ISAIAH 17:10 - Bukuit Ne Tilil

¹⁰ Amu kiutye Kamuktaindetap yetuneng'ung', ama ibwaat rwandetap kimnateng'ung'; igoole anyun keetiik che korooron, ak keetiik alak che teer;

BUKUIT NE TILIIL Sireet ne Dutero Kanon

¹⁰ Amu kiutye Kamuktaindetap yetuneng'ung', ama ibwaat rwandetap kimnateng'ung'; igoole anyun keetiik che korooron, ak keetiik alak che teer;

BUKUIT NE TILIL

¹⁰ Amu kiutie Kamuktaindetab yetuneng’ung’, ama ibwat ruandetab kimnateng’ung’; igole anyun ketik che kororon, ak ketik alak che ter:

ISAIAH 17:10 ပူးပေါင်းရင်းမြစ်များ

1 ATEPTAP PEETUUSYEK 16:35

Omwa ole, “Sarwech, ee Kiptaiyat Kamuktaindetap yetunennyo, iyumech ak isarwech kemong'u eng' pororyosyek, si kobiit keeweekyi kongoi kaineng'ung' ne tiliil, ak kigaaskei eng' kalasuneng'ung'.”

TIENWOGIKAL 106:13

Ne matyanit koutye poisyonikyik; ma ingen ng'olyoondennyi.

TIENWOGIKAL 106:21

Ki iutye Kamuktaindet, yetindennywa, ne kiga koyai tuguuk che eecheen eng' Misiri,

TIENWOGIKAL 18:2

Kamuktaindet ne Toroor ko rwandennyu, irimennyu ak saruunindennyu; Kamuktaindennyu, rwandennyu ne kiim, amang'u ineendet; long'ennyu, kuinetap yetunennyu ak teeksennyu ne kooi.

TIENWOGIKAL 31:2

Epcha iit, sarwo chokyi! Egu rwandet ne kiim eng' anee, irimet ne kiim ne sarwo.

TIENWOGIKAL 65:5

Ak iwolwech eng' imanda eng' tuguuk che imuisei, Ee Kamuktaindetap yetunennyo; Inyee ko ii kamang'unetap komoswek tugul che po ng'wony, Ak ne po icheek che mi nyanjet ne loo:

TIENWOGIKAL 79:9

Toretech, ee Kamuktaindetap yetunennyo, amu toroornatetap kaineng'ung'; Sarwech, ak iunde tengekwogikyok, amu kaineng'ung'.

TIENWOGIKAL 85:4

Weekyeige, Kamuktaindetap yetunennyo. Ak ingosiisyo nereegeguk che tokyineigei.

TIENWOGIKAL 9:17

Weechegei kiptengeginik kobendi ye mi meet, agot pororyosyek tugul che utye Kamuktaindet.

ISAIAH 12:2

Ogeero, Kamuktaindet ko yetunennyu; amang'u, ama aiyweisyei, amu Kamuktaindet ko kimnateennyu ak ko tyendanyu; kagoek ineendet yetunennyu.”

ISAIAH 17:9

Igeitu eng' peetuunooto nganasookyik che kiimeen komoswek che kigebagaakta eng' timiin, ak eng' tulweet parak, che kiga kebagaakta eng' taitap lagogap Israel, ak koek karaatya.

ISAIAH 18:5

Amu ye tomo kobiit kesisyet, ye kagobutyo taaptook, ak koek taaptook logoek che rurtos, kotile chepkeswet ole ing'atos, ak koep koisto mooriik che iwaktoi.

ISAIAH 25:4

Amu ki iegu irimeetap kibananiat, irimeetap ne ma tinyei kiy eng' pichiindanyi, ii ole kimwechin eng' usoonet ole kiuure eng' kiptoret. Ye igei usoonetap che imuisei, usoonet ne oo ne rusei inaat.

ISAIAH 26:4

Omang'u Kamuktaindet ne Toroor koigeny, amu mi eng' Kamuktaindet ne Toroor rwandet ne po koigeny.

ISAIAH 30:29

Onyooru tyendo ko uu eng' kemout ye kiyaei igoorto ne tiliil; ak kagasetapkei ne po muguleldo, ko uu ye ibei chiito ndurerut si kwo tulweetap Kamuktaindet ne Toroor, agoi Rwandetap Israel.

ISAIAH 33:2

Ee Kamuktaindet ne Toroor, rirenech; ki kigenin. Egu kimnateennyo eunnyo karonet age tugul, ak iegu yetunennyo agine eng' peetuutap nyalilda.

ISAIAH 44:8

Amoiywei, anan oaragense: tos ma amwaun niito keny, aboorun? Oo paorinikyuk. Tos mi Kamuktaindet age kobatena? Ee, ma miitei Rwandet; mangen age.

ISAIAH 51:13

ak ki iutye Kamuktaindet ne Toroor Yaindeng'ung', ne kiito kipsengwet, ak kolumda lumeiywegap ng'wony; ak iyweisyei kotugul, peetuut komugul, amu koroomnatetap usiindet ye chobegei si kong'emis? Mi ano koroomnatetap usiindet?

ISAIAH 61:10

Abaibaitu miising' eng' Kamuktaindet ne Toroor, poiboitu saboondanyu miising' eng' Kamuktaindennyu; amu kagolaakwa ngoroigap yetunet, kagotugeno ngoryeet ne po imanda, ko uu ye lelesane sandet kiit ne indoi metit, ak ko uu ye lelesane murereet sonoekyik.

