ESTA 8:3 - Bukuit Ne Tilil

³ Ki ng'alaal Esta kogeny eng' taitap laitoryat ak kobutyi keelyekyik, kogaigai eng' peegap kong' kole koisto yaityetap Haman Agagindet ak ng'aleekyik che yaacheen che kimachei koyachi Yahudik.

BUKUIT NE TILIL

³ Ak king’alal Esta kogeny eng’ taitab laitoriat, ak kobutyi kelyekyik, kogaigai eng’ beekab kong’ kole koisto yaitietab Haman Agagindet, ak ng’alekyik che yaachen che kimachei koyachi Yahudik.

ESTA 8:3 ပူးပေါင်းရင်းမြစ်များ

2 LAITORINIK 4:27

Kingo it ole miitei chiitap Kamuktaindet eng' tulweet, konam keelyekyik. Ki nyo Geasi koriik konyo koleen kotoorta ineendet, ago ki le chiitap Kamuktaindet, “Mete! Amu tinyei ng'wanindo eng' muguleldanyi, ak kagoung'ena `Kamuktaindet ne Toroor ma mwaiwo.”

ESTA 3:1

Kingo pata tuguuchuuto koeet `Laitoryat Aasuerus Haman weeriitap Hamedata Agagindet. Ki itoroor ineendet ak kogoochi kotebee ng'echereet ne toroor kosiir pounik tugul che ki mi kobooto ineendet.

ESTA 7:4

Amu kigealdech, anee ak piikyuk si kobiit keng'emech, kebarech ak kelusye. Nda kiga kialdech keegu otwogik che murenik ak che kwonyik, ko kota asise, ago ko mata imuuchi puunyoot koyaakyi laitoryat pichu kota petos.

ESTA 8:2

Ki inem laitoryat peteinnyi ne kiga rebe Haman, ak kogoochi Mordekai. Ak ki inde `Esta Mordekai koboi kootap Haman.

ESTA 8:4

Ki iyogoochi anyun `laitoryat Esta kirokto ne po thahabu. Kong'eet anyun Esta ak kotonon eng' taitap laitoryat.

ISAIAH 38:2

Kowelel anyun Hezekiah togeennyi kogeer inaat, ak kosa Kamuktaindet ne Toroor,

HOSEA 12:4

ee, ki tinyei kimnateet koterteer malaikaiyat, ak ki iterteer. Ki riir, ak kosa ineendet: kinyoorchi `ineendet Bethel, ak ki ng'alaalwech eng' olooto;

HEBRANIK 5:7

Ne ki eng' peetuusyek che kimi eng' poorto, ko kagogoito saautik ak soomutik eng' riirek che eecheen ak peegap kong', koriirchin ineendet ne ki imuuchi kosar eng' meet, ak kingo kagegasyi amu kaiyweisyennyi ne kiywei Kamuktaindet.

1 SAMUEL 25:24

Ki ibutyi keelyekyik ak koleenji, “Ingobunjo yaityoni kiptaiyandennyu, ingobunjo Asaain ale, chamji cheptong'ung' ne otwoget kong'alaal igas ak igasyi cheptong'ung' ne otwoget ng'aleekyik.