ISAIAH 50:2 - Bukuit Ne Tilil

² Kilya si ma piit chii ye ki anyoone? Kinga kuurse koma piit chii ne wolu? Tos kigonwagit eunnyu kot koma imuuch kotyach? Anan ma tinyei kamuget ne asaruunee? Keero, ateenyi nyanjet eng' kergong'yennyu, ayae ainoosyek koek surkwen: poldos njireenikwak, ak kobek eng' melelda, amu ma mi peek.

BUKUIT NE TILIIL Sireet ne Dutero Kanon

² Kilya si ma piit chii ye ki anyoone? Kinga kuurse koma piit chii ne wolu? Tos kigonwagit eunnyu kot koma imuuch kotyach? Anan ma tinyei kamuget ne asaruunee? Keero, ateenyi nyanjet eng' kergong'yennyu, ayae ainoosyek koek surkwen: poldos njireenikwak, ak kobek eng' melelda, amu ma mi peek.

BUKUIT NE TILIL

² Kilya si mabiit chi ye kianyone? Kingaguurse ko ma biit chi ne wolu? Tos kigonwagit eunnyu kot ko maimuch kotiach? Anan matinyei kamuget ne asorune? Keero, atenyi nyanjet eng’ kergong’iennyu, ayae ainosiek koek ong’atet: boldos njirenikwak, ak kobek eng’ melelda, amu mami beek.

ISAIAH 50:2 ပူးပေါင်းရင်းမြစ်များ

TAUNET 18:14

Tos mi kiy age tugul ne temenee Kamuktaindet ne Toroor? Aweekyiningei peetuusyek che uu chu eng' kenyiit ne nyoonei, eng' peetuut ne kaachop, ak sichei `Sarah weeriit.”

2 ATEPTAP PEETUUSYEK 32:15

Nooto anyun among' koberberak Hezekiah anan kogaigaak eng' oor ne uu ni. Matoyan ineendet amu ma mi kamuktain ne po poror age tugul, anan laitornatet age tugul ne ki imuuch kosar piikyik eng' eunnyu anan eng' eunegap kwanisyekyuk. Tos imuktoi ano anyun kamuktaindeng'wong' kosarwok eng' eunnyu?”

TIENWOGIKAL 106:9

Ki kergong' Araraita ne Piriir agine, ak ki yaam; ki indochi anyun kobun rirosyek, ko uu ye punei surkwen.

TIENWOGIKAL 107:33

Walei ainoosyek koek surkwen, ak kong'igap peek koek emet ne yaamaat.

KOMONG'U 14:21

Ki chuul Musa eunnyi kotokyi nyanjet ak ki iyook Kamuktaindet usoonet ne punu kong'asiis kous kemout komugul koobeesyo peek si kobiit emet ne yaamaat; ak kipcheigei peek.

KOMONG'U 14:29

Ago ki pun piigap Israel ng'wonyut ne yaamaat eng' kwenutap nyanjet ko katoten peek eng' komosi ak komosi.

KOMONG'U 7:18

Pegu njireenik che mi aineet, ak kobul aineet, ak kowech Misiriik koe peek che punu aineet.’ ”

KOMONG'U 7:21

Ki pek njireenik che ki mi aineet ak kibul aineet kot ko mata komuuch Misiriik koe peegap aineet, ak ki piit korotiik eng' emet tugul ne po Misiri.

KALEWANAIK 1:24

Amu ki aguurse, ago ki oeesye, ki aiite eunnyu, ago ma iit chii.

ISAIAH 11:15

Ak kong'em Kamuktaindet ne Toroor kowong' ng'elyeptap nyanjetap Misiri; ak kotwaitwai eunnyi kotokyi aineet eng' usoonennyi ne peelsei, ak kobir kobiitune ainoosyek tisabu, ak kogoochi piik kolanda kolaagoti kweonik.

ISAIAH 19:5

Ak koteenyo peek eng' nyanjet, ak koteeny aineet ak koyaam.

ISAIAH 23:11

Kigotokyi eunnyi nyanjet, ki kotumdum pounatosyegap laitorinik. Kigon Kamuktaindet ne Toroor ng'atuutyet agobo Kanaan, kole, keng'em irimoikyik.

