ISAIAH 6:10 - Bukuit Ne Tilil

¹⁰ Yai mugulelwegap pichu konyigiisitu, ak kotimogis itiikwak, ak kogerogis konyekwak, si ma keertoe konyekwak, ama kastoe itiikwak, anan koguiyo eng' mugulelwekwak, ak kowalogis, ak kisoop.

BUKUIT NE TILIIL Sireet ne Dutero Kanon

¹⁰ Yai mugulelwegap pichu konyigiisitu, ak kotimogis itiikwak, ak kogerogis konyekwak, si ma keertoe konyekwak, ama kastoe itiikwak, anan koguiyo eng' mugulelwekwak, ak kowalogis, ak kisoop.

BUKUIT NE TILIL

¹⁰ Yai mugulelwekab bichu konyigisitu, ak kotimogis itikwak, ak kogerogis konyekwak, si mageertoe konyekwak, ama kastoe itikwak, anan koguiyo eng’ mugulelwekwak, ak kowalogis, ak kisoob.

ISAIAH 6:10 ပူးပေါင်းရင်းမြစ်များ

TIENWOGIKAL 119:70

Katimogis mugulelwekwak eng' akwaindo; ago abaibaitune ng'atuutyeng'ung',

TIENWOGIKAL 17:10

Kager icheeget mugulelwekwak agobo riirge; ng'alaale menoteet kutusweekwak.

TIENWOGIKAL 69:23

Ingoimenitu konyekwak, si ma keer kiy; Ak igoochi kobotanso suenutikwak kotugul.

KOMONG'U 10:27

Ago ki iuit `Kamuktaindet ne Toroor muguleldap Pharaoh, ak ki ma chamji inee Pharaoh icheek koba.

KOMONG'U 11:10

Nganda ki yai Musa ak Aron kwang'utichuuto tugul eng' taitap Pharaoh, ko ki iuit `Kamuktaindet ne Toroor muguleldap Pharaoh ak ki ma chamji piigap Israel koba eng' emennyi.

KOMONG'U 14:17

Auuiiti aneendet mugulelwegap Misiriik, si koosup icheek ak anyoorunee teegisto Pharaoh, lugeennyi tugul, kariisyekyik ak piikyik che ketei paraisisyek.

KOMONG'U 7:3

Auuiiti muguleldap Pharaoh, ak ates kaboorunoikyuk ak kwang'utikyuk eng' emetap Misiri,

KALEWANAIK 16:30

Chobei tuguuk che imaasotin `chiito ne kerei konyekyik; ibu yaityet `ineendet ne susei kutinnyi.

AMDOINDET 3:3

peetuut ne kibarisye ak peetuut ne kinyaise; peetuut ne kibutisyei, ak peetuut ne kiteekse;

ISAIAH 19:22

Ak tuun pirei Kamuktaindet ne Toroor Misiri, kobir ak kosoop; ak koweekyigei Kamuktaindet ne Toroor, ak kogasyi soomutikwak ak kosoop icheek.

ISAIAH 28:13

Nooto anyun, egu ng'olyootap Kamuktaindet ne Toroor eng' icheek ng'atuutyet ne kineeti kegetyingei ng'atuutyet, ng'atuutyet eng' ng'atuutyet; kaneetisyet ne kineeti kegetyingei kaneetisyet, kaneetisyet eng' kaneetisyet; kitigin eng' oli, kitigin eng' olooto; si koba kobee patai kobutyo, ak koilyo, kenam eng' mesteet, ak kimut.

ISAIAH 29:10

Amu kirong'jok Kamuktaindet ne Toroor rwondo ne nyigiis, ki kogeer konyekwok, okweek maotik, ak ki kotuch kandoikwok, chooto ko keerik.

ISAIAH 29:14

Ara anyun, ayae poisyet ne kitang'aang'jin eng' kwenutap pichu, poisyet ne kitang'aang'jin ak kekwong'ee. Ak kobet utaatyetap piikwak che utaatiin, ak keuny kaguiyetap piikwak che ng'oomen.

ISAIAH 29:9

Ogenisye ak okwong'ye; oyai ko uu ye omache ak ogorie! Kabogityo, ago ma eng' divaik; terteryoti, ago ma eng' maiyek.

