ESTA 8:9 - Bukuit Ne Tilil

⁹ Ki kiguur anyun siriigap laitoryat peetuunooto, eng' peetuutap tiptem ak somok eng' arawetap somok, nooto ko arawetap Siban. Ki kisir ko uu tuguuk tugul che kiga ng'atyi Mordekai Yahudik, kandoik pounik ak kiptainigap emotinwek che ki mi kong'etee India agoi Kush, emotinwek pogol ak tiptem ak tisap. Ki kisirchi emet age tugul eng' siruutikyik ak pororyet age tugul eng' kutinnywa ak ki kisirchi Yahudik ko uu siruutikwak ak eng' kutinnywa.

BUKUIT NE TILIL

⁹ Kigiguur anyun sirikab laitoriat betunoto, eng’ arawetab somok, noto ko arawetab Siban, eng’ betutab tiptem ak somok ne bo arawanato; kigisir ko u tuguk tugul che kiga ng’atyi Mordekai Yahudik, ak kandoik, ak bounik, ak kiptainikab emotinwek, che kimi kong’eete India agoi Etiopia, emotinwek bogol ak tiptem ak tisab, ak kigisirji emet age tugul eng’ sirutikyik, ak bororiet age tugul eng’ kutinywa, ak kigisirji Yahudik ko u sirutikwak, ak eng’ kutinywa.

ESTA 8:9 ပူးပေါင်းရင်းမြစ်များ

2 LAITORINIK 18:26

Koleenji anyun Eliakim weeriitap Hilkiah, ak Sebna, ak Joah, Rabsake, “Asoomin ale, ng'alaalji otwogiguk eng' kutitap Syria; amu kigase. Mating'alaalwech eng' kutitap Yahudik, kogasei piik che mi irimeet parak.”

2 ATEPTAP PEETUUSYEK 15:10

Koyumgei anyun eng' Jerusalem eng' kenyiitap taman ak muut eng' arawetap somok ne po laitornatetap Asa.

ESTA 1:1

Ki yaak ko uu ni eng' peetuusyegap Aasuerus, nooto ne ki laitorani kobooch India agoi Kush nooto Ethiopia, kobou emotinwek pogol ak tiptem ak tisap

ESTA 1:22

Ki iyookto paronok koba emotinwek tugul che po laitoryat, koba emet age tugul eng' sirennywa ak koba pororyet age tugul eng' kutinnywa, kole, koboi chii tugul koonnyi ak komwaita eng' kutitap piikyik.

ESTA 10:1

Ki ng'at Laitoryat Aasuerus aisuruut eng' emet ak eng' ngeguusyegap nyanjet.

DANIEL 4:1

Kamwachi `Laitoryat Nebukadnezar piik tugul, pororyosyek tugul, ak che po kutusweek tugul che menyei ng'wony tugul koleenji: Ingotesak kaalyeet eng' okweek!

DANIEL 6:1

Ki cham Darius konde pounik pogol agenge ak tiptem koboi pounateet komugul.

DANIEL 6:25

Ki sirchi anyun `Laitoryat Darius piik ak pororyosyek tugul ak che po kutusweek tugul che menyei ng'wony komugul; koleenji, “Ingotesak kaalyeet eng' okweek!