ISAIAH 10:34 - Bukuit Ne Tilil

³⁴ Ak koluule ineendet kariik timiin ne oo, ak koluul Lebanon ineendet ne kiim.

BUKUIT NE TILIIL Sireet ne Dutero Kanon

³⁴ Ak koluule ineendet kariik timiin ne oo, ak koluul Lebanon ineendet ne kiim.

BUKUIT NE TILIL

³⁴ Ak koluule inendet karik osnet ne o, ak koluul Lebanon inendet ne kim.

ISAIAH 10:34 ပူးပေါင်းရင်းမြစ်များ

TIENWOGIKAL 103:20

Olasu Kamuktaindet ne Toroor, okweek malaikaisyekyik; okweek che oo kiimeen eng' kamuktaet, che osuldoi ng'olyoondennyi, che oepchini iit tuugeetap ng'olyoondennyi.

ISAIAH 10:18

Ak kobeel ineendet toroornatetap osnennyi, ak ne po mbareennyi ne rurei, kobooto saboondo ak poorto, ak koek ko uu ye tanui ineendet ne ibooti songolyet.

ISAIAH 2:13

eng' taragonik tugul che po Lebanon, che torooreen ak koeetigei, ak eng' keetiik tugul che po Bashan;

ISAIAH 31:8

“Ibuti anyun Assyrianindet eng' rotwetap chok, ma rotwetap chii; ak kobar ineendet rotwetap chok, ne ma po piik; ak komwee rotwetap chok, ak koek murenikyik otwogik.

ISAIAH 33:9

Riirei emet ak konyaluli; ililani Lebanon ak koresei, uu Saron surkwen, ak poregei sok Bashan ak Karmel.

ISAIAH 37:24

Koichot Kiptaiyat eng' otwogiguk, ak koile, Anyoone kot aitu paragutap tuloonook kobooto chaang'indap kariisyekyuk, kot aitu oriit eng' Lebanon; ak aluul taragonikyik che kooen, ak piribirinikyik che korooron: ak achute komosta Ne Toroor Miising', timdap mbareennyi ne rurei.

ISAIAH 37:36

Ak kimanda malaikaiyatap Kamuktaindet ne Toroor, ak kobar piik eliphuusyek pogol ak tamanwogik sisiit ak muut eng' nganaseetap piigap Assyria: ak kingo ng'eetyo piik karon, ogeero, kimuuswek tugul, che kogobek.

JEREMIA 22:7

Ak achop ng'emiik agobo inyee, chii tugul ak kariikyik: ak koluul icheek taragoniguk che korooron ak kowiirchi ma.

JEREMIA 48:2

Ma komi kalasunetap Moab; Ki kochop yaityet eng' Hesbon agobo emonooto, ne mwaei koleen, Nyoo kigeesu si ma koegu pororyet kogeny. Agot inyee, ee Madmen, kigoonin isiis; onin rotwetap chok.

EZEKIEL 31:3

Keero, kitarakwet Assyrianindet eng' Lebanon ne tinyei mooriik che korooron, kisamum, ak ko kooi; ak ki itei walinnyi poolik.

DANIEL 4:23

Ak ko uu ye ki keer laitoryat `riibindet ne tiliil kochoorugei eng' kipsengwet ak kole, oep keetit ak oong'em, ago obagaakte tigitigap musukyennyi ak eng' ng'wony, ko miiroot eng' karnet ak sugunwet, eng' ole mi susweek che ng'orng'or. Ingobutyi ineendet rewootap kipsengwet, ak kotebi kobooto tyong'igap timiin, kot kogeskei peetuusyek che ki king'at, konyil tisap.

NAHUM 1:12

Mwaei Kamuktaindet ne Toroor kole: “Agot nganda kiimeen miising' ak ko chaang', kebarei ui tugul ak kobetyo. Agot nganda ki anyalilin, koma anyalilin kogeny.

2 THESSALONIKEK 1:7

ak kogoonok kamuung'et kobootech, okweek che kiusei, eng' ng'ang'eetap Kiptaiyat Jeso kobunu kipsengwet kobooto malaikaisyek che po kamuktaennyi

2 PETERO 2:11

Agot nganda siirtoot malaikaisyek, che siirei miising' eng' kimnateet ak kamuktaet, koma ipchin icheek kirwoogetap chubisyet konyo taitap Kiptaiyat.

NG'ANG'UTYET 10:1

Ak ki ageer malaikaiyat age ne kiim kochoorugei eng' kipsengwet, kolaachi pooldet; ak ki mi chepkuinobor paragutap metinnyi, ak ki uu togeennyi asiista, ak ki uu keelyekyik tolochigap maat;

NG'ANG'UTYET 18:21

Ak kisut malaikaiyat ne kiim koita ne uu koitap pai ne oo, ak kowiirchi nyanjet, kole, “Ki wiirtoi Babilon nganaseet ne oo, kobut ko uu nooto eng' kabutet ne oo, ama kenyooru kogeny agoi.