei yaityet.

TIENWOGIKAL 36:5

Itei chamyeng'ung' ne tala kipsengwet, ee Kamuktaindet ne Toroor; ak itei parak imandang'ung'.

KALEWANAIK 1:24

Amu ki aguurse, ago ki oeesye, ki aiite eunnyu, ago ma iit chii.

KALEWANAIK 16:29

Iboiboi `chiito ne koroom chiitap kokwennyi, ak komut eng' ooreet ne ma myee.

ISAIAH 1:2

Ogas, ee kipsengwet! Oep iit, inyee ng'wony! Amu kagotwek Kamuktaindet ne Toroor, kole: Ki aguu ak ki aneet lagok, ago ki kongelelja.

ISAIAH 1:23

Ngelelik pouniguk, ak ko choronogap chooriik. Chamei age tugul asoya, ak kosuboti tuguuk che kigeerchin. Ma ibesyechin ne ma tinyei sigiik, ama ki ipchin icheek ng'aleegap mosoget.

ISAIAH 30:1

Pwo eng' lagok che ngelel, mwaei Kamuktaindet ne Toroor, che tilei ng'aleek, ama eng' anee; ak che tuchegei, ama eng' kabuusennyu, si kobiit kotes tengekto eng' tengekto;

ISAIAH 30:9

Amu icheeget ko piik che ngelel, lagok che po lembeita, lagok che ma chamei kogas ng'atuutyetap Kamuktaindet ne Toroor;

ISAIAH 55:7

ingometo kiptengekyot ooreennyi, ak ingometo ineendet ne ma po iman, kabwaatutikyik: ak ingoweekyigei Kamuktaindet ne Toroor, si koriiree; ak ingoweekyigei Kamuktaindennyo, amu nyochin kaat iman.

ISAIAH 55:8

Amu ma chekwok kabwaatutikyuk, ama chechuuk ortinwekwok, mwaei Kamuktaindet ne Toroor.

ISAIAH 63:10

Ago ki ingelelso ak kogoochi arageneet Kabuusennyi ne Tiliil: ki kiwal anyun koek punyonnywa, ak kobargei ak icheek.

ISAIAH 66:18

Amu angen poisyonikwak ak kabwaatutikwak: nyoonei peetuut, ye ayumi pororyosyek tugul ak kutusweek tugul; ak kobwa ak kogeer toroornatennyu.

ISAIAH 66:3

Ineendet ne parei teta ko kergei ak ineendet ne parei chiito; ineendet ne igoitoi aarwetap keechiir koek tiseiywot, ko kergei ak ineendet ne iriei kaatitap seset; ineendet ne igoitoi kagoochinetap peek ko kergei ak ineendet ne igoitoi korotiigap toret; ineendet ne peelei tuguuk che nyamdut ko kergei ak ineendet ne iberuuri kanamwet: ee, ki kolewen ortinwekwak ak kochamei saboonwekwak tuguukwak che kiwechei;

ISAIAH 66:4

alewenjini anyun kaberberisyosyekwak, ak aipchi icheek kaiyweisyosyekwak; amu kinga kuurse, koma wol chii; ye kinga ng'alaal, koma kas icheek: ago ki yai tuguuk che yaach eng' tainnyu, ak kolewen tuguuk che ma abaibaitune.

JEREMIA 18:12

Ago mwaei kole, ma tilei kiy kamang'unet: amu kibendote maguutikyok, ak koyai chii tugul eng' acheek ko uu uuindap muguleldanyi ne ya.

JEREMIA 3:17

Eng' peetuusyechooto, ko tuun kuuree `icheek Jerusalem ng'echeretap laitornatet ne po Kamuktaindet ne Toroor, ak koyumjigei pororyosyek tugul, koyumjigei kainetap Kamuktaindet ne Toroor, eng' Jerusalem. Ama kobendote uuindap mugulelwekwak che yaacheen.

JEREMIA 4:14

Ee Jerusalem, iunde tengekto eng' muguleldang'ung', si kesaruun. Teben oriing'ung' kot kotyanit kabwaatutiguk che yaacheen?

JEREMIA 5:23

Ago tinyei pichu muguleldo ne po pistoet ak ngelelnateet, ki kobistoe ak koba.

JEREMIA 7:24

Ago ma kas, ama ep iit, ago kibendatee kirwoogutikwak ak uuindap mugulelwekwak che yaacheen. Kituitui koba let, ma pa tai.

KAITOSYEK 15:39

Egu anyun sawoiyot eng' okweek ne ogeere ak obwaat ng'atuutik tugul che po Kamuktaindet ne Toroor ak oyai, si mosup kiit ne machei mugulelwekwok ak konyekwok, che ki cham osubi oibegei.

MATAYO 15:19

Amu kabwaatutik che yaach, rumisyosyek, ibeetapkei, soksosyek, choorsosyek, paornatosyegap lembech, ng'aleek che yaacheen ko mang'une muguleldo.

MATAYO 23:37

“Ee Jerusalem, Jerusalem, ne parei maotik ak kolage koik icheek che ki kiyookyi! Ki amach konyil ata ayum lagoguk ko uu ye iyumi ngokyet aarekyik eng' kebebaikyik, ago ma ocham!

LUKA 13:34

“Ee, Jerusalem, Jerusalem, inyee ne ibare maotik, ak ilage koik che kiyogun! Ki amach konyil ata ayum lagoguk, ko uu ngokyet ne iyumjin aarekyik kebebaikyik, ago ki ma ocham!

ROMANIK 10:21

Ago mwaei agobo Israel kole, “Ki aitoochi eunekyuk eng' peetuut komugul piik che ma kase iit ak che ngelelik.”

ROMANIK 2:5

Ago eng' uindang'ung' ak muguleldang'ung' ne ma tinyei siguunet, igonorchinigei nereeknateet kobunji peetuutap nereeknateet ak ng'ang'utyetap kirwooget ne po imanda ne po Kamuktaindet;

NG'ATUTIK 29:19

Ye kas ng'aleegap chubisyoni, koberuurgei eng' muguleldanyi kole, atebye eng' kaalyeet agot ngawendoti eng' ngelelnatetap muguleldanyu; tesei melelda pogitet.

NG'ATUTIK 31:27

Amu angen ngelelnateng'ung' ak uuindap kaating'ung'. Ogeero, kongelelji Kamuktaindet ne Toroor kota asabe ami kobootok peetuuni. Oyae anyun ne tya ye kaamei?

NG'ATUTIK 9:7

Ibwaat ameutyee tagisyet ne ki itach Kamuktaindet ne Toroor Kamuktaindeng'ung' eng' surkwen, ki ongelelji Kamuktaindet ne Toroor kobooch peetuut omong'u eng' emetap Misiri agoi oitu yu.