ISAIAH 57:11 - Bukuit Ne Tilil

¹¹ Ak ki iywei ng'oo anyun ak itoptoben kot imwa lembech, ak ma ibwaata ama chut ng'olyoondoniito muguleldang'ung'? Ma asiis peetuusyek che chaang' ama iywea?

BUKUIT NE TILIIL Sireet ne Dutero Kanon

¹¹ Ak ki iywei ng'oo anyun ak itoptoben kot imwa lembech, ak ma ibwaata ama chut ng'olyoondoniito muguleldang'ung'? Ma asiis peetuusyek che chaang' ama iywea?

BUKUIT NE TILIL

¹¹ Ak kiiywei ng’o anyun ak itoptoben, kot imwa lembech, ak ma ibwata, ama chut ng’olyondonito muguleldang’ung’? Ma asis betusiek che chang’, ama iywea?

ISAIAH 57:11 ပူးပေါင်းရင်းမြစ်များ

TIENWOGIKAL 50:21

Ki iyai tuguuchuuto ak ki asiis; ki ileen ki kerge ak inyee. Ago agerin kong' nguno, ak atete tugul eng' taing'ung'.

TIENWOGIKAL 78:36

Ago ki iberber ineendet eng' kutusweekwak, Ak komwachi lembechek eng' ng'elyebwekwak.

KALEWANAIK 29:25

Ibu mesteet kaiyweisyet ne kiywei chii, ago nyooru chametapkei age tugul ne imang'u Kamuktaindet ne Toroor.

AMDOINDET 8:11

Amu ma sip kirwookyin poisyet ne ya, konyooru anyun mugulelwegap piik mageet koyai yaityet.

ISAIAH 26:10

Agot nda kiboorchi chameet kiptengekyot, koma ineetigei imanda kora; yaei ineendet ne ma po iman eng' emetap imanda, ama keerei telunatetap Kamuktaindet ne Toroor.

ISAIAH 30:9

Amu icheeget ko piik che ngelel, lagok che po lembeita, lagok che ma chamei kogas ng'atuutyetap Kamuktaindet ne Toroor;

ISAIAH 42:14

Ki asiis keny; kimayai kiy, ak aratkei: awaache anyun nguno ko uu kwondo ne machei kosigiis; asiiru ak asyenyi.

ISAIAH 44:20

Amei oreek: kagomaas ineendet muguleldo ne iberberat, kot koma imuuchi kosar saboondanyi, anan komwa kole, tos ma mi lembeita eunnyu ne po tai?

ISAIAH 47:7

Ak ki imwa ile, Aegu chebyoset agoi; kot ko mata inde tuguuchuuto muguleldang'ung', amata ibwaat kagesunennywa.

JEREMIA 2:32

Tos imuuchi chepto koutye tuguukyik che po lelesta? Anan koutye murereet ngoroikyik? Ago kigoutyeno piikyuk eng' peetuusyek che ma iitoksei?

JEREMIA 3:21

Kigasei waagaat eng' tuloonook che churyotin, riirek ak soomutigap piigap Israel; amu ki komaas ooreenywa, kigoutye Kamuktaindet ne Toroor Kamuktaindennywa.

JEREMIA 38:19

Ak ki leenji Zedekiah laitoryat Jeremiah, Aiywei Yahudik che ki konamgei ak Kaldeik, si ma indea eunekwak, ak kochota.

JEREMIA 41:18

amu Kaldeik: amu ki iywei icheek, amu kiga kobar Ishmael weeriitap Netania, Gedalia weeriitap Aikam, ne ki inde laitoryatap Babilon koek pounindetap emet.

JEREMIA 42:20

Amu ki oyachi kaberberisyet saboonwekwok; amu ki oyookto awo ye mi Kamuktaindet ne Toroor Kamuktaindeng'wong', ole, Saiywech Kamuktaindet ne Toroor, Kamuktaindennyo; ak imwaiwech ko uu tugul che mwaei Kamuktaindet ne Toroor, Kamuktaindennyo, si keyai:

EZEKIEL 13:22

Amu ki ogoochi muguleldap chii ne po iman koaragen eng' lembechek, chiito ne ma agoochi koaragen; ak ogimiit eunegap kiptengekyot, si ma week kometo ooreennyi ne ya, ak kesar kosap:

HOSEA 11:12

Yiemena Ephraim lembechek, koyiemena kootap Israel ng'aalseet: ago pounisyei Judah kora kobooto Kamuktaindet, ak koyanaat eng' Ineendet ne Tiliil.

MATAYO 25:25

ara ki aiywei, ak ki awe auny talendaing'ung' eng' ng'wony. Keero, ee, nam anyun nooto ne neng'ung'.’

POISYONIGAP CHE KIYOKTOI 5:3

Ago ki le Petero, “Anania, kalya si konyi Setani muguleldang'ung' kot iberber Kabuuset ne Tiliil, ak ituuch kebebertap che ki kialdae kooret?

2 THESSALONIKEK 2:9

nyonunennyi konamegei ak poisyetap Setani kobooto kamuget tugul ak kaboorunoik ak kwang'utik che po lembech,

1 TIMOTEO 4:2

eng' chombilisyetap piik che ng'alaali lembech, che ki koigei kabwaatutikwak che ki kibeelee karnet ne peelei piich;

NG'ANG'UTYET 21:8

Ago che iyweisyei, ak che ma iyani, ak che kiwechei, ak rumiik, ak che soksei, ak pooniik, ak che saaei kanamonik, ak kiplembechonik tugul, kotinyei kebebertanywa eng' araraita ne lale maat ak koik che laldos; ne nooto ko meet ne po aeng'.”

NG'ANG'UTYET 22:15

Mi saang' sesenik, ak pooniik, ak che soksei, ak rumiik, ak che saaei kanamonik, ak age tugul ne chamei lembeita ak koyaei.