ISAIAH 1:17 - Bukuit Ne Tilil

¹⁷ oneetkei oyai ne myee! Ocheeng' kirwooget, otoret che kisastoe, obesyechi ng'aleek ne ma tinyei sigiik, ong'alaaldochi mosoget.

BUKUIT NE TILIIL Sireet ne Dutero Kanon

¹⁷ oneetkei oyai ne myee! Ocheeng' kirwooget, otoret che kisastoe, obesyechi ng'aleek ne ma tinyei sigiik, ong'alaaldochi mosoget.

BUKUIT NE TILIL

¹⁷ onetge oyai ne mie; ocheng’ kiruoget, otoret che kisastoe, obesiechi ng’alek ne matinyei kwanda, ong’alaldochi mosoget.

ISAIAH 1:17 ပူးပေါင်းရင်းမြစ်များ

TIENWOGIKAL 34:14

Istoegei yaityo, ak iyai ne myee; cheeng' kaalyeet, ak isup.

KOMONG'U 22:21

“Ameyachi ne ya too anan inyaliil. Amu ki oo toek ak okweek eng' emetap Misiri.

KALEWANAIK 15:25

Itutu `Kamuktaindet ne Toroor kootap menotik, ago igimiti kiwotetap mosoget.

KALEWANAIK 21:3

Keyaei iman ak kirwooget, ko taachaksei eng' taitap Kamuktaindet ne Toroor kosiir korosyot.

KALEWANAIK 31:9

Ng'alaal, irwooch eng' imanda, ak irwooch agobo kibananook ak che ma tinyei kiy.

ISAIAH 1:23

Ngelelik pouniguk, ak ko choronogap chooriik. Chamei age tugul asoya, ak kosuboti tuguuk che kigeerchin. Ma ibesyechin ne ma tinyei sigiik, ama ki ipchin icheek ng'aleegap mosoget.

ISAIAH 10:2

kobeet ne nyalili eng' kirwooget, ak korebe imanit kibananogap piikyuk, si kobiit koek mosoogik parunenikwak, ak si kobiit koluul che ma tinyei sigiik!

ISAIAH 56:1

Mwaei Kamuktaindet ne Toroor kole, osup kirwooget, ak oyai imanda: amu neegit konyo yetunennyu, ak neegit keng'aany imandanyu.

ISAIAH 58:6

Tos ma karugutetapkei ni ne ki alewen: ale kityaach ratuutigap yaityet, kityaach anoogap chogit, ak keunda che kigetyekyi ng'wony, ak oiri chogit age tugul?

JEREMIA 21:12

Ee kootap Daudi, mwaei Kamuktaindet ne Toroor kole, oyai kirwooget karon, osaru ne ki kiluul komong' eng' eutap usiindet, si ma mong' nereegekyuk che koroomen ko uu maat, ak kolal kot koma mi ne imuuchi komis, amu yaityetap poisyonikwok.

JEREMIA 22:3

Mwaei Kamuktaindet ne Toroor kole: Oyai okweek kirwooget ak imanda, ak osaru ne ki kiluul komong' eng' eutap usiindet: amat oyai ne ya, anan koroomnateet, oyachi toondet, anan ne ma tinyei sigiik, anan mosoget, amotumde korotiik che ma tinyei tengek, eng' olito.

JEREMIA 35:15

Ak ki ayookwok kogeny otwogikyuk tugul che maotik, ang'eete karon miising' ak ayoogu icheek, amwae ale, Oweege anyun chii age tugul eng' ooreennyi ne ya, ak olitit poisyonikwok, amosup kamuktaik che teer oot icheek, si omeny emet ne ki agoonok kobooto kwanisyekwok: ago ma oep iit, anan ogasa iit.

EZEKIEL 18:31

Omete pistaosyekwok tugul che ki kogoonok obistoe; ak ochopchigei muguleldo ne leel ak sabeet ne leel: amu nee si obegu, ee kootap Israel?

EZEKIEL 22:7

Ki kosas icheek eng' inyee kwanda ak kamet; kigonyalil icheek toek eng' kwenung'ung': ki koyachi ne ya eng' inyee ne ma tinyei sigiik ak mosoget.

EZEKIEL 45:9

Mwaei Kiptaiyat Kamuktaindet ne Toroor kole: Ingoyamak nooto, ee pounigap Israel: oiste koroomnateet ak ng'emisyet, ak oyai kirwooget ak imanda; oiste yaakset ne oyaache piikyuk eng' kimnateet, mwaei Kiptaiyat Kamuktaindet ne Toroor.

DANIEL 4:27

Nooto anyun, ee laitoryat, ingochamak kirwoogennyu eng' inyee, ak itabaanegei tengekwogiguk ye iyae imanda, ak itabaanegei yaitwogiguk ye iriiree kibananook; si kotesak kalyeng'ung'.

MIKAH 6:8

Ee inyee chii, kagoboorun ineendet kiit ne myee; ak nee ne magenen Kamuktaindet ne Toroor, kobatee iyai imanda, ak icham rireenet, ak iwendote eng' kaming'inetapkei kobooto Kamuktaindeng'ung'?

SEPANIA 2:3

Ocheeng' Kamuktaindet ne Toroor, okweek tugul che oo talaen, che oo po ng'wony, okweek che oyae kirwoogutikyik; ocheeng' imanda, ocheeng' talasyet: imuuch tuun kiunyok eng' peetuutap nereegegap Kamuktaindet ne Toroor.

SEKARIA 8:16

Chu tuguuk che tuun oyae: Ingomwachi chii age tugul eng' okweek chiitap kokwennyi imanit; oyai kirwooget ne po imanit ak kaalyeet eng' ormariichokwok.

NG'ATUTIK 14:29

si konyo Lawindet amu ma tinyei kebeberta anan poroteet kobooten. Nyoonei kora toondet ak ne ma tinyei sigiik, ak mosogichooto mi kurgotiguk nyoo koamis ak kobiyong'so, si koberuurin Kamuktaindet ne Toroor Kamuktaindeng'ung' eng' poisyet tugul ne po euneguk.

JAKOBO 1:27

Kayaneet ne tiliil ne ma tinyei murwoonindo eng' taitap Kamuktaindet Kwanda, ko ni: kowendi kogeerei che ma tinyei sigiikwak ak mosoogik eng' nyalildanywa, ak koriipkei ineendet eng' ng'wony koek ne ma tinyei tisya.