ISAIAH 62:11

Ogeero, kagomwaita Kamuktaindet ne Toroor agoi tabandap ng'wony, kole, oleenji cheptap Zion, Keero, nyoonei yetuneng'ung'; keero, mi melektanyi kobooto ineendet ak mi yaaktaennyi tainnyi.

JEREMIA 12:13

Ki kool `icheek nganuuk ak kagoges katook; kibirtogei ama kelji kiy. Ililandos icheek amu logoekwak, ak amu nereegek che ng'woneen che po Kamuktaindet ne Toroor.

JEREMIA 17:13

Ee Kamuktaindet ne Toroor, inyee ne ii kamang'unetap Israel, kiyaei kolililan icheek tugul che metoin; kisirchin ng'wony icheek che istoenagei, amu ki kometa Kamuktaindet ne Toroor, kondametutap peek che saptos.

JEREMIA 2:32

Tos imuuchi chepto koutye tuguukyik che po lelesta? Anan koutye murereet ngoroikyik? Ago kigoutyeno piikyuk eng' peetuusyek che ma iitoksei?

JEREMIA 3:21

Kigasei waagaat eng' tuloonook che churyotin, riirek ak soomutigap piigap Israel; amu ki komaas ooreenywa, kigoutye Kamuktaindet ne Toroor Kamuktaindennywa.

EZEKIEL 22:12

Kigotaach icheek eng' inyee asoya si kotumda korotiik; ki ip kelunet ne siirtoot ak che tesatiin, ak ki inyooru poroteet eng' keiyandit amu ki isastae piigap kokweng'ung', ak ki iutyeno, mwaei Kiptaiyat Kamuktaindet ne Toroor.

EZEKIEL 23:35

Mwaei anyun Kiptaiyat Kamuktaindet ne Toroor kole: Amu ki iutyeno, ak ituktocha patai, kesen anyun yaityeng'ung' agine ak kugoinatosyeguk.

HOSEA 4:6

Ki keng'em piikyuk amu ma tinyei naet; amu ki ieesye naet, aesyoin agane si ma iegu tisiindet eng' anee. Ak amu ki iutye ng'atuutigap Kamuktaindeng'ung', autye agane lagoguk.

HOSEA 8:14

Amu kigoutye Israel Yaindennyi, ak koteech kooriigap laitorinik; ak ki kotes Judah nganasook che ng'ootaatiin: ago ayookyini maat nganasookyik, ak kobeel irimoikyik.

JOEL 1:17

Nundos kesweek eng' ng'ung'unyekwak; kagong'emogis chogenik, kagebut chogenik; amu kagoyaamyo peek.

ATEPTAP LAWIK 26:16

ayaiywok ni agane: ang'ate kamuiset konyonjok, chebuonit ak eseet, che ng'emei koonyek, ak kogoochi saboondo kosagit. Ogoole kesweekwok puch, amu amei puunikwok.

ATEPTAP LAWIK 26:20

Oboisyee puch kimnateeng'wong', amu ma koonu emeng'wong' rurateet, ak ma iitos keetiigap emet logoekwak.

AMOS 5:11

Amu ki otyechatyech kibananook, ak omage icheek peek eng' kimnateet. Ki oteech anyun kooriik eng' koik che ki kiwai, ago momenye koorchooto; ki omiin mbareenik che korooron che po sabibuk, ago moee divaikwak.

HABAKUK 3:18

Aboiboitu kora eng' Kamuktaindet ne Toroor, Aboiboitu eng' Kiptaiyat Kamuktaindetap yetunennyu.

SEPANIA 1:13

Ak keluul mogornatennywa, ak koguber kooriikwak: ee, teechei kooriik, ago ma menyei; ak komiin mbareenigap sabibuk, ago ma eei divaikwak.

NG'ATUTIK 28:30

“Ituni osotyot ak koipkei ak chiito age. Iteeche koot, amemenye. Imiine mbareetap sabibuk, amebute logoekwak.

NG'ATUTIK 32:15

Ago kiner Jesurun, ak kotyaris, kiner, kinyigiisitu ak koakwait eng' amitwogik. Yeityo kobagaakta anyun Kamuktaindet ne ki yai icheeget, ak kosas Rwandetap ne yetunennyi.

NG'ATUTIK 32:18

Mebwaati Rwandet ne kwandang'ung', Ki iutye Kamuktaindet ne kisichin.

NG'ATUTIK 32:31

Amu ma uu rwandennywa rwandennyo, ak kongen ak icheek puunikyok kole uu nooto.

NG'ATUTIK 32:4

Rwandet ineendet, ititaat poisyennyi, amu imanda ortinwekyik tugul. Kamuktaindet ne po imanit ne ma tinyei yaityo, po imanda ineendet ak kosuldaat.

NG'ATUTIK 6:12

iriipkei anyun si meutye Kamuktaindet ne Toroor ne ki imutun imang'une emetap Misiri eng' kootap otwoknateet.

NG'ATUTIK 8:11

“Riipkei anyun si meutye Kamuktaindet ne Toroor Kamuktaindeng'ung' ak imete ng'atuutikyik, kirwoogutikyik ak kaneetisyosyechooto kang'atiin rani.

NG'ATUTIK 8:14

Memeen anyun ak iutye Kamuktaindet ne Toroor Kamuktaindeng'ung' ne ki imutun imang'une emetap Misiri eng' kootap otwoknateet,

NG'ATUTIK 8:19

Ngot iutye Kamuktaindet ne Toroor Kamuktaindeng'ung', ak isup kanamonik ioot ak igutung'ji, abaoryani agobo okweek rani ale olustosi ne matiny.