ISAIAH 36:20

Ng'oo eng' kamuktaik tugul che po emotinwechu che ki kosar emennywa eng' eunnyu, kot kosar `Kamuktaindet ne Toroor Jerusalem eng' eunnyu?

ISAIAH 41:28

Ak ye ageer, koma mi chii; ma mi kirwoogindet agot eng' kwenunnywa, ne ye ateebee icheek, komuuchi kowol ng'olyoo.

ISAIAH 42:15

Ang'eme tuloonook ak tuloonook che mengeechen, ak ayaam sogekwak tugul; ak awal ainoosyek koek ngeguusyek, ak ateeny tamboinik.

ISAIAH 43:16

Mwaei Kamuktaindet ne Toroor, ne yaei ooreet eng' nyanjet, ak ooreet eng' peek che kiimeen;

ISAIAH 44:27

ne mwachin rireet koleenjin, Yaam, ak ateenyi ainoosyeguk:

ISAIAH 51:10

Tos ma inyee ne ki iteeny nyanjet, peegap rireet ne oo; ne ki iyai rireetap nyanjet koek ooreet ne landoe icheek che ki kityaach?

ISAIAH 54:6

Amu kigoguurin Kamuktaindet ne Toroor ko uu osotyot ne kigebagaakta, ne ki kigoochi koaragen eng' muguleldanyi, osotyot neta ko ming'in, ye kagion, mwaei Kamuktaindeng'ung'.

ISAIAH 59:1

Ogeero, ma nwach eutap Kamuktaindet ne Toroor, kot koma imuuch kosar; ama nyigiis itinnyi, kot koma imuuch kogas:

ISAIAH 59:16

Ak ki keer kole ma mi chii age tugul, ak ki kwong' amu ki ma komi ne sachin age: ki ipchigei anyun yetunet eng' eunnyi; ak kiti imandanyi ineendet.

ISAIAH 63:13

ne ki indochi icheek kobun rireet, ko uu paraisiit eng' surkwen, si ma kinach?

ISAIAH 64:6

Amu ki kiige tugul chii ne po simdo, ak uu imandanyo tugul ngoryeet ne murwoon: ak kirestosi acheek tugul ko uu sogoot; ak onech yaitwogikyok ko uu ye onsei usoonet.

ISAIAH 65:12

aityinok anyun rotwetap chok, ak ong'uruukyini tugul parisyet: amu kinga kuurse, koma kowolu; kinga ng'alaal, koma ogas; ago ki oyai yaityet eng' tainnyu, ak ki olewen ne ma paibaitune.

ISAIAH 66:4

alewenjini anyun kaberberisyosyekwak, ak aipchi icheek kaiyweisyosyekwak; amu kinga kuurse, koma wol chii; ye kinga ng'alaal, koma kas icheek: ago ki yai tuguuk che yaach eng' tainnyu, ak kolewen tuguuk che ma abaibaitune.

JEREMIA 14:9

Amu nee si iige chii ne kakwong', kalya iige chii ne kiim, ne ma imuuch kosaruunis? Ago inyee, ee Kamuktaindet ne Toroor, imi kwenunnyo ak kimwaitaenech kaineng'ung'; amemetech.

JEREMIA 35:14

Kagosulda ng'aleegap Jonadab weeriitap Regap, che ki ng'at weeriikyik koleenji amoee divaik, ak tomo koe icheek agoi peetuuni, amu kase iit ng'atuutyetap kwandanywa: ago ki ang'alaalwok, ang'eete karon miising' ak ang'alaali, ago ma oepcha iit.

JEREMIA 35:15

Ak ki ayookwok kogeny otwogikyuk tugul che maotik, ang'eete karon miising' ak ayoogu icheek, amwae ale, Oweege anyun chii age tugul eng' ooreennyi ne ya, ak olitit poisyonikwok, amosup kamuktaik che teer oot icheek, si omeny emet ne ki agoonok kobooto kwanisyekwok: ago ma oep iit, anan ogasa iit.

JEREMIA 5:1

Orwaate ortinwegap Jerusalem si ogeer ak onai, ocheeng' eng' komoswekyik che paraen, ngot omuuchi onyooru chii agenge, ne yaei imanda ak ne cheeng'ei imanit, si ngot komi, anyochi kaat nganasanooto.

