HABAKUK 2:3 - Bukuit Ne Tilil

³ Amu po ng'ang'utyet peetuusyek che ki king'at, ak kochoktoi kotokyingei kagesunet, ama mwaei lembech. Agot ngo kagei, igen inyee; amu nyoonei iman, ma igaegei.

BUKUIT NE TILIIL Sireet ne Dutero Kanon

³ Amu po ng'ang'utyet peetuusyek che ki king'at, ak kochoktoi kotokyingei kagesunet, ama mwaei lembech. Agot ngo kagei, igen inyee; amu nyoonei iman, ma igaegei.

BUKUIT NE TILIL

³ Amu bo ng’ang’utiet betusiek che kiging’at, ak kochoktoi kotokyingei kagesunet, ama mwaei lembech: agot ngogagei, igen inye; amu nyonei iman, maigaegei.

HABAKUK 2:3 ပူးပေါင်းရင်းမြစ်များ

2 LAITORINIK 6:33

Ye kita kong'alaali ak icheeget, koit ole mi ineendet chiito ne kagiyok. Ki mwa kole, “Keero, po yaityoni Kamuktaindet ne Toroor; kota agen Kamuktaindet ne Toroor kolya?”

TIENWOGIKAL 102:13

Ing'eete ak iriiree Zion, amu kagoyam keriree, ee, kagoit peetuut ne ki kichopchi.

TIENWOGIKAL 27:14

Igen Kamuktaindet ne Toroor! Kimitu ak ingonyiganit muguleldang'ung'! Ee, igen Kamuktaindet ne Toroor!

KOMONG'U 12:41

Kingo pata kenyisyechooto pogol ang'wan ak sosom, komanda eng' peetuunooto lugoosyek tugul che po Kamuktaindet ne Toroor eng' emetap Misiri.

ISAIAH 30:18

Igenok anyun Kamuktaindet ne Toroor, si kobiit koboorwok myeeindo, ak koek anyun ineendet ne itoroorot, si kobiit koriirenak. Amu Kamuktaindet ne Toroor ko Kamuktaindetap kirwooget; iberuurotin tugul che igeni ineendet.

ISAIAH 7:4

ak ileenji ineendet, riipkei, ak isiis, ameiyweisye, anan kotanui muguleldang'ung', amu kegenganichu aeng' iyendos, amu nereegek che ng'woneen che po Rezin ak Syria, ak che po weeriitap Remaliah.

ISAIAH 8:17

Si agen Kamuktaindet ne Toroor, ne unyei togeennyi si ma keer kootap Jakobo, ak amang'u ineendet.

JEREMIA 27:7

Ak koot pororyosyek tugul ineendet ak weeriitnnyi, agoi koit peetuusyegap emennyi: ak koyae anyun pororyosyek che chaang' ak laitorinik che eecheen ineendet koek otwogindennywa.

EZEKIEL 12:25

Amu aa Kamuktaindet ne Toroor; ang'alaali, ak kosulda ng'olyoot ne amwae; ma kigoitoi kogeny: amu amwae ng'olyoot, ak ageesu eng' peetuusyekwok, ee koot ne ii ngelelyot, mwaei Kiptaiyat Kamuktaindet ne Toroor.

EZEKIEL 30:9

Pendi eng' peetuunooto eng' tainnyu piik che kiyooktoi eng' melisyek koba komu Ethiopik che leen tebyei eng' kaalyeet; ak koityi icheek ng'wanindo, ko uu eng' peetuutap Misiri; ogeero, amu nyoonei peetuunooto.

DANIEL 10:14

Kanyo anyun si kobiit aboorun iguiye tuguuk che tuun pwaanjin piiguk eng' peetuusyek che po let, amu po ng'ang'utyet peetuusyek che chaang'.”

DANIEL 11:27

Ak che uu laitorinichuuto tuwai, ko tuun tokyingei mugulelwekwak koyai yaityet, tuun tebyei eng' meset agenge ak komwaei lembechek. Ago maborei; amu ta koitu kagesunet eng' peetuut ne ki king'at.

DANIEL 11:35

Ak kobutyo alak eng' che utaatiin, si kobiit kitiliil, ki anyiny, ak keyai koleelagitu, kot koit peetuut ne po let, amu ta koitu peetuut ne ki king'at.

DANIEL 8:17

Ki riik anyun ye ki atonone; ak kingo it ole ami, aiyweisye, ak abut kot kotiiny togeet ng'wony. Ago ki leenjo, “Ee, weeriitap chii, iguiye anyun; amu po ng'ang'utyoniito peetuusyek che po let.”

DANIEL 8:19

Ak ki le, keero, aboorun inai tuguuk che tuun piitu let che po nereegek; amu po ng'ang'utyonooto peetuut ne ki king'at ne po let.

DANIEL 9:24

Kaging'atyi piiguk wigisyek tamanwogik tisap kobooto nganaseng'ung' ne tiliil: si keistee pistoet, keistee tengekwogik, ak keyai katuiyet agobo tengekto, ak keip imanda ne po koigeny, ak keng'och ng'ang'utyet ak maonateet, ak kiil kitabaan ole-tiliil miising'.

MIKAH 7:7

Ago amang'u anee Kamuktaindet ne Toroor; ageni Kiptaiyat Kamuktaindetap yetunennyu: kasa Kamuktaindennyu,

SEPANIA 3:8

Ogeno anyun, mwaei Kamuktaindet ne Toroor, kot koit peetuut ne aipchini kirwooget. Ye katil ayum pororyosyek, ale atuiyo pounatosyek, si aroong'ji icheek nereegekyuk, nereegekyuk tugul che koroomen. Ne matiny ko tuun kibeelei ng'wony tugul eng' maatap ng'etkondanyu.

KAITOSYEK 23:19

Ma chiito Kamuktaindet, kot komwa lembech, anan weeriitap chii, kot kowal kabwaatutikyik. Tos kagomwa, ak ma yaei? Anan kagomwa, ama yaei kosulda?

LUKA 2:25

Ogeero, ki mi chiito age Jerusalem, ne ki kiguure Simion; ak ki chiito ne po iman ak kigonyiti Kamuktaindet, ne ki igeni kagaigaetap Israel: ak ki tebee `Kabuuset ne Tiliil ineendet.

POISYONIGAP CHE KIYOKTOI 1:7

Koleenji `Jeso icheek, “Mabootok onai peetuusyek anan kenyiisyek che ki konde Kwanda eng' pounatennyi ineegei.

POISYONIGAP CHE KIYOKTOI 17:26

Ki yai eng' `chiito agenge pororyet age tugul ne po piik si komeny ng'wony komugul, ko kagoboorchi kenyiisyek che ki king'at, ak kiwotosyegap meng'ootennywa;

GALATYEK 4:2

ago mi eng' eutap ng'atik ak riibiik agoi koit peetuut ne king'atyi kwanda.

2 PETERO 2:3

Ak kocheeng'jingei poroteet eng' okweek eng' ng'aleegap ng'aalseet amu kasennywa ne po myat: che ma igaegei kirwoogennywa kobooch keny, ama ruei ng'emisyennywa.

2 PETERO 3:9

Ma igaegei Kiptaiyat eng' arorutyennyi, ko uu ye iiti alak kagaetapkei; ago muitoi agobo okweek, ma machei kolus chii age tugul, ago machei kobwonji tugul siguunet.