ESTA 7:8 - Bukuit Ne Tilil

⁸ Kingo week anyun laitoryat eng' mbareetap kootap laitoryat, konyo ole kimi igoorto ne po divaik ko kiga kobutyi Haman ole kilyeldoe Esta. Kibol laitoryat kole, “Machei kosuup osotyondennyu eng' tainnyu eng' kootap laitoryat?” Ye kita kong'alaali laitoryat, ketuch togetap Haman.

BUKUIT NE TILIL

⁸ Kiweek anyun laitoriat eng’ mbaretab gotab laitoriat, kwo ole kimi igorta ne bo divaik, ak kiga kobutyi Haman kit ne kilyeldoe Esta. Kole anyun laitoriat, Machei kosuub osotiondennyu eng’ tainnyu eng’ go? Ye kita kong’alali ak laitoriat, ketuch togetab Haman.

ESTA 7:8 ပူးပေါင်းရင်းမြစ်များ

ESTA 1:5

Ye kingo keskei peetuusyechuuto, koyachi laitoryat igoorto piik tugul che ki mi nganaseet ne oo ne po Susa, che eecheen kobooto che mengeechen eng' peetuusyek tisap eng' seremutap mbareetap kootap laitoryat.

ESTA 1:6

Ki miitei angook che songinindos che ki leelach ak che ki nyalileen, ak che ki buluu, che ki kirate poroonik che po katanit ne karaaran ak ne arus ne piriir, keratyi tamoogok che po fedha eng' tolochigap koik che leelach. Ki po thahabu ak fedha itogusyek ak ki kinde ng'wony ole ki kimale koik che piriiren, che leelach, che sokyanen ak che tuuen.

ESTA 6:12

Ye kingo pata, konyo kogeny Mordekai ormariichetap laitoryat. Ago kichaakta Haman kwo koonnyi eng' arageneet kotugot metinnyi.

ESTA 7:10

Ki igartaat anyun `pichooto Haman eng' keetit ne kiga kochopchi `ineendet Mordekai. Kosiisyo anyun nereegegap laitoryat.

Kitabuutap JOB 9:24

Ki kinde ng'wonyuni eunegap kiptengeginik; tuchei togoochigap kirwoogikyik. Ngot koma ineendet, ko ng'oo anyun?

ISAIAH 22:17

Keero, wiirtoin Kamuktaindet ne Toroor eng' kimnateet ko uu chiito ne kiim; ee, taain miising'.

ISAIAH 49:23

Ak koek laitorinik kwanisyeguk che iguin, ak koek osotigap laitorinik kametwogiguk che iguin: kutung'jinin icheek kot koit togoochikwak ng'wony, ak komel temburyek che mi keelyeguk; ak inai ile aa Kamuktaindet ne Toroor, ma ililandos icheek che igeno.

AMOS 3:12

Mwaei anyun Kiptaiyat Kamuktaindet ne Toroor kole: Ko uu ye saru mestowot keelyek aeng' anan motwet ne po itit eng' kutitap ng'etundo; kisaru anyun ko uu nooto piigap Israel che tebee Samaria eng' luuitap kiit ne kilyeldoe, ak eng' kiplusinik che po aririt che po itoogut.

MARIKO 14:65

Ak ki toi alak kosing'ilji ineendet ak kotuch togeennyi, ak koluch, ak koleenji, “Ng'orse!” Ki nam `riibiik ineendet ak korabach.