JEREMIA 7:13

Ara anyun, amu ki oyai poisyonichuuto tugul, mwaei Kamuktaindet ne Toroor, ak ki ang'alaalwok, ang'eete karon miising' ak ang'alaali, ago ma ogas, ak ki aguurok, ago ma owolu,

JEREMIA 7:27

Ara anyun mwachi icheek ng'aleechuuto tugul. Ago ma kasin. Iguure icheek kogeny, ago mawolun.

JEREMIA 8:6

Ki aep iit agas, ago ma ng'alaal icheek che po iman. Ma mi chii ne sigu eng' yaityennyi, kole, ‘Koyai nee? Isubi chii tugul ooreennyi, ko uu paraisiit ye labati kochutei lugeet.

DANIEL 3:15

Ngot ochoboge anyun eng' sait ne kogas cheetap igoondit, ndurerut, ketubet, chepkesemit, kibugandet ak ndurerut ne oo, kobooto tyenwogik alak tugul, obutyi ng'wony ak olasu kanamwet ne koayai, komyeeitu. Ago ngot ko molasu, kewiirchinok maat ne oo ne lalei miising' eng' sainooto. Ng'oo kamuktain ne tos sarwok eng' eunnyu?”

DANIEL 3:29

Kang'at ng'atuutyet anyun ale kitonatoni piik alak tugul, pororyet age tugul, ak piigap kutit age tugul, che mwaei kiy age tugul ne ya agobo Kamuktaindetap Shadrak, Meshak ak Abed-nego, ak keyai kooriikwak koek kapng'atat; amu ma mi kamuktain ne imuuchi kosar chii ko uu ni.

DANIEL 6:20

Kingo riikta anyun keriinget ole mi Daniel, kowaach laitoryat eng' arageneet kole “Ee Daniel, otwogindetap Kamuktaindet ne sabei, tos imuuchi Kamuktaindeng'ung' ne iote kotugul kosarun eng' ng'etuunyik?”

DANIEL 6:27

Ityachi ak kosaru, yaei kaboorunoik ak kwang'utik eng' kipsengwet ak ng'wony; ineendet ne kogosar Daniel eng' kimnateetap ng'etuunyik.”

HOSEA 11:2

Kinga testai aguur icheek, ko testai koistoenagei; ki eng'ji Baalik, ak kobeelji nyamdutik kanamonik che ki kiwai.

HOSEA 11:7

Kagobegechi piikyuk kochuchuigei kometaa: agot ngo kuurso icheek koguurchi icheek ineendet ne mi parak, koma piitu ne itoroori ineendet.

NAHUM 1:4

Kere kong' nyanjet ak kogoochin koyaam, ak igoochin koteeny ainoosyek tugul; nyaluli Bashan ak Karmel, ak kores taapteetap Lebanon.

HABAKUK 3:8

Tos ki nereekyi Kamuktaindet ne Toroor ainoosyek? Tos ki nyo nereeknateng'ung' agobo ainoosyek, anan agobo nyanjet, kot ilaany paraisisyeguk, ak ilaany karisyeguk che po lugeet che po yetunet?

KAITOSYEK 11:23

Ki leenji `Kamuktaindet ne Toroor Musa, “Tos nwach eutap Kamuktaindet ne Toroor? Igeere nguno ingosuldoi anan ngo mesuldoi ng'olyoondennyu agobo inyee.”

MARIKO 4:39

Kingo kaging'eet, koger kong' usoonet, ak kong'alaalji araraita kole, “Tonon! Siis!” Ki tonon anyun usoonet, ak kosiis araraita.

JOHANA 1:11

Ki nyoonji chechiik, ak ki ma taach ineendet `piikyik.

JOHANA 3:19

Ak ni kirwooget, amu ki nyoonji ng'wony lapkeiyet, ak ki cham piik mesundeito kosiir lapkeiyet; amu ki yaach poisyonikwak.

JOSHUA 3:16

kotononso anyun peek che punu meto koba parak. Kitoten eng' ole loo eng' Adam, nganaseet ne neegitee Zarethan, ko peek che kichoortagei kobendi araraitap Arabah, nooto po Munyuk, ko ki igestagei. Ki ilanda anyun piik kolong'ji ole tokyingei Jeriko.