ESTA 6:3 - Bukuit Ne Tilil

³ Kiteep anyun laitoryat kole, “Nee teegisto ak etunateet ne kigeyachi Mordekai agobo kioto?” Kole otwogigap laitoryat che kiboisyechin ineendet, “Ma mi kiy age tugul ne kigeyachi ineendet.”

BUKUIT NE TILIL

³ Ak kile laitoriat, Nee teegisto ak etunatet ne kigeyachi Mordekai agobo kioto? Kole anyun otwogikab laitoriat che kiboisiechin inendet, Mami kiy ne kigeyachi inendet.

ESTA 6:3 ပူးပေါင်းရင်းမြစ်များ

TAUNET 40:23

Ago ki ma ibwaat `Joseph ne oo ne po tuguuk che kieei, ki utye ineendet.

1 ATEPTAP PEETUUSYEK 11:6

Ki le Daudi, “Chiito age tugul ne sip kobarei Jebusik koegu ne oo ak koek kiptaiyat.” Ak kisip kwo kotogosta Joab weeriitap Zeruiah, ak ki kiyai koek ne oo.

ESTA 6:2

Ki kinyoor ko siraat keele ki mwaita Mordekai Bigtana ak Teres, icheeget che ki riibiik aeng' che po laitoryat che riibei kurgeet, ak ko kiga cheeng' kobar Laitoryat Aasuerus.

ESTA 6:4

Koteep laitoryat kole, “Ng'oo ne mi serem?” Kiga konyo Haman seremutap saang' ne po kootap laitoryat koleen konyo kong'alaalji laitoryat si kigartaat Mordekai eng' keetit ne kiga kochopchi ineendet.

AMDOINDET 9:15

Ki kinyoorchi nganasanooto kibananiat ne utaat ak ki sar nganaseet eng' utotyennyi; ago ma mi chii ne ki ibwaat kibananiandanooto.

DANIEL 5:16

Ago koagas agobo inyee keele imuuchi iaror ak ibooru tugun che iimi piich. Ngot imuuchi anyun isoman siruutichuuto ak iboorwo kiit ne mwaei, kilaagun anyun ngoroik che aruseen ne piriir ak kilaakyi kaating'ung' sirimdap thahabu, ak iegu pounindet ne po somok eng' pounateet.”

DANIEL 5:29

Ki ng'at anyun Belshazzar ng'atuutyet, ak kolaakyi `piik Daniel ngoryeet ne arus ne piriir, ak kolaakyi kaatinnyi sirimdap thahabu, ak komwaita agobo ineendet kole egu pounindet ne po somok eng' pounateet.

DANIEL 5:7

Ki kuurso anyun laitoryat eng' kutit ne oo kimut ng'amotigap kecheik, Kaldeik ak chepsogeinik. Ki ng'alaalji `laitoryat piik che ng'oomen che po Babilon koleenji, “Chii age tugul ne somani siruutichu ak koboorwo kaarorennyi, kilaakyin ngoryeet ne arus ne piriir ak kilaakyi kaatinnyi sirimdap thahabu, ak koek pounindet ne po somok eng' pounateet.”