ESTA 9:17 - Bukuit Ne Tilil

¹⁷ Ki yaak ng'olyoondonooto eng' peetuutap taman ak somok eng' arawetap Adar, ak ki imuuny eng' peetuutap taman ak ang'wan ne po arawanooto ak ki yai koek peetuutap igoorto ak kagasetapkei.

BUKUIT NE TILIL

¹⁷ Kiyaak ng’olyondonoto eng’ betutab taman ak somok eng’ arawetab Adar; ak kiimuuny eng’ betutab taman ak ang’wan ne bo arawanato, ak kiyai koek betutab igorta ak kagasetab ge.

ESTA 9:17 ပူးပေါင်းရင်းမြစ်များ

ESTA 3:12

Ki kiguur anyun siriigap laitoryat kobwa eng' arawet ne po tai eng' peetuutap taman ak somok, ak ki kisir ko uu tugul che ki ng'at Haman kong'atyi kiptainigap che mi kaplaitoryat, pounik che ki pou emet age tugul ak kiptainigap pororyet age tugul. Ki kisirchi emet age tugul ko uu sirennyi ak pororyet age tugul ko uu kutinnywa. Ki kisir eng' kainetap Laitoryat Aasuerus ak ki king'ooch eng' peteitap laitoryat.

ESTA 8:9

Ki kiguur anyun siriigap laitoryat peetuunooto, eng' peetuutap tiptem ak somok eng' arawetap somok, nooto ko arawetap Siban. Ki kisir ko uu tuguuk tugul che kiga ng'atyi Mordekai Yahudik, kandoik pounik ak kiptainigap emotinwek che ki mi kong'etee India agoi Kush, emotinwek pogol ak tiptem ak tisap. Ki kisirchi emet age tugul eng' siruutikyik ak pororyet age tugul eng' kutinnywa ak ki kisirchi Yahudik ko uu siruutikwak ak eng' kutinnywa.

ESTA 9:1

Ki eng' arawetap taman ak aeng', nooto ko arawetap Adar, eng' peetuutap taman ak somok, ye kingo riik koyaak ng'olyootap laitoryat ak ng'atuutyennyi. Eng' peetuut ne ki imang'u puunigap Yahudik kole pou icheek ko kiwalak anyun ng'olyoondonooto ak kiboi Yahudik piik che kiwechei icheek.

ESTA 9:18

Ago ki iyumgei Yahudik che ki mi Susa eng' peetuutap taman ak somok ak eng' peetuutap taman ak ang'wan agine; ki imuuny eng' peetuutap taman ak muut ne po arawanooto ak ki yai koek peetuutap igoorto ak kagasetapkei.

ESTA 9:21

kong'at icheek kole, koriip eng' kenyiit age tugul peetuutap taman ak ang'wan ak peetuutap taman ak muut ne po arawetap Adar,