ISAIAH 31:1 - Bukuit Ne Tilil

¹ Pwo eng' icheek che choorchingei Misiri kocheeng'ei toreteet, ak kotiegei paraisisyek; ak komang'u kariisyek, amu chaang', ak komang'u piik che ketei paraisisyek amu kiimeen kot; ago ma inyali Ineendet ne Tiliil ne po Israel, ama cheeng'ei Kamuktaindet ne Toroor!

BUKUIT NE TILIIL Sireet ne Dutero Kanon

¹ Pwo eng' icheek che choorchingei Misiri kocheeng'ei toreteet, ak kotiegei paraisisyek; ak komang'u kariisyek, amu chaang', ak komang'u piik che ketei paraisisyek amu kiimeen kot; ago ma inyali Ineendet ne Tiliil ne po Israel, ama cheeng'ei Kamuktaindet ne Toroor!

BUKUIT NE TILIL

¹ Bwa eng’ ichek che chorjingei Misri kocheng’ei toretet, ak kotiiegei mbartanyisiek; ak komang’u karisiek, amu chang’, ak komang’u bik che lanyei mbartanyisiek, amu kimen kot; ago mainyali Inendet ne Tilil ne bo Israel, ama cheng’ei Jehovah!

ISAIAH 31:1 ပူးပေါင်းရင်းမြစ်များ

TAUNET 47:17

Kigetyi anyun `icheek Joseph tuukwak; ak ki igoochi Joseph amitwogik che ki ale paraisisyek, akwotisyek, tuuga ak sigiroik. Kibae kenyinooto amitwogik che ki ale tuukwak tugul.

2 ATEPTAP PEETUUSYEK 16:7

Ki nyo eng' peetuusyechooto Hanani keerindet ole mi Asa laitoryatap Judah, ak koleenji, “Amu koitiegei laitoryatap Syria, ma itiegei Kamuktaindet ne Toroor Kamuktaindeng'ung', ko kachililso anyun lugeetap laitoryatap Syria eng' eung'ung' amu nooto.

2 ATEPTAP PEETUUSYEK 16:9

Amu pendoti konyegap Kamuktaindet ne Toroor eng' ng'wony komugul, koboortogei kole kiim agobo icheeget che ititaatiin mugulelwekwak eng' tainnyi. Koiyai kioto eng' perberyo; amu kobooch nguno ko kenyooru lugoosyek agoi.”

Kitabuutap JOB 39:11

Tos imang'u ineendet, amu oo kimnateennyi? Anan tos ibagakyi poisyeng'ung'?

TIENWOGIKAL 20:7

Imang'u alak kariisyegap lugeet ak alak paraisisyek; ago kibwaati acheek kainetap Kamuktaindet ne Toroor, Kamuktaindennyo.

ISAIAH 10:17

Ak koek maat lapkeiyetap Israel, ak koek nenyi Ne Tiliil liplibenetap maat, ak kobeel kowong' katookyik che rutei piich ak che toorei piich peetuunak.

ISAIAH 2:7

Nyiitaat emennywa kogeny fedha ak thahabu, ama mi ole igeesunegei konoraikwak. Nyiitaat emennywa kogeny paraisisyek, ama mi ole igeesunegei kariisyekwak.

ISAIAH 20:5

Koaragenso ak kolilaanso icheek, amu ki imang'u Kush, ak kitoroornatennywa Misiri.

ISAIAH 22:11

Ki obal keriingetap peek eng' kwenutap irimoik aeng', si korootyi peegap tamboiyot ne po keny. Ago ma ogeer ineendet ne kiyaei niito, amoiit ole kiy ineendet ne kiyaei niito keny.

ISAIAH 30:16

ak ki omwa ole, “Achicha! Ki mwee paraisisyek;” ko uu nooto omweei anyun; ak ki ole, “Kilaanye che chepchep;” chepchebitu anyun ak icheek che onok.

ISAIAH 36:6

Keero, imang'u kirokto ne po tegandani kigeiri, nooto ko Misiri; ne ngot kotiegei chii, kotoorei eunnyi: uu nooto Pharaoh laitoryatap Misiri eng' tugul che imang'u ineendet.

ISAIAH 36:9

Imuktoi ano anyun igirinde kiptaiyat agenge eng' otwogik che mengeechen che po kiptaiyandennyu, ak imang'u Misiri amu kariisyek ak piik che ketei paraisisyek?

ISAIAH 43:15

Aa Kamuktaindet ne Toroor, neng'wong' Ne Tiliil, Yaindetap Israel, Laitoryandeng'wong'.

ISAIAH 5:12

Mi eng' igoorwekwak ketubet ak kibugandet, sugutit ne ming'in ak ndurerut, ak maiyek. Ago ma iiti icheek poisyetap Kamuktaindet ne Toroor anan kobwaat poisyonigap eunekyik.

ISAIAH 57:9

Ak ki iwe kaplaitoryat iibe mwanik, ak ites nyamdutiguk, ki iyookte piiguk che tononun koba ole loo, ak ki iteweergei agoi ye mi che ki kobek.

