ESTA 8:17 - Bukuit Ne Tilil

¹⁷ Ak ki tinyei kagasetapkei ak poiboiyet, igoorto ak peetuut ne oo eng' emet age tugul ak eng' nganaseet age tugul, oldo tugul ole kiga it ng'olyootap laitoryat ak ng'atuutyennyi. Kiwalgei piik che chaang' che po emet koek Yahudik, amu kiga koityi icheek kaiyweisyet ne ki iywei Yahudik.

BUKUIT NE TILIL

¹⁷ Ak kitinyei kagasetab ge ak boiboiyet, igorta ak betut ne o, eng’ emet age tugul ak eng’ nganaset age tugul, oldo tugul ole kiga it ng’olyotab laitoriat ak ng’atutiennyi. Ak kiwalgei bik che chang’ che bo emet koek Yahudik; amu kiga koityi ichek kaiyweisiet ne kiiywei Yahudik.

ESTA 8:17 ပူးပေါင်းရင်းမြစ်များ

TAUNET 35:5

Ak ye kibendi anyun, ko ki tebee kamuisetap Kamuktaindet nganasook che ki mi ole neegitee icheeget, ak ma isup icheek weeriigap Jakobo.

NEEMIA 8:10

Koleenji icheek `Nehemiah, “Oba, oam che akwaen ak oee che anyiny ak oyookyi kebeberwek ineendet ne ma kichopchi kiy, amu tiliil peetuuni eng' Kiptaiyandennyo. Amoaragense, amu kimnateeng'wong' poiboiyetap Kamuktaindet ne Toroor.”

ESTA 9:17

Ki yaak ng'olyoondonooto eng' peetuutap taman ak somok eng' arawetap Adar, ak ki imuuny eng' peetuutap taman ak ang'wan ne po arawanooto ak ki yai koek peetuutap igoorto ak kagasetapkei.

ESTA 9:19

Amu nooto anyun, yaei Yahudik che po nganasook che mengeechen, che menyei nganasook che ma king'ot peetuutap taman ak ang'wan ne po arawetap Adar koek peetuutap kagasetapkei ak igoorto, ak koek peetuut ne myee ak peetuut ne kiyooktochingei kagoochinoik.

ESTA 9:2

Ki iyumgei Yahudik eng' nganasookwak eng' emotinwek tugul che po Laitoryat Aasuerus si konam icheeget che ki cheeng'ei konyaliil icheek. Ma piit chii ne ki imuuch kogirinda icheek; amu kiga koityi pororyosyek tugul kaiyweisyet ne ki iywei Yahudik.

ESTA 9:22

koek peetuusyek che imuunyi Yahudik, che ma paregei ak puunikwak, ak koek arawet ne ki kiwale arageneet koek kagasetapkei, ak riirek koek peetuut ne myee. Ki le koyachigei koek peetuusyegap igoorto ak kagasetapkei ak koek ne kiyooktochingei konunoik ak kiyookyi kibananook kagoochinoik.

ESTA 9:27

kong'at Yahudik kole koriip icheek kobooto iyotennywa ak tugul che ki namgei ak icheeget, peetuusyechooto aeng' ko uu ng'olyoonnywa ne ki kisir, si ma kibagaakta ak ko uu peetuusyek che ki king'at, eng' kenyiit age tugul.

ESTA 9:3

Ak ki ityi toreteet Yahudik kobun kiptainik tugul che po emotinwek, ak kandoik, ak pounik, ak icheek che kiyaei poisyetap laitoryat, amu kiga koityi icheek kaiyweisyet ne ki iywei Mordekai.

TIENWOGIKAL 105:38

Ki paibait Misiri ye kingo pa; amu kiga konyoor kaiyweisyet amu icheek.

TIENWOGIKAL 18:43

Ki isarwo eng' pooryosyegap piik; ki igoono aek metitap pororyosyek. Tuun ota piik che tomo anai.

KOMONG'U 15:16

Kanam icheek kamuiset ak kaiyweisyet; eng' etunatetap eung'ung', ko siisyo ko uu koita; agoi kolanda piiguk, ee Kamuktaindet ne Toroor, agoi kolanda piik che ki ial.

NG'ATUTIK 11:25

Ma piitu chii ne imuuchi kotonon eng' taing'wong'. Igoochin Kamuktaindet ne Toroor Kamuktaindeng'wong' koiyweak ak kogonyitok emet komugul ne otyeche ko uu ye ki mwaiwok.

NG'ATUTIK 2:25

Atau ra agoochini koiywein ak koaragenso agobo inyee piik che miitei kurereet tugul ne po kipsengwet komugul che ta kogasei ng'aleeguk. Potandos ak konyoor ng'wanindo amu inyee.’ ”

JOSHUA 2:11

Ye ki ngegas agobo nooto, kogimeiyo mugulelwekyok ak ki mata komi nyiganateet eng' chii age tugul amu okweek. Kamuktaindet ne Toroor Kamuktaindeng'wong' ko iman Kamuktaindet eng' parak kipsengwet ak eng' ng'wony.

JOSHUA 2:9

ak koleenji, “Angen ale ki koonok Kamuktaindet ne Toroor emoni, ak ki koityech arageneet agobo okweek, ak komeyo mugulelwegap meng'iigap emoni tugul eng' taing'wong'.

1 SAMUEL 25:8

Teebe murenjotoguget si komwaun. Ingonyoor anyun chameet murechuchuk eng' taing'ung', amu kagibwa eng' peetuut ne myee. Asoomin anyun ale, igoochi otwogiguk ak weeriing'ung' Daudi kiy age tugul ne itinye.’ ”