ISAIAH 56:4 - Bukuit Ne Tilil

⁴ Amu mwaei Kamuktaindet ne Toroor ko uu ni agobo sirorinik che riibei sabatosyekyuk, ak che leweni tuguuk che iboiboa, ak che namei miising' kayomisennyu:

BUKUIT NE TILIIL Sireet ne Dutero Kanon

⁴ Amu mwaei Kamuktaindet ne Toroor ko uu ni agobo sirorinik che riibei sabatosyekyuk, ak che leweni tuguuk che iboiboa, ak che namei miising' kayomisennyu:

BUKUIT NE TILIL

⁴ Amu mwaei Jehovah ko u ni agobo sirorinik che ribei sabatosiekyuk, ak che leweni tuguk che iboiboa, ak che namei mising’ kayomisennyu:

ISAIAH 56:4 ပူးပေါင်းရင်းမြစ်များ

2 SAMUEL 23:5

Tos ma uu nooto iman koonnyu eng' Kamuktaindet? Tos ma ki koyomiswa kayomiset ne po koigeny, ne ki kichop eng' tuguuk tugul ak ko ne lumdaat? Amu nooto ko yetunennyu tugul ak ko magennyu tugul, Agot ngo ma yai kotesak.

TIENWOGIKAL 119:111

Koanam paornatosyeguk koek poroteet ne po koigeny; amu chooto poiboiyetap muguleldanyu.

TIENWOGIKAL 25:10

Chamyet ne tala ortinwek tugul che po Kamuktaindet ne Toroor ak ko po imanit, eng' icheek che riibei kayomisennyi ak paornatosyekyik.

ISAIAH 27:5

Anan konam ineendet kimnateennyu, si koyai kaalyeet kobooto; ee, ingoyai ineendet kaalyeet kobooto.”

ISAIAH 55:3

Oep iit, ak obwanjo, ogas, si kosapcho saboonwekwok: ak kiyomisyige ak okweek kayomiset ne po koigeny, nooto rireenosyek che po iman, che po Daudi.

ISAIAH 56:2

Iberuurot ne yaei chuuto, ak weeriitap chii ne namei chuuto miising' ne riibei sabato ama imurwoni, ne riibei eunnyi si ma yai yaityet age tugul.

ISAIAH 56:6

Amutu kogeny toek che namegei ak Kamuktaindet ne Toroor, si koboisyechi ineendet ak kocham kainetap Kamuktaindet ne Toroor, koek otwogikyik, age tugul ne riibei sabato ne ma imurwoni, ak konamei miising' arorutyennyu;

ISAIAH 58:13

Ngot iiste keeldong'ung' eng' peetuutap sabato, ameyai tuguuk che ichame eng' peetuunnyu ne tiliil; ak ile poiboiyet peetuutap sabato, ne tiliil ne po Kamuktaindet ne Toroor, ne po teegisto; ak igonyit peetuunooto, amesup ortinweguk, anan icheeng' che ichame, anan imwa ng'aleeguk:

JEREMIA 50:5

Teeboti agobo ole teptoi Zion kotokyigei olooto, koleen, Obwa, ak onamge ak Kamuktaindet ne Toroor eng' kayomiset ne po koigeny ne ma kiutye.

LUKA 10:42

ago kiit agenge ne kemachei: amu kagolewen Maria kebeberta ne myee, ne ma kirebe.”

HEBRANIK 6:17

Eng' ng'olyoondonooto ye kingo mach Kamuktaindet miising' koboorchi icheek che nyooru arorutyet ole uu rarennyi ne ma walaksei, konde kayasyoet kwenut:

JOSHUA 24:15

Ago ngot ogeere ko ya oboisyechini Kamuktaindet ne Toroor, olewen rani ne oboisyechini; ngo kanamonik che kiotei kwanisyekwok eng' aineet pitoniin anan kanamonigap Amorik che omenye emennywa; ago aboisyechini anee ak koonnyu Kamuktaindet ne Toroor.”