ISAIAH 47:8 - Bukuit Ne Tilil

⁸ Kas niito anyun, inyee ne ichame ureryosyek, ne imeng'iisyei, ameiiti kiy, ne imwae eng' muguleldang'ung' ile, Aneendet, ama mi age kobatena; matebye ko uu kwony ne ki kosiirtoe manong'otyot, ama pegunena lagok:

BUKUIT NE TILIIL Sireet ne Dutero Kanon

⁸ Kas niito anyun, inyee ne ichame ureryosyek, ne imeng'iisyei, ameiiti kiy, ne imwae eng' muguleldang'ung' ile, Aneendet, ama mi age kobatena; matebye ko uu kwony ne ki kosiirtoe manong'otyot, ama pegunena lagok:

BUKUIT NE TILIL

⁸ Kas nito anyun, inye ne ichame ureriosiek, ne imeng’isiei, ameiiti kiy, ne imwae eng’ muguleldang’ung’ ile, Anendet, ama mi age kobatena; matebye ko u mosok, ama begunena lagok:

ISAIAH 47:8 ပူးပေါင်းရင်းမြစ်များ

ISAIAH 14:14

Atogostoi asiir poolik; aigeitu Ineendet Ne Toroor Miising'.”

ISAIAH 32:11

Obotanse okweek kwonyiik che omuunyi; onyalilye, okweek che moriibegei; oreegu ngoroik, ak otebi aach ngor, ak ogermenegei kuniok.

ISAIAH 32:9

Ong'eetyee okweek kwonyiik che omuunyi, ogas kutinnyu; oepchi iit ng'aleekyuk okweek tiibiik che moriibegei.

ISAIAH 45:18

Amu mwaei Kamuktaindet ne Toroor ne ki toi koyai kipsengwet kole, Ineendet ko Kamuktaindet ne kimimii ng'wony ak koyai; ki igimit, ki ma yai koek puch, ki yai si kobiit kemeny: aa Kamuktaindet ne Toroor; ama mi age.

ISAIAH 45:5

Aa Kamuktaindet ne Toroor, ama mi age; ma mi Kamuktaindet age kobatena: agermenin, nganda tomo inaa:

ISAIAH 45:6

si kobiit konai icheek kobooch ko kachor asiis, ak kobooch cherongo, kole ma mi age kobatena: aa Kamuktaindet ne Toroor, ama mi age.

ISAIAH 47:10

Amu ki imang'u sogornateng'ung'; ki ile, Ma mi chii ne keera; ki komaasin utaatyeng'ung' ak naeng'ung': ak ki imwa eng' muguleldang'ung' ile, Aneendet, ma mi age kobatena.

JEREMIA 49:31

Ong'eetyee, otogoste ole mi pororyet ne tinyei kaalyeet, ne meng'iisyei ama kereri met, mwaei Kamuktaindet ne Toroor: ne ma tinyei ormariichok anan temeleiywek, che menyei icheegei.

JEREMIA 50:11

Amu ogasigei, amu oboiboi, ee okweek che opookyini porotennyu, amu ourerendosi ko uu rooryat ne tyechei peek, ak oteei ko uu paraisisyek che kiimeen;

JEREMIA 51:53

Agot nda togosta Babilon agoi kipsengwet, ak agot nda ng'oot toroorindap kimnateennyi, ko ui tugul kobunnywa piik che luulei ineendet, mwaei Kamuktaindet ne Toroor.

EZEKIEL 16:49

Keero, kimii tengektap chepkameng'ung' Sodom; ki tinyei ineendet ak tiibiikyik menoteet, piyeng'do, ak poroteetap talbisto; ama igimit eunegap kibananook ak che ma tinyei kiy.

EZEKIEL 28:2

Ee, weeriitap chii, mwachi pounindetap Tyro, ileenji, mwaei Kiptaiyat Kamuktaindet ne Toroor kole: Amu kiitoroorge eng' muguleldang'ung', ak imwa ile, Aa kamuktain, atebee ng'echereetap Kamuktaindet, eng' kwenutap nyanjosyek; ago ii chiito, ma ii Kamuktaindet, agot nganda ki iyaige eng' muguleldang'ung' iige Kamuktaindet:

EZEKIEL 30:9

Pendi eng' peetuunooto eng' tainnyu piik che kiyooktoi eng' melisyek koba komu Ethiopik che leen tebyei eng' kaalyeet; ak koityi icheek ng'wanindo, ko uu eng' peetuutap Misiri; ogeero, amu nyoonei peetuunooto.

