ISAIAH 16:5 - Bukuit Ne Tilil

⁵ Ki kimiiti ng'echereetap laitornatet eng' rireenet, eng' emaitap Daudi ak tebee chiito ng'echeranooto eng' iman; korwooch ak kocheeng'ei kirwooget, ak ko chepchep koyai imanda.

BUKUIT NE TILIIL Sireet ne Dutero Kanon

⁵ Ki kimiiti ng'echereetap laitornatet eng' rireenet, eng' emaitap Daudi ak tebee chiito ng'echeranooto eng' iman; korwooch ak kocheeng'ei kirwooget, ak ko chepchep koyai imanda.

BUKUIT NE TILIL

⁵ Ak kigimiti ng’echeretab laitornatet eng’ rirenet, ak tebe chito ng’echeranato eng’ iman eng’ emaitab Daudi; koruoch ak kocheng’ei kiruoget, ak ko chepcheb koyai imanda.

ISAIAH 16:5 ပူးပေါင်းရင်းမြစ်များ

2 SAMUEL 23:3

Ki ng'alaal Kamuktaindetap Israel, ki ng'alaalwo Rwandetap Israel kole: “Ineendet ne pou piik eng' imanda, ko ingoboi eng' kaiyweisyetap Kamuktaindet,

2 SAMUEL 5:9

Ki meny anyun `Daudi irimonooto ak koguure nganaseetap Daudi. Ki teech `ineendet komoswek tugul kong'etee Milo agoi oriit.

2 SAMUEL 7:16

Ki kimiiti koong'ung' ak laitornateng'ung' koigeny eng' taing'ung'. Ki kimiiti ng'echereetap laitornateng'ung' agoi koigeny.’ ”

1 LAITORINIK 10:9

Iberuurot Kamuktaindet ne Toroor Kamuktaindeng'ung', ne ki paibait eng' inyee ak kondein ng'echereetap laitornatetap Israel. Amu ki cham `Kamuktaindet ne Toroor Israel koigeny, koyain anyun iegu laitoryat, si iyai kirwooget ak imanda.”

2 ATEPTAP PEETUUSYEK 31:20

Ki yai anyun ko uu nooto Hezekiah eng' Judah komugul; ki yai ne myee ak ne litit ak ne po iman eng' taitap Kamuktaindet ne Toroor Kamuktaindennyi.

TIENWOGIKAL 85:10

Katuiyo rireenet ak imanda; Kang'ututkei imanda ak kaalyeet.

TIENWOGIKAL 89:14

Ole tebee ng'echereeng'ung' ne po pounateet ko imanda ak kirwooget: Indoenen rireenetapkei ak imanit.

TIENWOGIKAL 96:13

Eng' taitap Kamuktaindet ne Toroor, amu nyoonei: Amu nyoonei korwookyin ng'wony, Irwookyin ng'wony eng' imanda, Ak korwookyin piik eng' imandanyi.

TIENWOGIKAL 98:9

Eng' taitap Kamuktaindet ne Toroor, amu nyoonei korwookyin ng'wony: Tuun irwookyin ng'wony eng' imanda, Ak korwookyi piik eng' iman.

TIENWOGIKAL 99:4

Chamei kimnateetap laitoryat kirwooget; Igimiiti imanda, Iyae kirwooget ak imanda eng' Jakobo.

KALEWANAIK 20:28

Riibei `rireenet ak iman laitoryat, ak kogimiti rireenet ng'echerennyi ne po laitornatet.

KALEWANAIK 29:14

Ki kimiiti agoi koigeny laitornatetap laitoryat ne irwookyin kibananook eng' imanda.

ISAIAH 33:22

Amu Kamuktaindet ne Toroor ko kirwoogindennyo, ne koonech ng'atuutik, Kamuktaindet ne Toroor ko laitoryandennyo; ineendet ne sarwech.

ISAIAH 55:4

Ogeero, ki agoite ineendet koek paoryat eng' pororyosyek, koek kandoindet, ak ko ng'atindet ne po pororyosyek.

DANIEL 7:14

Ki kigoochi ineendet pounateet, toroornatet ak laitornatet, si koot ineendet piik tugul, pororyosyek tugul, ak che po kutusweek tugul. Pounatennyi ko pounatetap koigeny, ne ma igeesugei, ak laitornatennyi ko mang'emaksei agoi.

DANIEL 7:27

Laitornatet ak pounateet, ak ooindap laitornatosyek che mi kurereetap kipsengwet komugul ko tuun kigoochin piigap piik che tiliileen che po Ineendet Ne Toroor Miising'. Laitornatennyi ko laitornatet ne po koigeny, ak tuun otei ineendet pounatosyek tugul ak kogase iit.”

AMOS 9:11

Ang'eeti eng' peetuunooto emaitap Daudi ne ki kobut, ak agerate ole kibutok; ak atuuru karatwekyik, ak ateech koigei ne ki po peetuusyek che po keny.

MIKAH 4:7

ak ayai ineendet ne ing'wali koek ne ng'etunot, ak ayai ineendet ne kigetimda kolooit koek pororyet ne kiim, ak koboi `Kamuktaindet ne Toroor icheek eng' tulweetap Zion kobooch yooto agoi koigeny.

SEKARIA 9:9

Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.