EZRAH 7:25 - Bukuit Ne Tilil

²⁵ Lewen inyee Ezrah ko uu utaatyetap Kamuktaindeng'ung' ne mi eung'ung', kirwoogik ak pounik che imuuchi koboi piik tugul che mi aineet pitoniin, icheek tugul che ingen ng'atuutigap Kamuktaindeng'ung' ak oneet ineendet ne ma ingen.

BUKUIT NE TILIIL Sireet ne Dutero Kanon

²⁵ Lewen inyee Ezrah ko uu utaatyetap Kamuktaindeng'ung' ne mi eung'ung', kirwoogik ak pounik che imuuchi koboi piik tugul che mi aineet pitoniin, icheek tugul che ingen ng'atuutigap Kamuktaindeng'ung' ak oneet ineendet ne ma ingen.

BUKUIT NE TILIL

²⁵ Lewen inye Esra ko u ng’omnatetab Kamuktaindeng’ung’ ne mi eung’ung’, kiruogik ak bounik che imuchi koboi bik tugul che mi ainet bitonin, ichek tugul che ingen ng’atutikab Kamuktaindeng’ung’, ak onet inendet ne maingen.

EZRAH 7:25 ပူးပေါင်းရင်းမြစ်များ

TAUNET 41:38

Ki leenji Pharaoh otwogikyik, “Kimuktoi ano kenyooru chiito ne uu chiichi ne tinyei Kabuusetap Kamuktaindet?”

TAUNET 41:39

Ki leenji anyun `Pharaoh Joseph, “Amu kagoboorun Kamuktaindet chooto tugul, ma mi anyun chiito ne tinyei naet ne nin ak utaatyet ko uu inyee.

1 LAITORINIK 3:28

Ki kas Israel tugul kirwooget ne ki irwooch laitoryat; ak ki iywei laitoryat, amu ki keer kole mi utaatyetap Kamuktaindet eng' ineendet, si kobiit korwooch.

2 LAITORINIK 17:27

Kong'at anyun laitoryatap Assyria kole, “Omut age eng' tisiik che ki omutu eng' olooto kwo komeny olooto ak koneet icheek agobo kiit ne uu Kiptaiyat Kamuktaindetap emonooto.”

1 ATEPTAP PEETUUSYEK 22:12

Ingogoonin Kamuktaindet ne Toroor kaguiyet ak naet, ak kogoonin ng'atuutyet agobo Israel, si kobiit iriip ng'atuutyetap Kamuktaindet ne Toroor Kamuktaindeng'ung'.

1 ATEPTAP PEETUUSYEK 23:4

Ki tononjin poisyetap kootap Kamuktaindet ne Toroor eliphuusyek tiptemu ak ang'wan eng' pichooto; ak ki eliphuusyek lo kiptainik ak kirwoogik.

EZRAH 10:4

Ng'eet anyun; amu neng'ung' ng'olyoondoniito ak kimi, kobooten ara nyiganitu ak iyai.”

EZRAH 6:6

Ki ng'at Laitoryat kole; “Ara oistegei anyun inyee Tatenai pounindetap aineet pitoniin, Setar-bosenai ak choronoguk Aparsakitik che mi aineet pitoniin.

EZRAH 7:10

Amu kiga kogiilgei eng' muguleldanyi Ezrah kocheeng' ng'atuutigap Kamuktaindet ne Toroor, koyai ak koneet kayomisutik ak kirwoogutik eng' Israel.

EZRAH 7:14

Amu kagoyookten laitoryat ak kirwoogikyik tisap iwe iteep agobo Judah ak Jerusalem ko uu ng'atuutyetap Kamuktaindeng'ung' ne mi kobooten.

NEEMIA 9:3

Kitononso eng' komostanywa, kosoman bukuitap Ng'atuutigap Kamuktaindet ne Toroor, Kamuktaindennywa eng' kebeberta agenge ne po ang'wan ne po peetuut. Ki ng'aany tengekwogikwak eng' kebeberta age ne po ang'wan ak kolas Kamuktaindet ne Toroor, Kamuktaindennywa.

TIENWOGIKAL 19:7

Ititaat ng'atuutyetap Kamuktaindet ne Toroor, ak koweechi saboondo. Po iman paornateetap Kamuktaindet ne Toroor, igoochin utaatyet chii ne yetyet.

KALEWANAIK 2:6

Amu igoitoi `Kamuktaindet ne Toroor utaatyet, mang'une kutinnyi naet ak kaguiyet.

KALEWANAIK 6:23

Amu kayomisutyet ko tait, ak ng'atuutyet ko lapkeiyet, ak kereetap kong' ne po katigonet ko ooreetap saboondo.

MALAKI 2:7

Amu kanyool koriip kutitap tisiindet naet, ak kocheeng' piik ng'atuutyet eng' ng'aleekyik; amu ineendet ko chiito ne iyooktoi Kamuktaindet ne Toroor ne po lugoosyek.

MATAYO 13:52

Koleenji anyun, “Ko uu nooto anyun, siriindet age tugul ne ki kineet komyee ng'aleegap pounatetap kipsengwet, ko kergei ak chiito ne po koot, ne inemu tuguuk che leelach ak che po keny eng' ole konoree tuguukyik che po kamanuut.”

MARIKO 6:34

Ak kingo lang' Jeso kogeer tuiyet ne oo, ak koriiregei icheek, amu ki uu keechiirek che ma tinyei mestowo; ak ki toi koneet icheek tuguuk che chaang'.

NG'ATUTIK 16:18

“Inde kirwoogik ak pounik kurgotiguk tugul che koonin Kamuktaindet ne Toroor Kamuktaindeng'ung' ko uu ortinweguk si korwookyi piik eng' kirwooget ne po imanda.

KOLOSAIK 1:28

ineendet ne kimwaitoi, ak kiteechini chii age tugul ak kineeti chii age tugul eng' utaatyet tugul, si kobiit kimut chii age tugul kogesunotkei eng' Kristo;

JAKOBO 1:5

Ago ngot kobetyi chii age tugul eng' okweek utaatyet, ko ingosoom Kamuktaindet, ne igoochin tugul eng' aiyebindo ama kere kong'; ak kigoochin ineendet.