ISAIAH 51:15 - Bukuit Ne Tilil

¹⁵ Amu aa Kamuktaindet ne Toroor Kamuktaindeng'ung', ne awase nyanjet, si komoror mildaetapkei ne po peek: kainennyi ko Kamuktaindet ne Toroor ne po lugoosyek.

BUKUIT NE TILIIL Sireet ne Dutero Kanon

¹⁵ Amu aa Kamuktaindet ne Toroor Kamuktaindeng'ung', ne awase nyanjet, si komoror mildaetapkei ne po peek: kainennyi ko Kamuktaindet ne Toroor ne po lugoosyek.

BUKUIT NE TILIL

¹⁵ Amu a Jehovah Kamuktaindeng’ung’, ne awase nyanjet, si komoror mildaetab ge ne bo beek: kainennyi ko Jehovah ne bo lugosiek.

ISAIAH 51:15 ပူးပေါင်းရင်းမြစ်များ

NEEMIA 9:11

Ki ipchei nyanjet eng' tainnywa, si kobun icheek kwenutap nyanjet eng' emet ne yaamaat. Ki itoorchi piik che ki isubu icheek rirosyek, ko uu ye ki wiirchin koita peek che kiimeen.

Kitabuutap JOB 26:12

Wasei nyanjet eng' kamuktaennyi, Toorei Rahab kosore eng' kaguiyennyi.

TIENWOGIKAL 107:25

Amu ng'atei ak kong'eeti kipchurchuryet, ne namjin parak mildaennyi pogei ne po peek.

TIENWOGIKAL 136:13

ineendet ne ki pcheune aeng' Araraita ne Piriir, amu tebyei rireenennyi koigeny;

TIENWOGIKAL 74:13

Ki ipchei inyee nyanjet eng' kimnateng'ung': Ki iri metowegap cheluguinik eng' peek.

KOMONG'U 6:7

Anamok oegu piikyuk, ak aegu Kamuktaindet eng' okweek, si onai ole Aa Kamuktaindet ne Toroor, Kamuktaindeng'wong' ne imoong'wok omang'une otetap Misiriik.

ISAIAH 47:4

Katyagindennyo, kainennyi ko Kamuktaindet ne Toroor ne po lugoosyek, Ineendet ne Tiliil ne po Israel.

ISAIAH 48:2

Amu mwaei kole ki po nganaseet ne tiliil, ak kotiegei Kamuktaindetap Israel: kainennyi ko Kamuktaindet ne Toroor ne po lugoosyek.

ISAIAH 51:10

Tos ma inyee ne ki iteeny nyanjet, peegap rireet ne oo; ne ki iyai rireetap nyanjet koek ooreet ne landoe icheek che ki kityaach?

ISAIAH 54:5

Amu Yaindeng'ung' ko manong'otyondeng'ung'; Kamuktaindet ne Toroor ne po lugoosyek kainennyi ak Ineendet ne Tiliil ne po Israel ko katyagindeng'ung'. Kiguure ineendet Kamuktaindetap ng'wony komugul.

JEREMIA 10:16

Ma uu chuuto kebebertap Jakobo; amu po tai ineendet eng' tuguuk tugul. Israel ko pororyetap porotennyi: kainennyi ko Kamuktaindet ne Toroor ne po lugoosyek.”

JEREMIA 31:35

Mwaei Kamuktaindet ne Toroor, ne koonu asiista koek lapkeiyet peet, ak ng'atuutik che ki king'at agobo arawet ak kecheik si koek lapkeiyet kemoi, ne wasei nyanjet, kot komoror mildaennyi pogei; kainennyi ko Kamuktaindet ne Toroor ne po lugoosyek, mwaei kole:

JEREMIA 51:5

Amu ma kimetoi Israel, anan Judah, ma metoi icheek Kamuktaindennywa, Kamuktaindet ne Toroor ne po lugoosyek; nganda nyiitaat emennywa ng'oogisto ne ki yachi Ineendet ne Tiliil ne po Israel.

ATEPTAP LAWIK 11:44

Amu aa Kamuktaindet ne Toroor Kamuktaindeng'wong', otabaangei anyun ak oegu che tiliileen amu aa tiliil. Amomurwongei eng' kiy age tugul ne ichuutegei ng'wony.