ISAIAH 44:18

Ma ingen icheek, ama ibwaati: amu ki kogeer konyekwak, si ma keerto; ak koger mugulelwekwak, si ma iguiyo.

ISAIAH 63:17

Ee, Kamuktaindet ne Toroor, amu nee si igoonech kemaste eng' ortinweguk, ak iuuit mugulelwekyok si ma kiywein? Weege amu otwogiguk, pororyosyegap poroteng'ung'.

JEREMIA 17:9

Kaberberin muguleldo kosiir tuguuk tugul, ak ko ya miising': ng'oo ne imuuchi konai?

JEREMIA 5:21

Ogas ni anyun, ee okweek piik che perber ak che motinye kaguiyet, che otinye koonyek, amogeertoe, che otinye itiik, amogastoe.

JEREMIA 6:10

Ang'alaaljini ng'oo, ak abaoryanji, si kobiit kogasa? Ma kimuratan itiikwak, ara amaimuuchi koep iit. Kaek ng'olyootap Kamuktaindet ne Toroor teweernateet eng' icheek, ak ma poiboitune.

RIREKAB JEREMIA 3:65

Igoochini mugulelwekwak kouegitu, igoochini icheek chubeng'ung'.

SEKARIA 11:15

Ak ki leenjo Kamuktaindet ne Toroor, Nam kogeny tuguugap mestowot ne perber.

SEKARIA 7:11

Ago ki eesyo kogas iit, ak kililich tigigoikwak, ak kotiim itiikwak si ma kas.

MATAYO 13:15

Amu kwalilenotin mugulelwegap pichu, ak ma kastoi komyee iitiikwak, ak ki kogeer konyekwak, si ma keer eng' konyekwak, anan kogas eng' iitiikwak, anan koguiyo eng' mugulelwekwak, si koweek kogeny ak asoop icheek.’

JOHANA 12:40

“Ki kotuch `ineendet konyekwak, ak Ki kogoochi ineendet mugulelwekwak kouegitu; si ma keere konyekwak, anan konai eng' mugulelwekwak, ak koweek, ak asoop icheek. ”

POISYONIGAP CHE KIYOKTOI 28:27

Amu kwolilenotin mugulelwegap pichu, ak ma kastoi komyee iitiikwak, ak kiger icheeget konyekwak; si ma keer eng' konyekwak, anan kogas eng' iitiikwak, anan koguiyo eng' mugulelwekwak, si koweek kogeny, ak asoop icheek.’

POISYONIGAP CHE KIYOKTOI 3:19

Osigu anyun ak owalage, si kobiit kibukto tengekwogikwok, si kobwa anyun peetuusyek che po kamuung'et che punu taitap Kiptaiyat;

2 KORINTOEK 2:16

eng' alak ko ki nyamdutyet ne po meet agoi meet; eng' alak ko ki nyamdutyet ne po saboondo agoi saboondo. Ak tos ng'oo ne yamegei ak tuguuchu?

NG'ATUTIK 2:30

“Ago ki ma chamwech Sihon laitoryatap Hesbon kebun oldanyi, amu ki iuit muguleldonyi `Kamuktaindet ne Toroor Kamuktaindeng'ung', kot koma chamdagei si kondeun ineendet eung'ung' ko uu rani.

NG'ATUTIK 29:3

Ki keer konyeguk tyemuutik che eecheen, kaboorunoik ak kwang'utik che eecheen.

NG'ATUTIK 29:4

Ago kitom kogoonok `Kamuktaindet ne Toroor muguleldo ne oguiye anan koonyek che ogeere anan itiik che ogase, agoi rani.

NG'ATUTIK 31:20

Amu ye kaamut koit emet ne ki ayosyechi kwanisyekwak, nooto nyiitaat cheego ak komi kumyat eng' chaang'indo ak ye kagoamis kobiyong'so ak koneryo, koweektagei anyun ole mi kanamonik koba koot, kosasa ak kobut kayomisennyu.

NG'ATUTIK 32:15

Ago kiner Jesurun, ak kotyaris, kiner, kinyigiisitu ak koakwait eng' amitwogik. Yeityo kobagaakta anyun Kamuktaindet ne ki yai icheeget, ak kosas Rwandetap ne yetunennyi.