ISAIAH 18:1 - Bukuit Ne Tilil

¹ Pwo! Emet ne tinyei kebebaik che cheitos, ne mi pitoniin eng' ainoosyegap Kush;

BUKUIT NE TILIIL Sireet ne Dutero Kanon

¹ Pwo! Emet ne tinyei kebebaik che cheitos, ne mi pitoniin eng' ainoosyegap Kush;

BUKUIT NE TILIL

¹ Bwa emet ne tinyei kebebaik che cheitos, ne mi bitonin eng’ ainosiekab Etiopia:

ISAIAH 18:1 ပူးပေါင်းရင်းမြစ်များ

2 LAITORINIK 19:9

Kingo kas kemwaei agobo Tiraka laitoryatap Kush, keele, nyoonei kobarge ak ineendet, koyookto piik kogeny koba kap Hezekiah, koleenji:

TIENWOGIKAL 17:8

Riibo ko uu laptetap konda, ung'ena urwetap kebebaiguk,

TIENWOGIKAL 36:7

Karaaran ne tya chamyeng'ung' ne tala, ee Kamuktaindet! Mwechin anyun weeriigap piik urwetap kebebaiguk.

TIENWOGIKAL 57:1

Rireena, ee Kamuktaindet, rireena; amu mwechinin saboondanyu. Amwechini urwetap kebebaiguk, agoi kosiirto nyalilwogichu.

TIENWOGIKAL 61:4

Amenye koong'ung' koigeny, amweu aung'egei kebebaiguk.

TIENWOGIKAL 63:7

amu ki iegu toretindennyu, abaibai anyun eng' urwetap kebebaiguk.

TIENWOGIKAL 91:4

Tugenen koroorikyik, Ak inyooru ole imwechini eng' kebebaikyik: Imandanyi ko long'eet ak ne kiteektoegei.

ISAIAH 31:1

Pwo eng' icheek che choorchingei Misiri kocheeng'ei toreteet, ak kotiegei paraisisyek; ak komang'u kariisyek, amu chaang', ak komang'u piik che ketei paraisisyek amu kiimeen kot; ago ma inyali Ineendet ne Tiliil ne po Israel, ama cheeng'ei Kamuktaindet ne Toroor!

ISAIAH 37:9

Ak ki kas kemwaei agobo Tiraka laitoryatap Kush, keele, Kogonyo obargei. Ak kingo kas koyookto piik koba kap Hezekiah, koleenji,

ISAIAH 45:14

Mwaei Kamuktaindet ne Toroor kole, nyonjinin poisyetap Misiri, kobooto tuguugap mung'areetap Kush, ak piigap Sabe, piik che kooen, ak punjinin; isubun; pwonjinin ko ratotiin; ak kobutyi keelyeguk, kosoomin, kole, Iman mi Kamuktaindet kobooten; ama mi age, ma mi Kamuktaindet age.

EZEKIEL 30:9

Pendi eng' peetuunooto eng' tainnyu piik che kiyooktoi eng' melisyek koba komu Ethiopik che leen tebyei eng' kaalyeet; ak koityi icheek ng'wanindo, ko uu eng' peetuutap Misiri; ogeero, amu nyoonei peetuunooto.

SEPANIA 2:12

Okweek Ethiopik, parok rotwennyu po chok.

SEPANIA 3:10

Tuun ibwo kagoochinennyu piikyuk che saa, cheptap piikyuk che ki koyesta, kobunu pitoniin eng' ainoosyegap Kush.

MATAYO 23:37

“Ee Jerusalem, Jerusalem, ne parei maotik ak kolage koik icheek che ki kiyookyi! Ki amach konyil ata ayum lagoguk ko uu ye iyumi ngokyet aarekyik eng' kebebaikyik, ago ma ocham!

RUTH 2:12

Ingoyaagun Kamuktaindet ne Toroor poisyeng'ung', ingogoonin melekto ne nyiitaat Kamuktaindet ne Toroor, Kamuktaindetap Israel, ne ki inyoo imwechi kebebaikyik!”