HOSEA 11:7 - Bukuit Ne Tilil

⁷ Kagobegechi piikyuk kochuchuigei kometaa: agot ngo kuurso icheek koguurchi icheek ineendet ne mi parak, koma piitu ne itoroori ineendet.

BUKUIT NE TILIIL Sireet ne Dutero Kanon

⁷ Kagobegechi piikyuk kochuchuigei kometaa: agot ngo kuurso icheek koguurchi icheek ineendet ne mi parak, koma piitu ne itoroori ineendet.

BUKUIT NE TILIL

⁷ Kagobegechi bikyuk kochuchuigei kometa: agot ngo kuurso ichek koguurji ichek inendet ne mi barak, ko mabiitu ne itorori inendet.

HOSEA 11:7 ပူးပေါင်းရင်းမြစ်များ

TIENWOGIKAL 81:11

Ago ki ma epchi iit kutinnyu piikyuk; Ak ki ma ko magena kiy Israel.

KALEWANAIK 14:14

Ineendet ne ichuchuchegei eng' imanda kobiyonyi ortinwekyik, ak che myach eng' muguleldo ko nyooru che nyoljin.

ISAIAH 26:10

Agot nda kiboorchi chameet kiptengekyot, koma ineetigei imanda kora; yaei ineendet ne ma po iman eng' emetap imanda, ama keerei telunatetap Kamuktaindet ne Toroor.

JEREMIA 14:7

Nga paoryanjinech tengekwogikyok, iboisye ee Kamuktaindet ne Toroor, amu kaineng'ung'. Amu chaang' kachuchugosyekyok pogei, ak kigeyaun acheek tengek.

JEREMIA 2:19

Pirin yaityeng'ung', ak kogerin kong' mastaeng'ung'. Nai ak iguiye ile kiit ne ya ak ko ng'waan, eng' imete Kamuktaindet ne Toroor Kamuktaindeng'ung', ametinye kaiyweisyet ne iywea, mwaei Kiptaiyat, Kamuktaindet ne Toroor ne po lugoosyek.

JEREMIA 3:11

Kimwaiwo Kamuktaindet ne Toroor koleenjo ki ibartagei Israel ne kigogetyigei let kole po iman kosiir Judah kaberberindet.

JEREMIA 7:25

Kobooch peetuut ne ki mong' kwanisyekwok eng' emetap Misiri agoi rani, ko ki ayookwok otwogikyuk tugul che maotik ang'eete kotugul karon ak ayoogu icheek.

JEREMIA 7:26

Ago ma kasa, ama ep iit, ago ki iuit kaatinnywa. Ki yai ne ya kosiir kwanisyekwak.

JEREMIA 8:5

Amu nee anyun si kochuchuigei pichu po Jerusalem eng' kachuchuget ne po agoi? Namei miising' ng'aalseet, eesyoi koweek.

HOSEA 11:2

Kinga testai aguur icheek, ko testai koistoenagei; ki eng'ji Baalik, ak kobeelji nyamdutik kanamonik che ki kiwai.

HOSEA 14:4

Asoobi kachuchugeng'wong' pogei, achame icheek miising': amu kogoistoegei ineendet nereegekyuk.

HOSEA 4:16

Ko uu rooryat ne uui met, ko ki kongelel Israel; paei Kamuktaindet ne Toroor anyun icheek ko uu aarwetap keechiir eng' ole paraa.

HOSEA 7:16

Weektogei, ago ma weekyingei ineendet ne mi parak; uu kwanget ne itustusoot: kibarei pounikwak eng' rotwetap chok amu nereegegap ng'elyebwekwak: egu niito chotisyennywa eng' emetap Misiri.