ESTA 8:14 - Bukuit Ne Tilil

¹⁴ Ki pa anyun piik che kiga kiyookto kobun paraisisyek che chepchep che kiboisyei eng' poisyetap laitoryat, che ki kichirchir ak ki kigiil eng' ng'atuutyetap laitoryat. Ak ki kimwaita ng'atuutyet eng' Susa nganaseet ne oo.

BUKUIT NE TILIL

¹⁴ Kiba anyun bik che kiga kiyokto kobun mbartanyisiek che chepcheb che kiboisiei eng’ boisietab laitoriat, che kigichirjir, ak kigigiil eng’ ng’atutietab laitoriat; ak kigimwaita ng’atutiet eng’ Susan, nganaset ne o.

ESTA 8:14 ပူးပေါင်းရင်းမြစ်များ

1 LAITORINIK 4:28

Ki ipchi baale ak icheek ak mobeek che po paraisisyek ak tyong'ik che chepcheben koip kobwa ole mi kiptainik, chii tugul ko uu ye ki king'at.

2 ATEPTAP PEETUUSYEK 30:6

Ki ip anyun piik che kiga kiyookto, paronok che ki punu laitoryat ak pounikyik, koba Israel tugul ak Judah, ko uu ng'atuutyetap laitoryat, koleenji, “Okweek piigap Israel, oweekyigei Kamuktaindet ne Toroor, Kamuktaindetap Abraham, Isak ak Israel, si komuuch ineendet koweekyigei piik che ki ng'et, che kichililso eng' okweek eng' eunegap laitorinigap Assyria.

NEEMIA 1:1

Che isubi ko ng'aleegap Nehemiah weeriitap Hakalia: Eng' arawetap Kisleb eng' kenyiitap tiptem, ye ki ami Susa eng' kaplaitoryat,

ESTA 1:2

eng' peetuusyechooto kitebee Laitoryat Aasuerus ng'echereetap laitornatet ne po pounatennyi eng' nganaseet ne oo ne po Susa,

ESTA 2:3

ak ingonde laitoryat kiptainik emotinwek tugul che po laitornatennyi, si kobiit koyum pergeinik tugul che neranik ak ko tinyei itoon kobwa Susa, nganaseet ne oo. Ngo pwa kootap kwonyik, konyo koriip Hegai riibindetap kaplaitoryat ne ki riibei kwonyik. Ingigoochi tuguukwak che ianyinyegei,

ESTA 3:13

Ki kiyookto paronok, kiyooktoe piik koba emotinwek tugul che po laitoryat keleenji keng'em, kebar ak kiluus Yahudik tugul; neranik ak che oosen, lagok che mengeechen ak kwonyik, ak kenam tuguukwak koek parunenik. Oyai niito eng' peetuut agenge, eng' peetuutap taman ak somok ne po arawetap taman ak aeng', nooto ko arawetap Adar.

ESTA 3:14

Ki kimwachi pororyosyek tugul ng'aleegap siruutichooto, si kobiit kigoito ng'atuutyet eng' emet age tugul, si kochobogis agobo peetuunooto.

ESTA 3:15

Ki pa anyun piik che kiga kiyookto kochaakta eng' ng'atuutyetap laitoryat ak ki kigoon ng'atuutyonooto eng' Susa, nganaseet ne oo. Ki tep ng'wony laitoryat ak Haman koeeiso, ago ki iimgei nganaseetap Susa.

ESTA 8:13

Ki kimwachi pororyosyek tugul ng'aleegap siruutichooto che ki mwa kole kemwaita ng'atuutyet eng' emet age tugul, ak keele kochopkei Yahudik eng' peetuunooto koyaaktochigei mugetuut eng' puunikwak.

ESTA 8:15

Ki wo Mordekai eng' ole mi laitoryat kolaagoti ngoroigap laitornatet che buluu ak che leelach, kotinyei naaryeet ne oo ne po thahabu ak ngoryeet ne po katanit ne karaaran ne arus ne piriir. Ak kiwaach nganaseetap Susa kogaskei.

AMDOINDET 9:10

Kiit age tugul ne iyae eng' eung'ung', iyai eng' kimnateng'ung', amu ma mi poisyet anan chobutik anan naet anan utaatyet eng' kererit ne iwendi.

DANIEL 8:2

Ak ki ageer ng'ang'utyet, ak kinga keere, ami Susa, nganaseet ne oo eng' emetap Elam; ki ageer ami ole neegitee aineet Ulai.

1 SAMUEL 21:8

Ki teebe `Daudi Ahimelek koleenji, “Metinye eng' yu ng'otit anan ko rotwetap chok eng' eung'ung'? Ma aibu rotwennyu anan ko kariikyuk, amu komachei poisyetap laitoryat kechokyi.”