ESTA 7:9 - Bukuit Ne Tilil

⁹ Yeityo komwa Harbona ne ki agenge eng' riibiik che ki mi taitap laitoryat kole keero, mitei keetit ne lumdaat eng' kootap Haman ne kigartate piik ne po tononennyi mitainik tiptem ak aeng'. Niito ne kiga kochopchi `Haman Mordekai ne ki mwa ne myee agobo laitoryat. Ak ki le laitoryat, “Ogartate ineendet ketoto.”

BUKUIT NE TILIL

⁹ Yeityo komwa Harbona, ne ki agenge eng’ ribik che kimi taitab laitoriat kole, Keero, mitei ketit ne kigartate bik, ne bo kakwautik konom che bo eut tonon, ne kiga kochopchi Haman Mordekai, ne kimwa ne mie agobo laitoriat, lumdaat ketoto eng’ gotab Haman. Ak kile laitoriat, Ogartate inendet ketoto.

ESTA 7:9 ပူးပေါင်းရင်းမြစ်များ

2 LAITORINIK 9:32

Ki inyal Jehu tirisyet ak kole, “Ng'oo ne mi komostanyu? Ng'oo?” Kigeerei ineendet `piik aeng'u anan somok che ki kiptainik.

ESTA 1:10

Eng' peetuut ne po tisap ye kibaibai muguleldap laitoryat amu divaik, kong'at ineendet riibiichu tisap che kiboisyei eng' taitap Laitoryat Aasuerus: Meuman, Bista, Harbona, Bigta, Abagta, Setar ak Karkas,

ESTA 5:14

Koleenji anyun `Seres osotyonnyi ak choronokyik tugul ineendet, “Myee kelumda keetit ne kigetisyee kotonoon ne po mitainik tiptem ak aeng', ak imwachi laitoryat mutai ileenji kigartatee kioto Mordekai. Ye ibata, iwe inyee igoorto eng' kagasetapkei kobooto laitoryat.” Ki ibaibai kioto Haman, ak ki ng'at keyai keetoto kigetisyee.

ESTA 6:14

Ye kita kong'alaali ak ineendet, kobwa riibiigap laitoryat ak komut Haman kochaaktae kwo igoorto ne oo ne kiga kochop Esta.

ESTA 6:2

Ki kinyoor ko siraat keele ki mwaita Mordekai Bigtana ak Teres, icheeget che ki riibiik aeng' che po laitoryat che riibei kurgeet, ak ko kiga cheeng' kobar Laitoryat Aasuerus.

ESTA 8:7

Ki leenji anyun `laitoryat Aasuerus Esta osotyonnyi ak Mordekai Yahudyot, “Ogeero, kaagoochi Esta kootap Haman ak ko kigartaat ineendet eng' keetit amu kimachei kobar Yahudik.

ESTA 9:14

Ki ng'at anyun laitoryat koyaak ko uu nooto. Ki kigon ng'atuutyet eng' Susa, ak ki kigartaat weeriichooto taman po Haman.

ESTA 9:25

Ago ye kingo it ng'olyoondonooto taitap laitoryat, kong'at eng' paronok kole koweekyigei metinnyi sogornatennyi ne kiga kochop agobo Yahudik, ak kole kigartati ineendet ak weeriikyik eng' keetit ne kigartate piik.

TIENWOGIKAL 141:10

Ingobutyi kiptengeginik mestonokwak, ye achilili.

TIENWOGIKAL 35:8

Ingoche ineendet `ng'emisyet! Ak ingonam ineendet mesteet ne ki unyei; ingororokyi olooto eng' ng'emisyonooto!

TIENWOGIKAL 73:19

Katepto ano kot kosip kong'emogis icheek eng' chokyinet; kagowong'kei eng' kamuisosyek.

DANIEL 6:24

Ki ng'at laitoryat ng'atuutyet, ak ki kimut pichooto ki itaami Daniel, ak kewiirchi icheek keriingetap ng'etuunyik, icheeget kobooto lagokwak ak osotikwak. Ak kotom koit keriinget oriit ko kital ng'etuunyik icheek ak kotonaton kawekwak.

DANIEL 6:7

Kogo ng'alaaljigei poisyek tugul che po pounateet, kiptainik, pounik, piigap kapkirwook ak kirwoogik, kole kogimiit ng'atuutyet ne po kaplaitoryat, ak kong'at ng'atuutyet ne kiim, kole, age tugul ne soomei kiy kamuktain age tugul anan ko chii eng' peetuusyek sosom, kobatenen inyee, ee laitoryat, kewiirchin keriingetap ng'etuunyik.

1 SAMUEL 17:51

Ki labat anyun Daudi ak kotonone Philistindet, konam rotwetap Philistindonooto kong'us eng' choget ak kobar ak koebe kaatit kong'et. Kingo keer Philistiik kole kagome nyiganennywa, komwei.