ISAIAH 49:9 - Bukuit Ne Tilil

⁹ koleenjin icheek che ratotiin, Omande; ak koleenjin che mi mesundeito, Obartegei. Amisyoti eng' ortinwek, ak egu komoswek che torooreen ole churat, ole ki agete.

BUKUIT NE TILIIL Sireet ne Dutero Kanon

⁹ koleenjin icheek che ratotiin, Omande; ak koleenjin che mi mesundeito, Obartegei. Amisyoti eng' ortinwek, ak egu komoswek che torooreen ole churat, ole ki agete.

BUKUIT NE TILIL

⁹ kolenjin ichek che ratotin, Omande; ak kolenjin che mi mesundeito, Obartege. Amisioti eng’ ortinwek, ak egu komoswek che tororen ole churat, ole kiagete.

ISAIAH 49:9 ပူးပေါင်းရင်းမြစ်များ

TIENWOGIKAL 102:20

si kogas tigenetap kimonjororyot; si kotyach icheek che kigechopchi meet;

TIENWOGIKAL 146:7

ne irwooksechinechin che kiusei: ne igoochin amitwogik che amei rubeet. Ityachi Kamuktaindet ne Toroor che ratotiin;

TIENWOGIKAL 22:26

Amisyei che talaen ak kobiyong'so; ilasu Kamuktaindet ne Toroor che cheeng'ei ineendet. Ingosapcho mugulelwekwok koigeny!

TIENWOGIKAL 69:33

Amu kasei Kamuktaindet ne Toroor che ponondos, Ak masasei kimonjororinikyik.

ISAIAH 41:18

Ayaate ainoosyek eng' komoswek che torooreen ole churat, ak ayaat kondametusyegap peek eng' kwenutap atebwosyek: ayae surkwen koek tamboiyot, ak emet ne yaamaat kobiitune kong'igap peek.

ISAIAH 42:16

Ak amutune kipkoratinik ooreet ne ma naei; andochini eng' ortinwek che ma naei: awale mesundeito koek lapkeiyet eng' tainnywa, ak alitit komoswek che kunuuren. Ayae tuguuchuuto, amabagaaktoi.

ISAIAH 42:7

iyat koonyek che koryotiin, imoong'u kimonjororinik eng' korgoreet, imoong'u che tebee mesundeito.

ISAIAH 48:17

Mwaei ko uu ni Kamuktaindet ne Toroor, katyagindeng'ung', Ineendet ne Tiliil ne po Israel: Aa Kamuktaindet ne Toroor Kamuktaindeng'ung', ne ineetin iboor, ne indoun eng' ooreet ne kanyool ibun.

ISAIAH 5:17

Yeityo koagetyo aaregap kechir ko uu eng' ole cham koagete, ak koam toek ole ki kometo che akwaen.

ISAIAH 61:1

Mi kobooto Kabuuset ne Tiliil ne po Kiptaiyat Kamuktaindet ne Toroor; amu ki ila Kamuktaindet ne Toroor si kobiit aamji logoiywek che myach che nyerootiin; ki koyookta anyaa che ilyotiin mugulelwek, si kobiit aamji luulenik katyaget, ak kityaach che ratotiin.

ISAIAH 65:13

Mwaei anyun Kiptaiyat Kamuktaindet ne Toroor kole, ogeero, tuun amisyei otwogikyuk, ago amok rubeet: ogeero, tuun eeisei otwogikyuk, ago amok melel: ogeero, tuun paibaitu otwogikyuk, ago olilandosi:

ISAIAH 9:2

Piik che kibendote mesundeito ko kogogeer lapkeiyet ne oo; icheek che ki menyei emetap urwetap meet ko nguno kogoluuchi lapkeiyet.

EZEKIEL 34:23

Ak ande mestowot agenge koyaga icheek, ak kobai icheek, nooto ko otwogindennyu Daudi; paei ineendet icheek, ak koek mestowonnywa.

EZEKIEL 34:29

Ak achopchi icheek mbareet ne tagunoot, ama kobarei rubeet icheek eng' emet, ama koiboti kalilanet ne punu pororyosyek.

JOEL 3:18

Ak saune peetuunooto divaik che anyiny tuloonook, ak rootune cheego tuloonook che mengeechen, ak koroot peek che chaang' eng' kereruusyek tugul che po Judah; ak komong' kondametutap peek eng' kootap Kamuktaindet ne Toroor, ak koobis atebweetap Shitim.

ATEPTAP LAWIK 25:54

Ago ngo ma kityaach chiichooto eng' ortinwechooto, komanda anyun kwo eng' kenyiitap jubilii, ineendet kobooto lagokyik.

MIKAH 5:4

Ak kotonon kobai akweennyi eng' kimnateetap Kamuktaindet ne Toroor, eng' telunatetap kainetap Kamuktaindet ne Toroor Kamuktaindennyi: ak kotebi; amu eetu kobooch nguno agoi ole poochin ng'wony.

LUKA 1:79

si koluuchi icheeget che tebyei eng' mesundeito ak che mi urwetap meet; si kondochi keelyekyok kot koit ooreetap kaalyeet.”

LUKA 2:32

lapkeiyet ne po ng'ang'utyet ne king'aang'jin Pororyosyek, ak toroornatetap piiguk Israel.”

LUKA 4:18

Mi Kabuusetap Kiptaiyat kobooto, Ami ki ila si kobiit aamji kibananook logoiywek che myach: Ki iyookwo si kobiit aamji luulenik katyaget, Asi kobiit kogeerto kipkoratinik, Ak atyach che ki kiguoten.

JOHANA 10:9

Aa kurgeet: ngwo chii age tugul ko ne puna anee, kesaru, ak kwo ko, ak komanda saang', ak konyoor ole kiyage.

JOHANA 8:12

Ki mwachi Jeso anyun icheek kogeny, koleenji, “Aa lapkeiyet ne po ng'wony: ineendet ne isuba ko ma wendoti eng' mesundeito, ago nyooru lapkeiyetap saboondo.”

POISYONIGAP CHE KIYOKTOI 26:18

si kobiit ing'aany konyekwak, ak koweek eng' mesundeito kobwonji lapkeiyet, ak eng' kimnateetap Setani kobwonji Kamuktaindet, si konyoor icheek nyoetap kaat ne po tengekwogik ak poroteet eng' icheek che ki kitiliil amu kayaneet ne mi eng' anee.

EPESOEK 5:14

Nooto anyun, mwaei ineendet kole, “Kosu, inyee ne irue, ak ing'eet eng' che ki kobek, ak kokwenyin Kristo.”

EPESOEK 5:8

amu ki oo mesundeito eng' peetuusyek alak, ago oo lapkeiyet nguno eng' Kiptaiyat: obendate ko uu lagogap lapkeiyet

NG'ATUTIK 32:13

Ki igoochi kolaany oldinwek che sutotin che po ng'wony; ki am ruroteetap mbareet. Ki igoochi kochuchun kumyat eng' rwandet, kobooto mwanik eng' rwandet ne uui.

KOLOSAIK 1:13

ne kisarwech kemang'une kimnateetap mesundeito, ak kouutech keebe laitornatetap Weeriit ne po chamyennyi;

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.