ESTA 7:3 - Bukuit Ne Tilil

³ Ki wol anyun Esta osotyotap laitoryat kole ngot ko kaanyooru chameet eng' taing'ung', ee laitoryat ak ngot kobaibai laitoryat ko ingegoono saboondanyu amu soomennyu. Ak kasoom ale ingosapcho piikyuk.

BUKUIT NE TILIL

³ Kowolji anyun Esta osotiotab laitoriat kole, Ngot ko kaanyoru chamet eng’ taing’ung’, ee laitoriat, ak ngot kobaibai laitoriat, ko ingegona sobondanyu amu somennyu, ak bikyuk amu kioto kasom:

ESTA 7:3 ပူးပေါင်းရင်းမြစ်များ

1 LAITORINIK 20:31

Ki leenji `otwogikyik ineendet, “Keero, kigegas keele laitorinigap kootap Israel ko laitorinik che tinyei rireenetapkei. Kisoomin anyun keele kilaach kuniok kegermenegei, ak kinde rogoosyek metowekyok, ak kemande keebe ole mi laitoryatap Israel. Tamangap kosar saboondang'ung'.”

2 LAITORINIK 1:13

Ki iyookto kogeny kiptaiyat ne po somok kobooto piikyik konom. Ki togosta kiptaiyatap somok ne pou konom ak konyo kogutuny eng' taitap Elijah, ak kosaisai ineendet, koleenji, “Ee chiitap Kamuktaindet, asaain ale, ingobunji kamanuut ne oo, saboondanyu ak saboonwegap otwogichuguk konom eng' taing'ung'!

ESTA 4:8

Ki igoochi kora ineendet ng'aleegap siruutik che po ng'atuutyet ne ki kimwaita eng' Susa keele kebar icheek, si koboorchi Esta ak koaroorchi ole teptoi, kong'at ineendet kwo ole mi laitoryat asi koriirchi ineendet ak kosoom eng' tainnyi agobo piikyik.

ESTA 5:8

ngot ko kaanyooru chameet eng' taitap laitoryat, ak ngot koboiboi laitoryat soomennyu, koyaiywo anyun kiit ne asoome. Ingobwa laitoryat ak Haman igoorto ne oo ne achopchini icheek ak ayai mutai ko uu ye kagomwa laitoryat.”

ESTA 7:7

Ki ng'eet laitoryat eng' nereegek, ak kwo eng' igoorato po divaik, kwo mbareetap kootap laitoryat. Ki tonon Haman koleen kosoom Esta osotyotap laitoryat kesar saboondanyi; amu ki keer kole kagobegechi laitoryat koyachi ineendet yaityet.

ESTA 8:5

Ak kole, “Ngot koboiboi niito laitoryat ak ngot ko kaanyooru chameet eng' tainnyi, ak ngot kogeer laitoryat kole myee ng'olyoondonooto ak aboiboi ineendet, ko ingesir kewal paronok che kichobei Haman weeriitap Hamedata Agagindet, che kisir kole keng'em Yahudik che mi emotinwek tugul che po laitoryat.

Kitabuutap JOB 2:4

Ki wolji `Setani Kamuktaindet ne Toroor koleenji, “Kigeeree `iriryot iriryot; igoitoi chii tuguukyik tugul agobo saboondanyi.

JEREMIA 38:26

ileenji icheek anyun, Koaipchini laitoryat soomennyu, ale, si ma weekyo kootap Jonathan, si ma mee eng' olooto.