ISAIAH 10:14 - Bukuit Ne Tilil

¹⁴ Ko uu keswetap toriityon ne nyooru chii, ko ki konyoor eunnyu mogornatosyegap pororyosyek; ak ko uu ye iyumi chii mayaik che kigelakta, ki ayum ko uu nooto ng'wony komugul; ak ma piit ne kibirabirto kebepchet, anan ne kitwek, anan ne ki ite.”

BUKUIT NE TILIIL Sireet ne Dutero Kanon

¹⁴ Ko uu keswetap toriityon ne nyooru chii, ko ki konyoor eunnyu mogornatosyegap pororyosyek; ak ko uu ye iyumi chii mayaik che kigelakta, ki ayum ko uu nooto ng'wony komugul; ak ma piit ne kibirabirto kebepchet, anan ne kitwek, anan ne ki ite.”

BUKUIT NE TILIL

¹⁴ ak kigonyor eunnyu magornatosiekab bororiosiek ko u keswetab taritiet; ak ko u ye iyumi chito koik che kigelakta, che bo ngogaik, kiayum ko u noto ng’ony komugul: ak ma biit ne kibirabirto kebepchet, anan ne kitwek, anan ne kiite.

ISAIAH 10:14 ပူးပေါင်းရင်းမြစ်များ

2 ATEPTAP PEETUUSYEK 32:13

Tos mongen kiit ne ki kiyachi anee ak kwanisyekyuk pororyosyek tugul che po emotinwek? Tos ki imuuchi kamuktaigap pororyosyek che po emotinwek kosar emennywa eng' oor age tugul eng' eunnyu?

Kitabuutap JOB 31:25

ngot ko ki abaibaitu amu oo mogornatennyu, ak amu kiga konyoor eunnyu tuguuk che chaang',

KALEWANAIK 18:12

Menei muguleldap chii kotom konyoor ng'emisyet, ak indoe kaming'inetapkei teegisto.

ISAIAH 14:6

che kibir pororyosyek eng' nereegek eng' piretap kotugul, che kiboi pororyosyek eng' nereegek, eng' usiisyet ne ma kirinda chii.

ISAIAH 37:25

Ki abal ak aee peek, ak ateeny ainoosyek tugul che po Misiri eng' keldebesaigap keelyekyuk.

ISAIAH 5:8

Pwo eng' icheek che ituitos kooriik, ak kotesei mbareenik, kot koma komi poroindo, ak kemetok omeny okweegei eng' kwenutap emet!

JEREMIA 49:16

Ago ki koberberin menoteetap muguleldang'ung', amu kamuiseng'ung', ee inyee ne imenye ole kibetak eng' rwandet, ne iname walitap tulweet: nganda iteeche kesweng'ung' eng' parak ko uu kipsiichit, arorogun eng' olooto, mwaei Kamuktaindet ne Toroor.

EZEKIEL 35:13

Ak ki ochounenage eng' kutusweekwok, ak ki otes ng'aleekwok agobo anee: ki agas ng'olyoondonooto.

OBADIA 1:4

Agot ngitiriren iwe parak miising' ko uu kipsiichit, agot ngiteech kesweng'ung' eng' ole mi kecheik, atururun eng' olooto, mwaei Kamuktaindet ne Toroor.

NAHUM 2:9

Oip parunenigap fedha, oip parunenigap thahabu! Ma igeesugei tuguuk che konorotiin! Chaang'indap kiy age tugul ne karaaran!