EZRAH 1:2 - Bukuit Ne Tilil

² “Kamwa ko uu ni Cyrus laitoryatap Persia, ‘Ki koono Kamuktaindet ne Toroor, Kamuktaindetap kipsengwet laitornatosyek tugul che po ng'wony, ak kagong'ata ateekyi koot eng' Jerusalem ne mi Judah.

BUKUIT NE TILIIL Sireet ne Dutero Kanon

² “Kamwa ko uu ni Cyrus laitoryatap Persia, ‘Ki koono Kamuktaindet ne Toroor, Kamuktaindetap kipsengwet laitornatosyek tugul che po ng'wony, ak kagong'ata ateekyi koot eng' Jerusalem ne mi Judah.

BUKUIT NE TILIL

² Kamwa ko u ni Kirus laitoriatab Persia, kole, Kigona Jehovah, Kamuktaindetab kipsengwet, bounatosiek tugul che bo ng’ony; ak king’ata ateekyi got eng’ Jerusalem, ne mi Juda.

EZRAH 1:2 ပူးပေါင်းရင်းမြစ်များ

1 LAITORINIK 8:27

“Ago tos meny Kamuktaindet ng'wony iman? Keero, ma yamin kipsengwet itebee, anan kipsengwet ne po parak miising', ko ming'in ne tya anyun kooi koateech!

2 ATEPTAP PEETUUSYEK 2:12

Iberuurot Kamuktaindet ne Toroor, Kamuktaindetap Israel, ne ki yai kipsengwet ak ng'wony! Ne Ki kogoochi Laitoryat Daudi weeriit ne ng'oom, ne ki kigoochi kaguiyet ak naet, si kobiit koteekyi koot Kamuktaindet ne Toroor ak koot ne po pounatennyi.

EZRAH 1:5

Ki ng'eetyo anyun che eecheen eng' kandoigap kooriigap kwanisyek che po Judah ak Benjamin ak tisiik, kobooto Lawiik, ak tugul che ki ing'eet Kamuktaindet saboonwekwak kotogosta koba koteech kootap Kamuktaindet ne Toroor ne mi Jerusalem.

EZRAH 3:7

Ki igoochi kogeny fedhaisyek musogigap koik, ak che po pagoinik, ak kogoochi piigap Sidon ak che po Tyro amitwogik, che kieei ak mwanik, si kobiit koip taragonik eng' Lebanon kobwa nyanjetap Mediterenian, agoi Joppa, ko uu ye kiga koyanji Cyrus laitoryatap Persia.

EZRAH 4:3

Ago ki leenji icheek `Zerubabel kobooto Jeshua ak kandoik tugul che po kooriigap kwanisyek che po Israel, “Ma kiting'egei yamdao ak okweek keteech tugul kootap Kamuktaindennyo. Ago kiteekyini acheegei `koot Kamuktaindet ne Toroor, Kamuktaindetap Israel, ko uu ye king'atech laitoryat Cyrus laitoryatap Persia.”

EZRAH 5:15

ak ki leenji ineendet, ‘Ip tereenichu ak iwe Hekaluut ne mi Jerusalem ak ingeteech kootap Kamuktaindet eng' ole kimi yeginye.’

EZRAH 6:10

si kobiit kogoochi Kamuktaindetap kipsengwet korosegap nyamdutik che anyiny ak kosa agobo saboondap laitoryat ak weeriikyik.

EZRAH 6:3

Eng' kenyiit ne po tai ne po Laitoryat Cyrus, koyai Cyrus ng'atuutyet agobo kootap Kamuktaindet eng' Jerusalem kole ngeteech koot, ole kigoitoe tiseiywek, ak kelumda lumeiywekyik kouegitu; ingoek kooindap tononennyi mitainik tamanwogik lo che po euut ak tebeesindanyi mitainik tamanwogik lo che po euut,

EZRAH 7:12

Anee Artaserses, laitoryatap laitorinik, asirchini Ezrah tisiindet, siriindetap ng'atuutigap Kamuktaindetap kipsengwet ne ititaat; Taach chametapkei.

NEEMIA 1:4

Ye kinga kas ng'aleechuuto, atep ng'wony ariir ak aaragen eng' peetuusyek alak, ki arugutkei ak asaa eng' taitap Kamuktaindetap kipsengwet.

NEEMIA 1:5

Yeityo ale; “Asaain, ee Kamuktaindet ne Toroor, Kamuktaindetap kipsengwet, Kamuktaindet ne oo ne po kwong'eet, ne riibei arorutyet ak rireenet eng' icheeget che chamei ineendet ak koriibei ng'atuutikyik:

TIENWOGIKAL 136:26

Ee oweekyi kongoi Kamuktaindetap kipsengwet, amu tebyei rireenennyi koigeny.

TIENWOGIKAL 85:2

Ki inyochi kaat piiguk eng' tengekwogikwak, ki ituch tengektonywa tugul.

KALEWANAIK 21:1

Uu ainoosyek muguleldap laitoryat eng' eutap Kamuktaindet ne Toroor; imuti kotokyigei oldo tugul ole machei.

