ISAIAH 29:9 - Bukuit Ne Tilil

⁹ Ogenisye ak okwong'ye; oyai ko uu ye omache ak ogorie! Kabogityo, ago ma eng' divaik; terteryoti, ago ma eng' maiyek.

BUKUIT NE TILIIL Sireet ne Dutero Kanon

⁹ Ogenisye ak okwong'ye; oyai ko uu ye omache ak ogorie! Kabogityo, ago ma eng' divaik; terteryoti, ago ma eng' maiyek.

BUKUIT NE TILIL

⁹ Ogenisie ak okwong’ie; oyai ko u ye omache, ak ogorie: kabogityo, ago ma eng’ divaik; terterioti, ago ma eng’ maiyek.

ISAIAH 29:9 ပူးပေါင်းရင်းမြစ်များ

NG'ANG'UTYET 17:6

Ak ki ageer kwonyooto ko kagobogit eng' korotiigap piik che tiliileen, ak eng' korotiigap paorinigap Jeso. Ye kinga keer ineendet, akwong' eng' kwong'eet ne oo.

ISAIAH 49:26

Ak abae icheek che usin poorwekwak; ak kobogityo eng' korotiikwak, ko uu ye pogiti chii eng' divaik che leelachen: si konai piik tugul kole, aa Kamuktaindet ne Toroor yetindeng'ung', ak ko katyagindeng'ung', Ineendet Ne po Kamuktaet ne po Jakobo.

ISAIAH 19:14

Kigoburukyi `Kamuktaindet ne Toroor icheek muguleldap kamaaset eng' kwenunnyi; ak kogogoochi `icheek Misiri komasta eng' poisyennyi age tugul, ko uu ye terteryoti kibogityot kong'ung'u.

MARIKO 14:41

Ak ki nyo ne po somok, ak koleenji icheek, Oruiye anyun nguno, omuuny: kagoyam; kagoit sait; ogeero, kageng'wekyi Weeriitap chii eunegap kiptengeginik.

MATAYO 26:45

Ki nyoonji anyun kasubik ak koleenji, “Oruitosi kora ak omuuny? Keero, kait sait, ak kageng'wekyi Weeriitap chii eunegap kiptengeginik.

HABAKUK 1:5

Ogeer, okweek kwenutap pororyosyek, ak obwaat! Ak okwong'ye miising', amu ayae poisyet eng' peetuusyekwok, ne moyani agot ngemwaiwok.

RIREKAB JEREMIA 4:21

Paibaitu ak igaskei, ee cheptap Edom, ne imenye emetap Uz; amu agot aginye ko ityinin kigombet; ibogiti ak iputkei itebi aach ngor.

JEREMIA 51:7

Ki kigombetap thahabu Babilon eng' eutap Kamuktaindet ne Toroor, ne ki igoochi ng'wony komugul kobogit: ki koee pororyosyek divaikyik; amei anyun iywek pororyosyek amu nooto.

JEREMIA 25:27

Ak ileenji icheek, Kamwa Kamuktaindet ne Toroor ne po lugoosyek, Kamuktaindetap Israel, kole: Oee ak obogitye, ak ong'ung'u, ak obutye, ama ong'eetosi kogeny, amu rotwetap chok ne ayoogu konyo kwenung'wong'.

JEREMIA 23:9

Kagomea mugulel agobo maotik, irigisistos kawekyuk; auu chii ne kabogit, ak auu chii ne kagoterteer divaik; amu Kamuktaindet ne Toroor, ak amu ng'aleekyik che tiliileen.

JEREMIA 2:12

Okwong'ye agobo niito, ee okweek kipsengwet, oaragense ak ogany koiyeak korotiik kot,” mwaei Kamuktaindet ne Toroor.

ISAIAH 51:17

Ng'eet, ng'eet, tonon, ee Jerusalem, ne ki iee kigombetap nereegek che koroomen che po Kamuktaindet ne Toroor eng' eunnyi; ki iee eng' kigombet ne oo, icholool, kigombet ne yaei piik koterteeryot.

ISAIAH 29:10

Amu kirong'jok Kamuktaindet ne Toroor rwondo ne nyigiis, ki kogeer konyekwok, okweek maotik, ak ki kotuch kandoikwok, chooto ko keerik.

ISAIAH 1:2

Ogas, ee kipsengwet! Oep iit, inyee ng'wony! Amu kagotwek Kamuktaindet ne Toroor, kole: Ki aguu ak ki aneet lagok, ago ki kongelelja.

ISAIAH 29:1

Pwo eng' Jerusalem, Jerusalem, nganaseet ne ki menyei Daudi! Otes kenyiit eng' kenyiit; ingorubatkei igoorwek.

ISAIAH 56:10

Koryotin riibiikyik, ma tinyei tugul naet; icheeget tugul ko sesenik che namotin kuut, ma imuuchi icheek kokwer; irotitoi, ruitos, chamei konuukso.

ISAIAH 63:6

Ak ki atyech piik eng' nereegekyuk, ak ki agoochi kobogityo eng' nereegekyuk che ng'woneen, ak ki atumji ng'wony korotiikwak che saptos.

JEREMIA 4:9

Mwaei Kamuktaindet ne Toroor kole, “Eng' peetuunooto ko tuun mee mugulel laitoryat kobooto pounik; kwong'dos tisiik ak kotang'any maotik.”

ISAIAH 6:10

Yai mugulelwegap pichu konyigiisitu, ak kotimogis itiikwak, ak kogerogis konyekwak, si ma keertoe konyekwak, ama kastoe itiikwak, anan koguiyo eng' mugulelwekwak, ak kowalogis, ak kisoop.

JEREMIA 13:13

Ileenji anyun icheek, mwaei Kamuktaindet ne Toroor kole, ogeero, anyiiti pogitet piik tugul che menyei emoni, laitorinik che tebee ng'echereetap laitornatet ne po Daudi, tisiik, maotik ak piik tugul che menyei Jerusalem.