ESTA 9:3 - Bukuit Ne Tilil

³ Ak ki ityi toreteet Yahudik kobun kiptainik tugul che po emotinwek, ak kandoik, ak pounik, ak icheek che kiyaei poisyetap laitoryat, amu kiga koityi icheek kaiyweisyet ne ki iywei Mordekai.

BUKUIT NE TILIL

³ Ak kitoret Yahudik kiptainik tugul che bo emotinwek, ak kandoik, ak bounik, ak ichek che kiyaei boisietab laitoriat; amu kiga koityi ichek kaiyweisiet ne kiiywei Mordekai.

ESTA 9:3 ပူးပေါင်းရင်းမြစ်များ

EZRAH 2:2

Kigabwa icheek kobooto Zerubabel, Jeshua, Nehemiah, Seraiah, Reelaia, Mordekai, Bilsan, Mispar, Bigbai, Reum ak Baanah. Koitetap murenigap piigap Israel:

EZRAH 8:36

Ki igoochi kora ng'atuutigap laitoryat kandoik che po kaplaitoryat ak pounik che ki mi aineet pitoniin, ak kitoret piik ak kootap Kamuktaindet.

ESTA 3:12

Ki kiguur anyun siriigap laitoryat kobwa eng' arawet ne po tai eng' peetuutap taman ak somok, ak ki kisir ko uu tugul che ki ng'at Haman kong'atyi kiptainigap che mi kaplaitoryat, pounik che ki pou emet age tugul ak kiptainigap pororyet age tugul. Ki kisirchi emet age tugul ko uu sirennyi ak pororyet age tugul ko uu kutinnywa. Ki kisir eng' kainetap Laitoryat Aasuerus ak ki king'ooch eng' peteitap laitoryat.

ESTA 8:17

Ak ki tinyei kagasetapkei ak poiboiyet, igoorto ak peetuut ne oo eng' emet age tugul ak eng' nganaseet age tugul, oldo tugul ole kiga it ng'olyootap laitoryat ak ng'atuutyennyi. Kiwalgei piik che chaang' che po emet koek Yahudik, amu kiga koityi icheek kaiyweisyet ne ki iywei Yahudik.

ESTA 8:5

Ak kole, “Ngot koboiboi niito laitoryat ak ngot ko kaanyooru chameet eng' tainnyi, ak ngot kogeer laitoryat kole myee ng'olyoondonooto ak aboiboi ineendet, ko ingesir kewal paronok che kichobei Haman weeriitap Hamedata Agagindet, che kisir kole keng'em Yahudik che mi emotinwek tugul che po laitoryat.

ESTA 8:9

Ki kiguur anyun siriigap laitoryat peetuunooto, eng' peetuutap tiptem ak somok eng' arawetap somok, nooto ko arawetap Siban. Ki kisir ko uu tuguuk tugul che kiga ng'atyi Mordekai Yahudik, kandoik pounik ak kiptainigap emotinwek che ki mi kong'etee India agoi Kush, emotinwek pogol ak tiptem ak tisap. Ki kisirchi emet age tugul eng' siruutikyik ak pororyet age tugul eng' kutinnywa ak ki kisirchi Yahudik ko uu siruutikwak ak eng' kutinnywa.

DANIEL 3:2

Yeityo koyookto Laitoryat Nebukadnezar kiyum pounik, kandoik, kirwoogik che tilei ng'aleek, riibiigap tuguuk, piigap kapkirwook, ng'amotigap ng'atuutik ak tononjinik tugul che po emotinwek, kobwa katabaanetap kanamwet ne kiga lumda Laitoryat Nebukadnezar.