ISAIAH 41:2

Ng'oo ne ki ing'eet ineendet ne punu kong'asiis, ne kuurei eng' imanda konyo keelyekyik? Igoitoi pororyosyek eng' tainnyi, ak kogoochi ineendet koboi laitorinik; igoochin icheek koigei temburyek eng' rotwennyi po chok, ko uu meteteek che arureni, eng' taitap kwangennyi.

ISAIAH 44:26

ne igimiti ng'olyootap otwogindennyi, ak kosuldoi kirwoogetap chechiik che kiyooktoi; ne mwaei agobo Jerusalem kole, tuun ki menyei; ak komwaei agobo nganasoogap Judah kole, tuun kiteechei, ak ang'eet komoswekyik che ki koek karatwek:

ISAIAH 44:28

ne mwaei agobo Cyrus kole, ineendet ko mestowondennyu, ak koyaei ineendet tuguuk tugul che achame: mwaei kogeny agobo Jerusalem kole, tuun kiteechei, ak komwachin Hekaluut koleenjin, Tuun kilumei lumeiyweguk.

ISAIAH 45:1

Mwachin `Kamuktaindet ne Toroor Cyrus, nenyi ne iilaat, ne aname eunnyi ne po tai, koterteer pororyosyek eng' tainnyi, ak atyach suenutigap laitorinik; si ayaat kurgotik eng' tainnyi, ama kigerei ormariichok, komwaei kole;

ISAIAH 66:1

Mwaei Kamuktaindet ne Toroor kole, kipsengwet ko ng'echerennyu ne po laitornatet, ak ng'wony ko ng'echereetap keelyekyuk: oteekwo koot ne uu nee? Ak komosta ano ole amuung'e?

JEREMIA 10:11

Mwachi anyun icheek ko uu ni ileenji, “Petos eng' ng'wony ak eng' kurereetap kipsengwet kamuktaik che ki ma koyaei kipsengwet ak ng'wony.

JEREMIA 27:5

Ki ayai ng'wonyuni, chii ak tyony che miitei ng'wony, eng' kamuktaennyu ne oo ak eunnyu ne chuulaat; ak agoochi emoniito ineendet ne ageere ale nyolu agoochi.

JEREMIA 29:10

Amu mwaei Kamuktaindet ne Toroor kole, ye ibata kenyiisyek tamanwogik tisabu omi Babilon, arutochok, ak asuldawok ng'olyoondennyu ne myee, amutwok obwa olito.

DANIEL 1:21

Ak ki tebi Daniel agoi kenyiitap tai ne po Laitoryat Cyrus.

DANIEL 2:21

Wolei peetuusyek ak kenyiisyek, istoi laitorinik, ak koeeti laitorinik; igoochin utaatyet che utaatiin, ak kogoochin naet icheek che ingen kaguiyet.

DANIEL 2:28

ago mi Kamuktaindet kipsengwet ne ng'aanyei ung'ootik, ak kagoboorchi Laitoryat Nebukadnezar tuguuk che tuun piitu eng' peetuusyek che po let. Karwotitoeng'ung' ak ng'ang'utik che ki pwa meting'ung' eng' itogung'ung' ko chu:

DANIEL 4:25

keele ki onin iwe eng' ole mi piik, ak imeny kobooto tyong'igap timiin, ak kegoonin iaget ko uu tuuga, ak kobutyin rewoot, kot kogeskei peetuusyek che ki king'at, konyil tisap; agoi inai ile pou Ineendet Ne Toroor Miising' pounatetap piik, ak kogoochin age tugul ne makyin.

DANIEL 4:32

Ki onin eng' ole mi piik, ak imeny kobooto tyong'igap timiin. Ki koonin iagete ko uu tuuga, agoi kogeskei peetuusyek che ki king'at, konyil tisap; agoi inai ile pou Ne Toroor Miising' pounatetap piik ak kogoochin age tugul ne makyin.”

DANIEL 5:23

Ago ki ietkei obelgei ak Kiptaiyat ne po kipsengwet; ak kogeip tereenigap koonnyi kobwa taing'ung', ak kooee divaik, inyee ak kiptainiguk, osotiguk ak chebaigeiniguk; ak koilasu kanamonigap fedha, ak che po thahabu, che po sugunwet, che po kariik, che po keetiik, ak che po koik, che ma keertoi, ama kastoi, amaingen kiy. Ama itoroor Kamuktaindet ne tinyei kabuseng'ung' eng' eunnyi, ak chechiik ortinweguk tugul.

DANIEL 6:25

Ki sirchi anyun `Laitoryat Darius piik ak pororyosyek tugul ak che po kutusweek tugul che menyei ng'wony komugul; koleenji, “Ingotesak kaalyeet eng' okweek!

JONAH 1:9

Ak ki leenji icheek, “Aa Hebranindet, ak aiywei Kamuktaindet ne Toroor, Kamuktaindetap kipsengwet, ne ki yai nyanjet ak emet.”