EZRAH 4:12 - Bukuit Ne Tilil

¹² Ingonaak eng' laitoryat kole Yahudik chooto kobunu oldang'ung' ko kogoitwech ak kogoit Jerusalem ak koteechei kogeny nganasanooto ya ago ngelelyo. Teechei kogeny irimoik ak lumeiywot ne kiga kobutok.

BUKUIT NE TILIIL Sireet ne Dutero Kanon

¹² Ingonaak eng' laitoryat kole Yahudik chooto kobunu oldang'ung' ko kogoitwech ak kogoit Jerusalem ak koteechei kogeny nganasanooto ya ago ngelelyo. Teechei kogeny irimoik ak lumeiywot ne kiga kobutok.

BUKUIT NE TILIL

¹² Ingonaak eng’ laitoriat kole, Yahudik che kibunu oldang’ung’ ko kogoitwech eng’ Jerusalem; teechei nganaset ne ngeleliot ak ko ya, ak kogoges irimoik, ak kogoteech kogeny lumeiywot ne kiga kobutok.

EZRAH 4:12 ပူးပေါင်းရင်းမြစ်များ

2 LAITORINIK 18:20

Ing'alaali ile, mi kirwooget ak kimnateetap lugeet, ago ng'aleegap puch. Ara ng'oo ne imang'u, si ingelelja?

2 LAITORINIK 24:1

Ki togos Nebukadnezar laitoryatap Babilon eng' peetuusyekyik, ak ki ek Jehoiakim otwogindennyi kenyiisyek somok, ago kingo pata kongelelji ineendet.

2 ATEPTAP PEETUUSYEK 36:13

Ak ki ingelelji kogeny Laitoryat Nebukadnezar, ne ki kabirchi koyasyo eng' Kamuktaindet: ago ki iuit kaatinnyi ak muguleldanyi, ma weekyigei Kamuktaindet ne Toroor, Kamuktaindetap Israel.

EZRAH 4:11

Chu anyun ng'aleek che po parwaanooto ki kiyooktochin Laitoryat Artaserses: “Kigotiin acheek otwogiguk che kemi pitoni.

EZRAH 4:15

si kobiit kecheeng' eng' bukuit ne po ng'aleegap peetuusyegap kwanisyeguk. Inyooru eng' bukuinooto po ng'aleegap peetuusyek ak inai ile ngelelyo nganasani ak koiimi laitorinik ak emotinwek, ak kigong'eet chaamset kobooch keny. Nooto anyun amu ne si keng'em nganasaniito.

EZRAH 4:19

Koang'at ak kogecheeng', ak koginyoor keele kobooch keny ko ki kongelelji `nganasaniito laitorinik ak ki kobiitune ngelelnateet ak chaamset.

EZRAH 5:3

Ki pwanji icheek eng' peetuusyechooto Tatenai ne ki pounindet eng' aineet pitoniin, Setar-bosenai ak choronokwak ak koteebe icheek koleenji, “King'ataak ng'oo ogetyigei teekseetap kooi ak ogesu inatuni?”

EZRAH 5:9

Ki kiteebe anyun poisyechooto, keleenji, “King'ataak ng'oo ogetyigei teekseetap kooi ak ogesu inatuni?”

NEEMIA 1:3

Kimwaiwo icheek kole, “Tinyei nyalilda ne oo ak churisyet eng' emonooto piik che ki ng'et eng' che kiga keluul. Ki kobutok agine irimeetap Jerusalem ak ki kebeel ormariichokyik.”

NEEMIA 6:6

ne ki kisir keele mwaat eng' pororyosyek ak komwaei Gasmu ko uu nooto kole inyee ak Yahudik ko ongelel. Ara nooto ne koonok oteech irimeet, ak ne siirei ko mwaat keele imache iegu laitoryannywa.

ESTA 3:8

Kingo yaak ko uu nooto, koleenji `Haman Laitoryat Aasuerus, mi piik alak che kiyom emet ak koiyestaat eng' kwenutap piik eng' emotinwek tugul che po laitornateng'ung' ak teerchiin ng'atuutikwak ak che po piik alak tugul, ama riibei icheek ng'atuutigap laitoryat; matoreti kiy anyun eng' laitoryat kobagaakta icheek.

JEREMIA 52:3

Ak ki piitune tuguuchooto nereegegap Kamuktaindet ne Toroor eng' Jerusalem ak Judah kot kotimda icheek koba eng' tainnyi. Ak ki ingelelji Zedekiah laitoryatap Babilon.

DANIEL 3:8

Ki riik anyun eng' sainooto Kaldeik alage koip kataamset ne kitaame Yahudik.

DANIEL 9:25

Nai anyun ak iguiye ile kobooch ngap komong' ng'atuutyet keele kituur ak keteech Jerusalem, keteekyi ineendet ne iilaat, pounindet, koegu wigisyek tisap; ak keteech kogeny eng' wigisyek tamanwogik lo ak aeng', kobooto ooreet ak keriinget ne yiemei nganaseet, ago eng' peetuusyegap nyalil.

LUKA 13:34

“Ee, Jerusalem, Jerusalem, inyee ne ibare maotik, ak ilage koik che kiyogun! Ki amach konyil ata ayum lagoguk, ko uu ngokyet ne iyumjin aarekyik kebebaikyik, ago ki ma ocham!

POISYONIGAP CHE KIYOKTOI 24:5

amu ki kegeer chiichi keele ineendet ko chii ne itoitos piich, ne ing'eeti chemerereet eng' Yahudik tugul eng' ng'wony komugul, ak kandoindet ne po kasubiigap Nazaretik.

1 THESSALONIKEK 5:22

oistoegei kiy age tugul ne ya.