ISAIAH 64:7

Ama mi ne kuurei kaineng'ung', ne igiilegei si kobiit konamin: amu ki iung'enech togeng'ung', ak ki igeswech amu tengekwogikyok.

ISAIAH 9:12

Ing'eeti piigap Syria eng' tai, ak Philistiik eng' let; ak koam Israel eng' kutit ne iseng'eng'at. Nganda uu nooto, koma istogei nereegekyik, ago ta ko chuulaat eunnyi kora.

ISAIAH 9:13

Nganda uu nooto koma weekyigei `piik ineendet ne kibir icheek, ama cheeng' Kamuktaindet ne Toroor ne po lugoosyek.

JEREMIA 17:5

Mwaei Kamuktaindet ne Toroor kole: Chuboot chii ne imang'u kipkosabei, ak kotiegei kipkosabei, ineendet ne istoegei muguleldanyi Kamuktaindet ne Toroor.

JEREMIA 2:13

Ki koyai piikyuk yaitwogik aeng': ki kometo anee ne aa kondametutap peek che saptos, ak kobaljigei keriingonik, keriingonik che ki koterogis, che ma imuuchi kotebee peek.

JEREMIA 37:7

Mwaei Kamuktaindet ne Toroor, Kamuktaindetap Israel, kole: Omwachi ko uu ni laitoryatap Judah, ne kaiyokwok obwa oteepsena, oleenji: Keero, lugeetap Pharaoh, ne kanyo kotoretin, koweeksei kobendi Misiri emennywa.

JEREMIA 42:14

omwae oleen, Achicha; kibendi emetap Misiri, ole ma kigeere lugeet, ama kigase iryageet, ama amech rubeet; ak kemeny olooto:

EZEKIEL 17:15

Ago ki ingelelji ineendet amu ki iyookto tononjinikyik koba Misiri, si kobiit kogoochi ineendet paraisisyek ak piik che chaang'. Tos kiberuuri? Tos chilil ineendet ne yaei tuguuk che uu chooto? Tos put kayomiset, ak kochilil?

EZEKIEL 29:16

Ama koegu kogeny ne kimang'u eng' kootap Israel, ne koonu kibwaat tengekto, ye kuskong' kogeer icheek: si konai kole aa Kiptaiyat Kamuktaindet ne Toroor.

DANIEL 9:13

Kanyonjech yaityoni tugul ko uu ye siraat eng' ng'atuutigap Musa. Tom kesoom chametap Kamuktaindet ne Toroor, Kamuktaindennyo, si kobiit kemete tengekwogikyok ak kenai ole teptoi imandang'ung'.

HOSEA 11:5

Ma weekyingei ineendet emetap Misiri; ago egu `Assyrianindet laitoryandennyi, amu ki eesyo icheek koweigei.

HOSEA 11:9

Ma yae koroomnatetap nereegekyuk, ma weeksei ang'eme Ephraim: amu aa Kamuktaindet, ma aa chii; Ineendet ne Tiliil ne mi kwenung'ung': machute nganaseet.

HOSEA 14:3

Ma sarwech Ashur; ma kilaanye paraisisyek: ama keleenjini kogeny poisyonigap eunekyok, Oo kamuktaikyok: amu nyoorunenen rireenet icheek che ma tinyei kwanisyek.

HOSEA 7:7

Peelei piich icheek tugul ko uu kapkoima ak koamei kirwoogikwak; ki kobutyo laitorinikwak tugul: ma mi eng' icheek ne kuura.

HABAKUK 1:12

Tos, me po koigeny, inyee, ee Kamuktaindet ne Toroor Kamuktaindennyu, Ineendet ne Tiliil ne nenyu? Ma kibegu. Ee Kamuktaindet ne Toroor, ki ichopchi ineendet kirwooget; ak ee inyee rwandet, ki igimit ineendet si kobiit kitigon.

HABAKUK 3:3

Ki nyo Kamuktaindet eng' Teman, ki nyo Ineendet ne Tiliil eng' tulweetap Paran. Ki tuch `toroornatennyi kipsengwet, ak ki nyi ng'wony kalasunennyi.

SEKARIA 10:5

Ak koigei piik che nyigoonen, che tyechei puunikwak eng' ng'atateegap ortinwek eng' pooryeet; ak kobargei, amu mi Kamuktaindet ne Toroor kobooto icheek: ak kotoptobenso piik che ketei paraisisyek.

NG'ATUTIK 17:16

Ago amat kotesyigei paraisisyek anan kogoochi piik koweektagei Misiri si kotesigei paraisisyek. Amu kimwaiwok Kamuktaindet ne Toroor kole, ‘Amata oweektage oranooto kogeny.’

NG'ATUTIK 20:1

“Ye iwe obargei ak puuniguk ak iroo kotinyei paraisisyek, kariisyek ak piik che chaang' kosiirok, ko mat iywei. Amu mi Kamuktaindet ne Toroor Kamuktaindeng'ung' ne ki imutun imong'u eng' emetap Misiri kobooten.