DANIEL 11:36

Ak koyai laitoryat ko uu ye machei. Itorooregei ak koeetegei kosiir kamuktain age tugul, ak komwa tuguuk che kikwong'ee agobo Kamuktaindet ne pou kamuktaik. Nyooru ineendet poroteet kot kosulda nereegek, amu agoi keyaei nooto ki keng'at.

DANIEL 4:22

Inyee nooto, ee laitoryat, ne koieetu ak igimiitu. Kogotesak etunateng'ung' ak koitei kipsengwet, ak koitei ole poochin ng'wony pounateng'ung'.

DANIEL 4:27

Nooto anyun, ee laitoryat, ingochamak kirwoogennyu eng' inyee, ak itabaanegei tengekwogiguk ye iyae imanda, ak itabaanegei yaitwogiguk ye iriiree kibananook; si kotesak kalyeng'ung'.

DANIEL 4:30

kong'alaal laitoryat kole, “Tos ma Babilon ne oo ni, ne ki ateech koek ole menyei laitoryat, eng' kamugetap kimnateennyu ak agobo toroornatetap eutunatennyu?”

DANIEL 4:4

Ki amunyi anee Nebukadnezar eng' koonnyu, ak atalbisi eng' koonnyu ne po laitornatet.

DANIEL 5:23

Ago ki ietkei obelgei ak Kiptaiyat ne po kipsengwet; ak kogeip tereenigap koonnyi kobwa taing'ung', ak kooee divaik, inyee ak kiptainiguk, osotiguk ak chebaigeiniguk; ak koilasu kanamonigap fedha, ak che po thahabu, che po sugunwet, che po kariik, che po keetiik, ak che po koik, che ma keertoi, ama kastoi, amaingen kiy. Ama itoroor Kamuktaindet ne tinyei kabuseng'ung' eng' eunnyi, ak chechiik ortinweguk tugul.

DANIEL 5:30

Ki kibar kemounooto Belshazzar, laitoryatap Kaldeik.

NAHUM 1:10

Nganda uu icheek katook che king'walgei, ak ko uu che pogitos eng' eeisennywa, kebeelei kogeskei ko uu mobeek che yamyotiin.

NAHUM 3:4

Amu chaang'indap kugoinatosyek che po chepkugoniot ne karaaran, kwondo ne pou ponisyosyek, ne aldoi pororyosyek eng' kugoinatosyekyik, ak koaldoi piik eng' ponisyosyekyik.

HABAKUK 1:7

Imuisei icheek, ak kiywei: mang'une icheeget kirwoogennywa ak toroorindanywa.

SEPANIA 2:15

Ni nganaseet ne paibai ne ma iiti kiy, ne ki mwa eng' muguleldanyi kole anee kityo, ma mi age kobatena: kagoek karaatya ne tya, ole ruitos tyong'igap timiin! Reenyei ineendet age tugul ne siirtoi, ak kong'wereri.

2 THESSALONIKEK 2:4

ineendet ne kirindoi ak kotorooregei kogirindoi tugul che kiguure Kamuktaindet anan che kilasu; si kotep anyun eng' hekaluutap Kamuktaindet, koboorugei ineendet ko uu ne Kamuktaindet.

KIRUOGIK 18:27

Ki ip tuguuchooto kiyaei Mikah, ak komut tisiindet ne ki tinyei ak ki pa koit Lais, agoi ole mi piik che kisistos ak kotebyei eng' kaalyeet, ak ki par eng' rotwetap chok, ak ki peel nganaseet.

KIRUOGIK 18:7

Ki pa anyun pichooto muutu, agoi koit Lais. Ki keer piik che ki mi yooto, kole meng'iisyei eng' kaalyeet, ko uu piteetap Sidonik, kosistos ak kotebyei eng' kaalyeet. Amu ki ma komi chii eng' emet ne ki nenyi pounateet, ne ki imuuchi koger kong' eng' kiy tugul, ak ki looen eng' Sidonik ak ki ma koting'egei kiy ak chii age tugul.