ESTA 8:13 - Bukuit Ne Tilil

¹³ Ki kimwachi pororyosyek tugul ng'aleegap siruutichooto che ki mwa kole kemwaita ng'atuutyet eng' emet age tugul, ak keele kochopkei Yahudik eng' peetuunooto koyaaktochigei mugetuut eng' puunikwak.

BUKUIT NE TILIL

¹³ Kigimwachi bororiosiek tugul ng’alekab sirutichoto che kimwa kole kemwaita ng’atutiet eng’ emet age tugul, ak kele kochopgei Yahudik eng’ betunoto koyaaktochigei mugetut eng’ bunikwak.

ESTA 8:13 ပူးပေါင်းရင်းမြစ်များ

ESTA 3:14

Ki kimwachi pororyosyek tugul ng'aleegap siruutichooto, si kobiit kigoito ng'atuutyet eng' emet age tugul, si kochobogis agobo peetuunooto.

ESTA 8:14

Ki pa anyun piik che kiga kiyookto kobun paraisisyek che chepchep che kiboisyei eng' poisyetap laitoryat, che ki kichirchir ak ki kigiil eng' ng'atuutyetap laitoryat. Ak ki kimwaita ng'atuutyet eng' Susa nganaseet ne oo.

TIENWOGIKAL 68:23

Si kobiit irooch keeldong'ung' korotiik, Si konyoor ng'elyeptap seseniguk kebebertanyi eng' puunik.

LUKA 18:7

Tos ma yachin Kamuktaindet imanda che lewenotin, che riirchin ineendet peet ak kemoi, ak muitoi ineendet eng' icheek?

NG'ANG'UTYET 6:10

Ki mwa eng' kutit ne oo kole, “Tyanitu, ee Kiptaiyat, ne tiliil ak ko po iman, si irwookyi ak iyaaktoiywech mugetuut agobo korotiikyok eng' icheek che menyei ng'wony?”

KIRUOGIK 16:28

Ki kuur `Samson Kamuktaindet ne Toroor koleenji, “Ee Kiptaiyat Kamuktaindet ne Toroor, asaain ale ibwaata ak igimita ra kityo, ee Kamuktaindet, si ayaaktochigei mugetuut eng' Philistiik agobo konyekyuk tuwai.”