EZRAH 2:1 - Bukuit Ne Tilil

¹ Chu anyun ko piigap emonooto che kiga togos kobunu ole kiga kiluulji, che kiga iluul Nebukadnezar laitoryatap Babilon koba Babilon; che kiweegis koba Jerusalem ak Judah, kwo chii tugul nganasennyi.

BUKUIT NE TILIIL Sireet ne Dutero Kanon

¹ Chu anyun ko piigap emonooto che kiga togos kobunu ole kiga kiluulji, che kiga iluul Nebukadnezar laitoryatap Babilon koba Babilon; che kiweegis koba Jerusalem ak Judah, kwo chii tugul nganasennyi.

BUKUIT NE TILIL

¹ Chu anyun ko bikab emonoto, che kiga togos kobunu ole kiga kiluulji, che bo che kiga kiluul, che kiga luul Nebukadnesar laitoriatab Babulon koba Babulon, che kiweek koba Jerusalem ak Juda, kiwa chi tugul nganasennyi;

EZRAH 2:1 ပူးပေါင်းရင်းမြစ်များ

2 LAITORINIK 25:11

Ki imut koluul `Nebusaradan kiptaiyatap riibiik piik che kiga ng'et eng' nganaseet, che kiga chililso, che ki igoochigei laitoryatap Babilon ak piigap tuiyet che kiga ng'et.

1 ATEPTAP PEETUUSYEK 9:1

Ki kiit anyun Israel tugul kobee tetuutigap ibinwekwak che ki kosiirto ak ki kisirchi kitabuutap laitorinigap Israel. Ki kimut Judah keluul kwo Babilon amu pistoennywa.

1 ATEPTAP PEETUUSYEK 9:2

Piik che tai che kisip komeny ole po porotennywa eng' nganasookwak ko ki Israel, tisiik, Lawiik ak otwogigap Hekaluut.

EZRAH 1:11

Tereenik tugul che po thahabu ak fedha, ko ki ek eliphuusyek muut ak pogol ang'wan. Ki ip Sesbasar chuuto tugul kotogos, ye ki kimutu luulenik kotogos kobunu Babilon kobwa Jerusalem.

EZRAH 2:2

Kigabwa icheek kobooto Zerubabel, Jeshua, Nehemiah, Seraiah, Reelaia, Mordekai, Bilsan, Mispar, Bigbai, Reum ak Baanah. Koitetap murenigap piigap Israel:

EZRAH 2:70

Ki meny anyun nganasookwak tisiik, Lawiik, piik alak, tyeniik, riibiigap kurgotik, otwogigap Hekaluut ak Israel tugul eng' nganasookwak.

EZRAH 5:8

Myee konaak eng' laitoryat kole ki kibe emetap Judah agoi kootap Kamuktaindet ne oo, ne kiteechee koik che eecheen ak kindoi pagoinik inatusyek; wendi tai poisyoni eng' kagiiletapkei ak koberuurot eng' eunekwak.

EZRAH 6:2

Ak ki kinyoorchi kitabuut Ekbatana eng' kootap laitoryat ne mi emetap Media, ne ki kisir ko uu ni koek kabwaatet:

EZRAH 8:35

Ki igoito lagogap luulenik, che ki weeksei eng' ole ki kiluulji, kagoochinoik che kibeelei kogoochi Kiptaiyat Kamuktaindetap Israel; kiruugik taman ak aeng' agobo Israel tugul, mengichik tamanwogik sogool ak lo, aaregap kechir tamanwogik tisap ak tisap, kwesik taman ak aeng', koek kagoochinetap tengekto. Ki ek chuuto tugul kagoochinet ne kibeeljin Kamuktaindet ne Toroor.

NEEMIA 12:1

Chu anyun ko Tisiik ak Lawiik che kitogosta kobooto Zerubabel weeriitap Shealtiel ak Jeshua: Seraiah, Jeremiah, Ezrah,

ESTA 1:1

Ki yaak ko uu ni eng' peetuusyegap Aasuerus, nooto ne ki laitorani kobooch India agoi Kush nooto Ethiopia, kobou emotinwek pogol ak tiptem ak tisap

ESTA 1:11

komut Basti osotyotap laitoryat konyo taitap laitoryat kolaaganu naaryeet ne po laitornatet, si koboorchi karaaranindanyi piik ak pounik amu ki tinyei itoon ne karaaran.

ESTA 1:3

eng' kenyiit ne po somok ne po laitornatennyi, ko ki yachi igoorto pounikyik tugul ak otwogikyik. Ki mi tainnyi piik che taagunotiin ak pounigap emotinwek, che ki kimnateetap Persia ak Media.

ESTA 1:8

Ko uu ng'atuutyetap Laitoryat, ko ki ee icheek ak ko ki ma kibirchi chii, amu kiga kong'at laitoryat kiptainigap divaik tugul che po koonnyi koyai ko uu ye machei chii tugul.

ESTA 8:9

Ki kiguur anyun siriigap laitoryat peetuunooto, eng' peetuutap tiptem ak somok eng' arawetap somok, nooto ko arawetap Siban. Ki kisir ko uu tuguuk tugul che kiga ng'atyi Mordekai Yahudik, kandoik pounik ak kiptainigap emotinwek che ki mi kong'etee India agoi Kush, emotinwek pogol ak tiptem ak tisap. Ki kisirchi emet age tugul eng' siruutikyik ak pororyet age tugul eng' kutinnywa ak ki kisirchi Yahudik ko uu siruutikwak ak eng' kutinnywa.

ISAIAH 48:20

Omande eng' Babilon, omwei eng' Kaldea; obarte eng' cheetap tyendo, omwaite niito, omwa kogasak agoi ole pooch ng'wony: omwa ole, Kigotyach Kamuktaindet ne Toroor Jakobo otwogindennyi.

JEREMIA 50:19

Ak aweech Israel kogeny konyo ole agetye, ak koyagisye Karmel ak Bashan, ak kobiyo saboondanyi eng' tuloonoogap Ephraim ak eng' Gilead.

RIREKAB JEREMIA 1:3

Ki kiluul Judah kwo nyalil, ak otwoknateet ne oo. Menyei nguno kwenutap pororyosyek ak ma sichei kamung'et. Kagonam ineendet `usiikyik tugul eng' ole pichiy.

RIREKAB JEREMIA 1:5

Ki koek `usiikyik kandoik, ak koboor puunikyik. Kogonyaliil `Kamuktaindet ne Toroor ineendet amu chaang'indap pistaosyekyik. Kogimut lagokyik keluul eng' taitap puunyoot.

RIREKAB JEREMIA 4:22

Piretap tengektong'ung', ee cheptap Zion ko kagosulda; ma komutin kogeny keluulin: ago tengektong'ung', ee cheptap Edom, ko iityin ineendet pireet, ng'aanyei tengekwogiguk kotook.

SEPANIA 2:7

Ak kobunji ngeguut piik che ki ng'et che po kootap Judah; iyage akwotisyekwak olooto: eng' kooriigap Askelon koskoleny; amu rutochin Kamuktaindet ne Toroor Kamuktaindennywa, ak komut icheek kogeny eng' ole kiga kiluulji.

POISYONIGAP CHE KIYOKTOI 23:34

Ak ye kiga kosoman parweet, koteebe icheek koleenji, ano emetap chiichi? Ak kingo kas keele, po ineendet Cilicia,