EZRAH 8:22 - Bukuit Ne Tilil

²² Amu ki alilan asoom laitoryat kweanet ne po kiplugotinik ak piik che ketei paraisisyek si kotoretech kegirindee puunik che mi ooreet. Amu kiga kemwachi laitoryat keleenji, “Mi eutap Kamuktaindennyo kobooto icheek tugul che cheeng'ei ineendet, koyachi ne myee, ago kirindoi kimnateennyi ak nereeknatennyi piik tugul che metoi ineendet.”

BUKUIT NE TILIIL Sireet ne Dutero Kanon

²² Amu ki alilan asoom laitoryat kweanet ne po kiplugotinik ak piik che ketei paraisisyek si kotoretech kegirindee puunik che mi ooreet. Amu kiga kemwachi laitoryat keleenji, “Mi eutap Kamuktaindennyo kobooto icheek tugul che cheeng'ei ineendet, koyachi ne myee, ago kirindoi kimnateennyi ak nereeknatennyi piik tugul che metoi ineendet.”

BUKUIT NE TILIL

²² Amu kialilan asom laitoriat kweanet ne bo askarik, ak bik che lanyei mbartanyisiek si kotoretech kegirinde bunik che mi oret: amu kiga kemwachi laitoriat, kelenji, Mi eutab Kamuktaindennyo koboto ichek tugul che cheng’ei inendet, koyachi ne mie; ago kirindoi kimnatennyi ak nereknatennyi bik tugul che metoi inendet.

EZRAH 8:22 ပူးပေါင်းရင်းမြစ်များ

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

2 ATEPTAP PEETUUSYEK 15:2

ak ki wo kotorookta Asa, koleenji, “Ogasa okweek, inyee Asa ak Judah tugul ak Benjamin! Mi Kamuktaindet ne Toroor kobootok koteen otebye ak ineendet. Ye ocheeng' ineendet, onyooru, ago ngot omete ineendet, kometook.

2 ATEPTAP PEETUUSYEK 16:9

Amu pendoti konyegap Kamuktaindet ne Toroor eng' ng'wony komugul, koboortogei kole kiim agobo icheeget che ititaatiin mugulelwekwak eng' tainnyi. Koiyai kioto eng' perberyo; amu kobooch nguno ko kenyooru lugoosyek agoi.”

EZRAH 7:28

ne kigoiitwa ak anee rireenet eng' taitap laitoryat ak kirwoogikyik ak eng' taitap pounik tugul che kiimeen che po laitoryat. Ak ki anyiganitu amu ki mi kobooto eutap Kamuktaindet ne Toroor Kamuktaindennyu ak kiayum eng' Israel piik che taagunotiin ketogoste tugul.

EZRAH 7:6

Ki togosta anyun Ezrah niito eng' Babilon. Ki siriindet ne ng'oom eng' ng'atuutigap Musa che kiga kogoochi Kamuktaindet ne Toroor, Kamuktaindetap Israel. Ki chamji laitoryat soomennyi tugul, ko uu ye kimi eutap Kamuktaindet ne Toroor Kamuktaindennyi paragunnyi.

EZRAH 7:9

Ki katoi kotogos eng' Babilon eng' peetuut ne po tai ne po arawet ne po tai ak eng' peetuut ne po tai ne po arawetap muut, koit Jerusalem ko uu ye ki mi ak ineendet euut ne myee ne po Kamuktaindennyi.

EZRAH 8:31

Eng' peetuutap taman ak aeng' ne po arawet ne po tai, keng'etye anyun eng' aineetap Ahaba ak keebe Jerusalem. Ki mi kobootech eutap Kamuktaindennyo ak kisarwech eng' eutap puunyoot ak ne kisapchinech eng' ooreet.

NEEMIA 2:9

Ki ait anyun ye mi pounik che ki mi aineet pitoniin, ak agoochi icheek paronogap laitoryat. Ki iyookto laitoryat kiptainigap lugeet ak piik che ketei paraisisyek kobooton.

TIENWOGIKAL 20:8

Terteryote icheek ak kobutyo, ago acheek ko kageng'eetye, ketononse.

TIENWOGIKAL 34:22

Ityachi Kamuktaindet ne Toroor saboonwegap kiboitiinikyik; ak ma kirwookyin agot agenge ne imang'u ineendet.

TIENWOGIKAL 90:11

Ng'oo ne ingen kimnateetap nereegeguk, Ak nereegeguk che ng'woneen, ko uu ye nyoljin kiywein?

RIREKAB JEREMIA 3:25

Myee Kamuktaindet ne Toroor eng' icheeget che igeni ineendet, eng' saboondo ne cheeng'ei ineendet.

ROMANIK 8:28

Ak kingen keele, eng' icheek che chamei Kamuktaindet, kotuitos tuguuk tugul si kobois koreu che myach eng' icheek che kigeguur ko uu magennyi.

1 KORINTOEK 9:15

Ago tomo aboisyee tuguuchooto agot agenge: ama sire tuguuchu ale keyaiywo ko uu nooto: amu kata kaigai ame kosiir kowal chii toroornatennyu koek puch.

2 KORINTOEK 7:14

Ak ngo ki amwachi ineendet kiy age tugul eng' lasetapkei agobo okweek, ko ki ma kikoono alilan; ago ko uu ye kigemwaiwok tuguuk tugul eng' iman, ko uu nooto kalasunennyo agine, ne ki amwa eng' taitap Tito, ko ki ek iman.

HEBRANIK 10:38

Ago sabei nenyu ne po imanda eng' kayaneet, Ak ngot kochuchuigei koma paibaitu muguleldanyu eng' ineendet.

JOSHUA 22:16

“Kamwa ko uu ni tuiyet komugul ne po Kamuktaindet ne Toroor kole, ‘Nee chalwogi kooyachi Kiptaiyat Kamuktaindetap Israel, kot omaste rani eng' kasubet ne osubi Kamuktaindet ne Toroor amu kooteekyigei kaptisisyet ak ongelelji Kamuktaindet ne Toroor rani?’

JOSHUA 23:16

“Ngo ngelelji kayomisetap Kamuktaindet ne Toroor Kamuktaindeng'wong', ne king'ataak ak obe oot kanamonik ak ogutung'ji, kolaldos anyun nereegegap Kamuktaindet ne Toroor agobo okweek ak ochakte obegu, owong'ugei eng' emoni karaaran kigogoonok ineendet.”

1 PETERO 3:12

Amu tokyingei konyegap Kiptaiyat che po imanda, ak kogasei iitiikyik soomennywa. Ago kirindoi togeetap Kiptaiyat che yaei yaityo.”