EZRAH 10:11 - Bukuit Ne Tilil

¹¹ Ong'aang'ji anyun Kamuktaindet ne Toroor, Kamuktaindetap kwanisyekwok ak oyai kiit ne chamei. Otabaanegei piigap emet ak kwonyiik che toek.”

BUKUIT NE TILIIL Sireet ne Dutero Kanon

¹¹ Ong'aang'ji anyun Kamuktaindet ne Toroor, Kamuktaindetap kwanisyekwok ak oyai kiit ne chamei. Otabaanegei piigap emet ak kwonyiik che toek.”

BUKUIT NE TILIL

¹¹ Ong’ang’ji anyun Jehovah, Kamuktaindetab kwanisiekwok, ak oyai kit ne chamei: ak otabange bikab emet, ak kwonyik che toek.

EZRAH 10:11 ပူးပေါင်းရင်းမြစ်များ

2 ATEPTAP PEETUUSYEK 30:22

Kicheer anyun `Hezekiah Lawiik tugul che ki ineetatin eng' otisyetap Kamuktaindet ne Toroor. Koamis anyun eng' igoorto tugul eng' peetuusyek tisap, kogoitoi tiseiywek che po kaalyeet, ak komwachin kongoi Kamuktaindet ne Toroor, Kamuktaindetap kwanisyekwak.

EZRAH 10:10

Yeityo kotonon anyun Ezrah tisiindet ak koleenji icheek, “Ki ochiliil ak ki otun tiibiik che salu saang' ak otes ng'oogistap Israel.

EZRAH 10:12

Ki wol anyun tuiyet tugul eng' kutit ne oo kole, “Ko uu ye kaimwa agobo acheek, konyaaljinech keyai.

EZRAH 10:3

Ongiyomiske anyun ak Kamuktaindennyo keiste osotik tugul ak lagok che kisichei osotichooto ko uu ng'olyoondeng'ung' inyee kiptaiyandennyu ak ne po icheeget che kabotanso amu ng'atuutyetap Kamuktaindennyo ak ingoyaak ko uu ng'atuutyet.

EZRAH 9:1

Kingo kagoyaak tuguuchu, kobwonjo kandoik ak koleenjo, “Ma itabaanegei piigap Israel ak Tisiik ak Lawiik piigap emotinwek; yaei tuguuk che kiwechei che po Kanaanik, Hitik, Perisik, Jebusik, Amonik, Moabik, Misiriik ak Amorik.

NEEMIA 13:3

Kingo kas icheek Ng'atuutyet, koisto tuiyet tugul piik che salu pororyosyek alak komang'une Yahudik.

NEEMIA 9:2

Ki itabaanegei `iyoteetap Israel toek tugul yeityo kotononso kong'aany tengekwogikwak ak tengekwogigap kwanisyekwak.

TIENWOGIKAL 32:5

Ki amwaun chalwoktanyu, ak ma aung'enen tengektonyu; ki ale, “Ang'aang'jini Kamuktaindet ne Toroor pistaosyekyuk;” ak ki inyoiywa kaat chalwoktap tengektonyu.

KALEWANAIK 28:13

Ma nyooru perurto ineendet ne unyei pistaosyekyik, ago nyooru rireenet age tugul ne ng'aanyei ak kometo.

ISAIAH 56:4

Amu mwaei Kamuktaindet ne Toroor ko uu ni agobo sirorinik che riibei sabatosyekyuk, ak che leweni tuguuk che iboiboa, ak che namei miising' kayomisennyu:

JEREMIA 3:13

Ng'aany tengektong'ung' kityo; ile ki ingelelji Kamuktaindet ne Toroor Kamuktaindeng'ung' ak ki iseerchi toek ortinweguk eng' kelutap keetit age tugul ne tuon ak ma ogasa iit kutinnyu, mwaei Kamuktaindet ne Toroor.

JEREMIA 7:3

Mwaei Kamuktaindet ne Toroor ne po lugoosyek, Kamuktaindetap Israel kole: Olitit ortinwekwok ak poisyonikwok, si agoonok omeny yuto.

EZEKIEL 18:30

Arwookwok anyun, ee kootap Israel, chii age tugul ko uu ortinwekyik, mwaei Kiptaiyat Kamuktaindet ne Toroor. Oweege, ak owalage, omete pistaosyekwok tugul; si ma ek tengekto ng'emisyeng'wong'.

JOHANA 9:24

Ki kuur anyun ne po aeng' pichooto chiichooto ki koraat, ak koleenji, “Igoochi Kamuktaindet kalasunet: kingen keele kiptengekyo chiichi.”

ROMANIK 12:2

Amoyaniegei ateptap peetuusyechu: ago ingewalak eng' kaleelitetap kabwaatutikwok, si kobiit onai komyee mageet ne myee ne po Kamuktaindet, ne tachaksei ak kogesunotkei.

2 KORINTOEK 6:17

Nooto anyun omong'u eng' kwenunnywa, Ak otabaange, mwaei Kiptaiyat, Amotwaa kiy ne po simdo; Si ataachak,

KOLOSAIK 1:10

si obendate ko uu ye nyolu eng' Kiptaiyat, oboiboi ineendet, oitosi logoek eng' poisyet age tugul ne myee, ak otesage eng' naetap Kamuktaindet;

HEBRANIK 13:21

oegu che ochobootiin eng' poisyet age tugul ne myee si oyai magennyi, koyai eng' icheek che chamaksei miising' eng' tainnyi, eng' Jeso Kristo; ne nenyi toroornatet koigeny ak koigeny. Amen.

JOSHUA 7:19

Koleenji Joshua Akan, “Weeriinnyu asaain ale, igoochi toroornatet Kamuktaindet ne Toroor, Kamuktaindetap Israel. Ng'aang'ji ineendet ak imwaiwo nguno kiit ne koiyai, mat iung'ena.”