ISAIAH 54:5 - Bukuit Ne Tilil

⁵ Amu Yaindeng'ung' ko manong'otyondeng'ung'; Kamuktaindet ne Toroor ne po lugoosyek kainennyi ak Ineendet ne Tiliil ne po Israel ko katyagindeng'ung'. Kiguure ineendet Kamuktaindetap ng'wony komugul.

BUKUIT NE TILIIL Sireet ne Dutero Kanon

⁵ Amu Yaindeng'ung' ko manong'otyondeng'ung'; Kamuktaindet ne Toroor ne po lugoosyek kainennyi ak Ineendet ne Tiliil ne po Israel ko katyagindeng'ung'. Kiguure ineendet Kamuktaindetap ng'wony komugul.

BUKUIT NE TILIL

⁵ Amu Yaindeng’ung’ ko manong’otiondeng’ung’; Jehovah ne bo lugosiek kainennyi: ak Inendet ne Tilil ne bo Israel ko katiagindeng’ung’; kiguure inendet Kamuktaindetab ng’ony komugul.

ISAIAH 54:5 ပူးပေါင်းရင်းမြစ်များ

Kitabuutap JOB 19:25

Ago angen ale sabei Katyagindennyu, ak tuun tonone ng'wony eng' peetuut ne po let.

ISAIAH 11:9

Ma itoi kiy chii anan kong'emis eng' tulweennyu tugul ne tiliil; amu nyiei ng'wony naetap Kamuktaindet ne Toroor ko uu ye nyiei peek nyanjet.

ISAIAH 43:1

Ago mwaei anyun Kamuktaindet ne Toroor ne kiyain kole ee Jakobo, ak ineendet ne kimimiin, ee Israel: kole, meiywei, amu ki atyachin; ki aguurin eng' kaineng'ung', ii nenyu.

ISAIAH 43:14

Mwaei Kamuktaindet ne Toroor, katyagindeng'wong', Ineendet ne Tiliil ne po Israel, ko uu ni, kole: Ki ayookte ng'olyoot kwo Babilon agobo okweek, ak achooru icheek tugul ko uu che mweoti, chooto po Kaldeik, eng' melisyek che poiboitune.

ISAIAH 45:11

Mwaei Kamuktaindet ne Toroor, Ineendet ne Tiliil ne po Israel, ak ko Yaindennyi, kole, teebena agobo tuguuk che pwoonei; ong'ata agobo weeriikyuk, ak agobo poisyetap eunekyuk.

ISAIAH 48:17

Mwaei ko uu ni Kamuktaindet ne Toroor, katyagindeng'ung', Ineendet ne Tiliil ne po Israel: Aa Kamuktaindet ne Toroor Kamuktaindeng'ung', ne ineetin iboor, ne indoun eng' ooreet ne kanyool ibun.

ISAIAH 48:2

Amu mwaei kole ki po nganaseet ne tiliil, ak kotiegei Kamuktaindetap Israel: kainennyi ko Kamuktaindet ne Toroor ne po lugoosyek.

ISAIAH 51:15

Amu aa Kamuktaindet ne Toroor Kamuktaindeng'ung', ne awase nyanjet, si komoror mildaetapkei ne po peek: kainennyi ko Kamuktaindet ne Toroor ne po lugoosyek.

ISAIAH 54:8

Ki aung'enen togeennyu ne matya eng' nereegek che ing'irtogei; ago ariirenen eng' talasyet ne po koigeny, mwaei Kamuktaindet ne Toroor katyagindeng'ung'.

ISAIAH 6:3

Ak kitwekyi `age age koleenji: “Tiliil, tiliil, tiliil, Kamuktaindet ne Toroor ne po lugoosyek; nyiitaat ng'wony komugul toroornatennyi.”

ISAIAH 65:16

si koek ne iberuuregei eng' ng'wony ne iberuuregei eng' Kamuktaindet ne po iman, ak koek ne iyastos eng' ng'wony ne iyastos eng' Kamuktaindet ne po iman; amu kigeutye nyalilwogik che po tai, amu kigeuny si ma ageere.

JEREMIA 10:16

Ma uu chuuto kebebertap Jakobo; amu po tai ineendet eng' tuguuk tugul. Israel ko pororyetap porotennyi: kainennyi ko Kamuktaindet ne Toroor ne po lugoosyek.”

JEREMIA 3:14

Oweege, okweek lagok che motinye kayaneet, mwaei Kamuktaindet ne Toroor, Amu anee ko aa manong'otyot eng' okweek, amutu chii agenge agenge eng' nganaseet age tugul, ak piik aeng' che po ooreet agenge, ak amutak agoi Zion.

JEREMIA 51:19

Ma uu chuuto kebebertap Jakobo; amu po tai ineendet eng' tuguuk tugul; ak Israel ko pororyetap porotennyi: kainennyi ko Kamuktaindet ne Toroor ne po lugoosyek.

EZEKIEL 16:8

Ak kinga pun ye imi, ageerin, keero, peetuusyeguk ko ki po peetuusyegap chamyet; ak ki atugunen ngoryennyu ak atuch aach ngoryeeng'ung': ee, ki ayosyeun, ak ki koyomiske ak inyee, mwaei Kiptaiyat Kamuktaindet ne Toroor, ak ki ibunjo.

HOSEA 2:16

Iguureno eng' peetuunooto “Manong'otyonnyu,” mwaei Kamuktaindet ne Toroor; ma iguureno Baal.

HOSEA 2:18

Eng' peetuunooto ayae arorutyet agobo icheek kobooto tyong'igap timiin ak toriitigap parak, ak tuguuk che ichuutegei ng'wony. Ak airii kwanget ak rotwetap chok, ak aiste lugeet eng' emet, ak agoochi koruiyo eng' chametapkei.

SEKARIA 14:9

Ak koek Kamuktaindet ne Toroor laitoryatap ng'wony komugul: egu agenge Kamuktaindet ne Toroor eng' peetuunooto, ak koek agenge kainennyi.

MALAKI 1:11

Amu oo kainennyu eng' pororyosyek kobooch ole charunee asiis agoi ole roroktoe; ak kigoitoi eng' komosta age tugul nyamdutik che kibeelei agobo kainennyu, kobooto kagoochinet ne tiliil: amu oo kainennyu eng' pororyosyek, mwaei Kamuktaindet ne Toroor ne po lugoosyek.

LUKA 1:32

Egu ne oo ineendet ak tuun kiguuree Weeriitap Ineendet Ne Toroor Miising'; ak kogoochin `Kiptaiyat Kamuktaindet ng'echereetap laitornatet ne po kwandanyi Daudi:

JOHANA 3:29

Sandet ineendet ne tinyei murereet: ago paibai miising' chorweetap sandet, ne tononi koepchin iit ineendet, amu kutitap sandet: isuldaat anyun poiboiyoninyu.

EPESOEK 5:32

Oo ung'ootyoni: ago ang'alaali agobo Kristo ak kaniset.

JOSHUA 3:11

Ogeero, choorchingei Jordan moingetap arorutyetap Kiptaiyat ne po ng'wony komugul kondoenak kolandoi.

JOSHUA 3:13

Ye tononie keelyegap tisiik che ibei moingetap Kamuktaindet ne Toroor, Kiptaiyatap ng'wony komugul peegap Jordan, kopcheigei ak kotononso peek che punu meto kototen.”

NG'ANG'UTYET 11:15

Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”