ESTA 8:5 - Bukuit Ne Tilil

⁵ Ak kole, “Ngot koboiboi niito laitoryat ak ngot ko kaanyooru chameet eng' tainnyi, ak ngot kogeer laitoryat kole myee ng'olyoondonooto ak aboiboi ineendet, ko ingesir kewal paronok che kichobei Haman weeriitap Hamedata Agagindet, che kisir kole keng'em Yahudik che mi emotinwek tugul che po laitoryat.

BUKUIT NE TILIL

⁵ Ak kole, Ngot koboiboi nito laitoriat, ak ngot ko kaanyoru chamet eng’ tainnyi, ak ngot kogeer laitoriat kole mie ng’olyondonoto, ak aboiboi inendet, ko ingesir kewal baronok che kichobei Haman weritab Hamedata Agagindet, che kisir kole keng’em Yahudik che mi emotinwek tugul che bo laitoriat.

ESTA 8:5 ပူးပေါင်းရင်းမြစ်များ

ESTA 2:17

Ak ki cham `Laitoryat Esta kosiir tiibiik tugul, ak kinyoor myeeindo ak chameet eng' tainnyi kosiir pergeinik tugul. Ara ki ilaakyi ineendet naaryeetap laitornatet ak koyai ineendet koek osotyotap laitoryat kogeere Basti.

ESTA 2:4

si koek osotyotap laitoryat chepto ne iboiboi laitoryat, ne kata Basti. Ki ibaibai `laitoryat ng'olyoondoni ak ki yai ko uu nooto.

ESTA 3:1

Kingo pata tuguuchuuto koeet `Laitoryat Aasuerus Haman weeriitap Hamedata Agagindet. Ki itoroor ineendet ak kogoochi kotebee ng'echereet ne toroor kosiir pounik tugul che ki mi kobooto ineendet.

ESTA 5:8

ngot ko kaanyooru chameet eng' taitap laitoryat, ak ngot koboiboi laitoryat soomennyu, koyaiywo anyun kiit ne asoome. Ingobwa laitoryat ak Haman igoorto ne oo ne achopchini icheek ak ayai mutai ko uu ye kagomwa laitoryat.”

ESTA 7:3

Ki wol anyun Esta osotyotap laitoryat kole ngot ko kaanyooru chameet eng' taing'ung', ee laitoryat ak ngot kobaibai laitoryat ko ingegoono saboondanyu amu soomennyu. Ak kasoom ale ingosapcho piikyuk.

KOMONG'U 33:13

Ara anyun asoomin ale, ngo kaanyooru chameet eng' taing'ung' iman, iboorwo nguno ortinweguk si kobiit anain ak anyooru chameet eng' taing'ung' ak ibwaat inyee ile pororyoni ko piiguk.”

KOMONG'U 33:16

Amu kinae nee nguno keele, kaanyooru chameet eng' taing'ung' ak piiguk? Tos ma amu kibendi kobooten ne yaech keegu che itabaanatiin, anee ak piiguk eng' piik tugul che mi ng'wony?”

1 SAMUEL 20:29

kole, ‘Asoomin ale chamwo awo, amu enyei piigap ooreennyo tiseiywot eng' nganaseet ak kong'ata weeriit ne ketupche awo. Nguno anyun ko ngot iyanwo eng' myeeindong'ung', asoomin ale chamwo awo ageer che kitupche.’ Nooto anyun amu nee si ma nyo meseetap laitoryat.”