ISAIAH 54:9 - Bukuit Ne Tilil

⁹ Amu uu niito eng' anee peegap Noa: amu ko uu ye ki ayosye ale ma komarane emet peegap Noa kogeny, kayosye ko uu nooto ale ma nereekyinin kogeny, anan agerin kong'.

BUKUIT NE TILIIL Sireet ne Dutero Kanon

⁹ Amu uu niito eng' anee peegap Noa: amu ko uu ye ki ayosye ale ma komarane emet peegap Noa kogeny, kayosye ko uu nooto ale ma nereekyinin kogeny, anan agerin kong'.

BUKUIT NE TILIL

⁹ Amu u nito eng’ ane beekab Noa: amu ko u ye kiayosie ale ma komarane emet beekab Noa kogeny, kayosie ko u noto ale manerekyinin kogeny, anan agerin kong’.

ISAIAH 54:9 ပူးပေါင်းရင်းမြစ်များ

TAUNET 8:21

Kingo ng'uuchi `Kamuktaindet ne Toroor anyinyindo kobun kaptisiisyo, kotil ineendet eng' muguleldanyi kole, “Ma achube ng'wony kogeny agobo chii amu yaacheen kabwaatutigap muguleldap chii kobooch koming'in. Ma abare tuguuk tugul che saptos kogeny agoi ko uu ye ki ayai.

Kitabuutap JOB 11:16

Iutye nyalildang'ung', ibwaati ko uu peek che ki kosiirto.

TIENWOGIKAL 104:9

Ki inde kiwoteet si ma siir, si ma week kogeny kotuch ng'wony.

ISAIAH 12:1

Eng' peetuunooto imwae ile, “Aweegun kongoi, ee Kamuktaindet ne Toroor; agot nganda ki inereekyo, ko kageisto nereegeguk, ak igoigoa.

ISAIAH 49:18

Ing'eet met ak igeer komoswek tugul: iyumigei chuuto tugul, ak kobwonjin. Mwaei Kamuktaindet ne Toroor kole, ko uu ye asabe, iman, ilaachi tuguuchooto tugul ko uu kiit ne po lelesta, ak igermenegei icheek, ko uu ye kermenigei murereet.

ISAIAH 51:22

Mwaei Kiptaiyandeng'ung' Kamuktaindet ne Toroor, ak ko Kamuktaindeng'ung', ne ng'alaaldochin piikyik, kole, ogeero, kaaip eng' eung'ung' kigombet ne po terteryotet, nooto ko kigombet ne oo ne po nereegekyuk che koroomen. Ma iee agoi.

ISAIAH 51:6

Onyal kipsengwet, ak ogeer ng'wony: amu petos kipsengwet ko uu iyeto, ak ositu ng'wony ko uu ngoryeet, ak pegu ko uu nooto icheek che menyei olooto: ago punjin koigeny yetunennyu, ama kigeesu imandanyu.

ISAIAH 51:8

Amu amei icheek kiptorotyot ko uu ngoryeet, ak koamei icheek kutyet ko uu koroorik: ago punjin koigeny imandanyu, ak kobunjiin ibinwek tugul yetunennyu.

ISAIAH 55:11

uu nooto ng'olyoondennyu ne mang'une kutinnyu: ma weekyinagei puch, ago yaei kosulda kiit ne amache, ak koboorei eng' kiit ne kiayooktochine.

ISAIAH 62:8

Ki koyosyo Kamuktaindet ne Toroor eng' eunnyi ne po tai, ak eng' eutap kimnateennyi, kole, iman, ma agoitoi peeguk koek amitwogigap puuniguk; ama koee toek divaiguk, che ki iyai:

JEREMIA 31:37

Mwaei Kamuktaindet ne Toroor kole, nda kimuuchi kikwa kipsengwet, ak kisyach lumeiywegap ng'wony oriit, aiste anyun agine iyoteet tugul ne po Israel amu tuguuk tugul che ki koyai, mwaei Kamuktaindet ne Toroor.

EZEKIEL 16:42

Ageesu anyun nereegekyuk che ng'woneen eng' inyee, ak koistoenengei ng'etkondanyu, ak asiis, ma anereechi kogeny.

EZEKIEL 39:20

Ak obiyong'dosi eng' mesennyu eng' paraisisyek ak kariisyek che po lugeet, eng' piik che nyigoonen, kobooto piik tugul che po lugeet, mwaei Kiptaiyat Kamuktaindet ne Toroor.

EZEKIEL 39:29

ama aung'e icheek togeennyu kogeny; amu kaaroong'ji Kabuusennyu kootap Israel, mwaei Kiptaiyat Kamuktaindet ne Toroor.