EZRAH 4:24 - Bukuit Ne Tilil

²⁴ Ki tonon anyun poisyetap kootap Kamuktaindet ne mi Jerusalem agoi kenyiit ne po aeng' ne po laitornatetap Darius laitoryatap Persia.

BUKUIT NE TILIIL Sireet ne Dutero Kanon

²⁴ Ki tonon anyun poisyetap kootap Kamuktaindet ne mi Jerusalem agoi kenyiit ne po aeng' ne po laitornatetap Darius laitoryatap Persia.

BUKUIT NE TILIL

²⁴ Kotonon anyun boisietab gotab Kamuktaindet ne mi Jerusalem; ak kitonon agoi kenyit ne bo aeng’ ne bo laitornatetab Darius laitoriatab Persia.

EZRAH 4:24 ပူးပေါင်းရင်းမြစ်များ

EZRAH 3:8

Ak eng' kenyiit ne po aeng' ngap koit kootap Kamuktaindet eng' Jerusalem, kotoi Zerubabel weeriitap Shealtiel ak Jeshua weeriitap Josadak kobooto tupchosyekwak (tugul che tisiik, Lawiik ak luulenik tugul che kiga week Jerusalem) poisyet. Ki inde Lawiik, kobooch che po kenyiisyek tiptem ak che siirei, koriip poisyet ne po kootap Kamuktaindet ne Toroor.

EZRAH 4:23

Kingo kagesoman ng'aleegap parweetap Laitoryat Artaserses eng' taitap Reum ak Simsai siriindet ak choronokwak, kochaakta Jerusalem ole mi Yahudik, kwo kong'at icheek eng' koroomnateet ak kimnateet kobagaakta poisyet.

EZRAH 4:5

Ki igoochi `asoya kandoik che pcheu melekto, si kogirinda icheek kowal magennywa koek puch eng' peetuusyek tugul che po Cyrus laitoryatap Persia, agoi koit laitornatetap Darius laitoryatap Persia.

EZRAH 5:1

Kingo maoten maotichu; maotyot Haggai ak Zekariah weeriitap Ido, komaotenji Yahudik che ki mi Judah ak Jerusalem eng' kainetap Kiptaiyat Kamuktaindetap Israel,

EZRAH 5:5

Ago ki riip konyegap Kamuktaindennywa poisyegap Yahudik ak ma mwachi icheek kobagaach poisyonooto. Ki riip kot koit ng'olyoot kap Darius ak keeweech waluunet eng' parweet agobo ng'olyoondoniito.

EZRAH 6:1

Ki ng'at anyun Laitoryat Darius ak ki kicheeng' koot ne po bukuisyek ole ki kigonoree tuguuk eng' Babilon.

EZRAH 6:14

Kiteekso anyun poisyegap Yahudik ak koboor eng' maonateetap maotyot Haggai ak Zekariah weeriitap Ido. Kiteekso ak ki iges ko uu ng'atuutyetap Kiptaiyat Kamuktaindetap Israel ak ko uu ng'atuutyetap Cyrus, Darius ak Artaserses laitoryatap Persia.

EZRAH 6:15

Ki kigees anyun koyooto eng' peetuut ne po somok eng' arawetap Adar ne ki po kenyiit ne po lo eng' laitornatetap Laitoryat Darius.

NEEMIA 6:3

Ki ayookyi piik icheek koba koleenji, “Ayae poisyet ne oo, ara anyun ma muuchi achoorge. Tos amu nee si kotonon poisyet ko kachooruge anyoo ole omi?”

NEEMIA 6:9

Kita machei pichooto tugul komuech, amu ki ibwaati kole, “Nyaluldos eunekwak eng' poisyet, si ma yaak.” Ago ki agimiit anyun eunekyuk.

Kitabuutap JOB 20:5

ile, nwach poiboiyetap kiptengeginik, ak po sait ne ming'in kagasetapkei ne po ne ma iywei Kamuktaindet?

DANIEL 11:2

Aboorun anyun ne po iman. Keero, ta kobiitu laitorinik somogu eng' Persia; ak egu mogoryot miising' ne po ang'wan kosiir chuun tugul. Ak ye kagogimiit amu mogornatosyekyik, kong'eet piik tugul kobargei ak pounatetap Greece.

DANIEL 9:25

Nai anyun ak iguiye ile kobooch ngap komong' ng'atuutyet keele kituur ak keteech Jerusalem, keteekyi ineendet ne iilaat, pounindet, koegu wigisyek tisap; ak keteech kogeny eng' wigisyek tamanwogik lo ak aeng', kobooto ooreet ak keriinget ne yiemei nganaseet, ago eng' peetuusyegap nyalil.

HAGGAI 1:1

Ki nyoonji `ng'olyootap Kamuktaindet ne Toroor Zerubabel weeriitap Shealtiel pounindetap Judah, ak Joshua weeriitap Jehosadak tisiindet ne oo, eng' maotyot Haggai eng' kenyiit ne po aeng' kolaitorani Darius, eng' peetuut ne po tai ne po arawet ne po lo, koleenji,

HAGGAI 1:15

eng' peetuutap tiptem ak ang'wan ne po arawetap lo, eng' kenyiit ne po aeng' ne po Laitoryat Darius.

HAGGAI 2:15

Ak asoomok anyun nguno, ale obwaat kobooch peetuuniito ak kwo tai, kobooch peetuut ne ki kinde koita agenge paragutap koita age eng' hekaluutap Kamuktaindet ne Toroor.

HAGGAI 2:18

Asoomok ale, obwaat, kobooch peetuuni ak kwo tai, kobooch peetuutap tiptem ak ang'wan ne po arawetap sogool, kobooch peetuut ne ki kilumee lumeiywotap Hekaluutap Kamuktaindet ne Toroor, obwaat anyun.

SEKARIA 1:1

Eng' arawetap sisiit eng' kenyiit ne po aeng' ne po laitornatetap Darius ko ki nyoonji `ng'olyootap `Kamuktaindet ne Toroor maotyot Zekariah weeriitap Berekiah weeriitap Ido, koleenji

1 THESSALONIKEK 2:18

amu ki kimache kebwa olong'wong', agot anee Paulo, ko ki amache ak kota amache; ago kiraanyech Setani.